1641

 

1. Adr: Jonas Henrici Bechaelius – Aut: Petrus Caroli Undenius (Oratio de amicitia: quam, /.../ in Regia Academia Gustaviana, quae Dorpati /.../ est  /…/ die 10. Novembr. anno 1641. publice /…/ enarrabat Jonas Henrici Bechaelius, /…/ - Dorpati, 1641: Typ. acad.)                                                                     SKB, Karlstadt StB, H, LAB, [Tartu UB]

GRATULATIO

Doctissimo Dn. Peroranti.

 

                        Quos genuit probitas, stabili his pia pectora verus

                                    Synceroque animos foedere jungit amor:

                        Hinc, nunquam constans Pyladi insidiatur Orestes,

                                    Alter in alterius vivit Amicitia.

5          Esto: tamen pauci quid sit concordia norunt.

                                    Sacri est, BECHAELI, res animosa chori.

                        Hinc bene tu lingva, quid sit concordia dicis:

                                    Hinc surgent coeptis praemia digna tuis.

Amico animo et manu apposuit

Petrus Caroli Undenius,

W.-Gothus.

 

2. Adr: Ericus Haquini Bobergius – Aut: Laurentius Ludenius (Disputatio philosophica de qualitatibus afficientibus; quam, /.../ in Regia Academia Gustaviana, quae Dorpati /.../ est /.../ sub praesidio /.../ Laurentii Ludeni, /.../ pro summo in philosophia gradu consequendo, /.../ disputationis exercitio, ad diem 18. Augusti, /.../ submittebat Ericus Haquini Bobergius, /.../ - Dorpati Livonorum, 1641: Typ. acad.)

Västerås StB, [Tartu UB]

GRATULATIO

Humanissimo Dn. Respondenti.

ERICUS HAQVINI BOBERGIUS:

Per Anag.

I, QUI VIR: HOC URGENS, BEABIS.

 

I, QVI VIR; Pietate vires: Sophiae Eusebiaeque

HOC VRGENS Studium corda BEABIS ope.

In felix omen ap.

LAURENTIUS LUDENIUS,

J.U.D. et Professor.

 

3. Adr: Michael Olai Bostadius – Aut: Laurentius Ludenius (Disputatio philosophica de tempore; quam, /.../ in Regia Academia Gustaviana, quae est Dorpati /.../ sub praesidio /.../ Laurentii Ludenii, /.../ pro  summis in philosophia honoribus consequendis, publ. examini /.../ ad diem 25. Septemb. /.../ submittebat Michael Olai Bostadius, /.../ - Dorpati Livonorum, 1641: Typ. acad.)                        UUB, [Tartu UB]

GRATULATIO

Rev. et Praestantissimo Dn.

RESPONDENTI.

MICHAEL OLAI BOSTADIUS;

Per Anagr.

HIC STO; MELLA DABIS, JOVA.

 

                        In statione mei officij HIC STO. Maxime JOVA,

                                    MELLA DABIS, genio MELLeA dona meo.

In felix omen app.

LAURENTIUS LUDENIUS,

J.U.D. et Professor.

 

4. Adr: Michael Olai Bostadius – Aut: Ericus Haquini Bobergius (cf. 3)

UUB, [Tartu UB]

GRATULATIO

                        Inservis scenae, doctrina clare Michaël,

                        Dum vigili studio Musarum sacra frequentas,

                        Atque Theses doctas volucri de Tempore condis,

                        Quas cultae valido rationis Marte tueris.

            5          Hinc tibi Laurigerae donabunt oscula Musae,

                        Et tua Phoebea velabunt tempora Lauru,

                        Quam precor ex ima synceri pectoris arca,

                        Ut vigeat, crescat, vireat, bene floreat usque.

Felicis ominis ergo apposuit

ERICUS HAQUINI BOBERGIUS,

W-Gothus, Phil. Cand.

 

5. Adr: Michael Olavi Bostadius, Johannes Georgii Gezelius et Laurentius Ludenius – Aut: Georg Stiernhielm (Ode Alcaica gratulatoria; summis in philosophia honoribus, quos /.../ Micaeli Olavi Bostadio, ad aedem Beatae Virginis, quae Dorpati est pastori /.../ et /.../ Johanni Georgii Gezelio; publica panegyri in /.../ Gustaviana, /.../ Universitate, /.../ decanus et promotor, /.../ Laurentius Ludenius, Holsat. Ph. et J.U.D. poët. cor. professor juris, oratoriae et poëseos, ad diem 18. Octobris, anno 1641. publice et solenniter conferebat. – Dorpati Livonorum, 1641: Lit. acad.) [1]

UUB, [SKB, Lund UB, H, Tartu UB]

GRATULATIO

                        Gentis superbum Romuleae decus

                        Authorque Mavors aequus adorea

                                    Promptos manu, factisque claros

                                                Mactat, et eximio brabejo:

 

            5          Huic Civica Quercu redimit comas;

                        Illi impedit Pinnis caput aureis;

                                    Vallisve; Rostrata merentem

                                                Gramineave beat corolla.

 

                        Sic cui potestas proxima contigit

            10        Coelo, Jovis frater, Pelagi Arbiter

                                    Nullus lucellum auso secare

                                                Marmora puppe, negat petitum.

 

                        Nec, quae solum prima auxit honoribus

                        Ennaea spiceis, improba sedulo

            15                    Messem invidet promissam aratro

                                                Spemve coloni avidi refellit.

 

                        Compendio dicam: Ardua Palmulam

                        Nulli abnuit Virtus merito suam;

                                    Nullum suo fraudat labore

            20                                Pulverulenta, vigilque Curae.

 

                        Hinc Diva sublimis Sophie throno

                        Subnixa Eburno cernitur, His suis

                                    Praesentibus fidis alumnis

                                                Praemia digna parans referre.

 

            25        Magnos decet permagna merentibus

                        Conferri honores: debita purpurae

                                    Luxit dies, qua, functa duris

                                                Corda laboribus, erigantur.

 

                        Nunc ergo Vos, almae Sapientiae

            30        Chari Sacerdotes venerabiles,

                                    Virtute doctrinaque clari

                                                Surgite, scandite ad altiora.

 

                        Tu flos Sealtes, Uraniae decus                                             Anagr.

                        Insigne, gaude et dic, MICHAEL, Scopus                   MICHAEL OLAI

            35                      Hic, Laus Deo, Musae Litavi:                      BOSTADIUS SVECUS

                                               Munera dia fero laborum.                         Mutato B in P[2]

 

                        Ah Tu, MINERVAE pulle GEORGIDE,                               Anagr.

                        Quid stas? An is Zelo egregio igneus?                          IOANNES GEORGII

                        Ascende, sudorum tuorum                                           GEZELIUS,[3]

            40                                            Accipe praemia pulcra, et ampla.

 

                        Euge, euge! ovantes munera sumite,

                        Spectabilis quae amplissima dividit

                                                Vobis Decanus, laude multa

                                                            Vir venerabilis et canendus.

 

            45        En! induet pulcher digitum annulus                                         Anagr.

                        Insigne Honoris, magnificum decus.                            LAURENTIUS

                                      Mitra comas cinget Vir altus                         LUDENIUS

                                                  Pectore, Ture colendus Indo.           DOCTOR.

 

                        Tanti est, Camoenas assidua manu;

            50        Tanti est, Minervam almam, et Sapientiam,

                                    Vulgo improbo Deas negatas,

                                                Excoluisse animo fideli!

 

                        Tanti est inertem pellere Murtiam

                        Et rarioris vincere Gloriae

            55                    Hostem Vacunam internicinum;

                                                Opprobrium ingenij pudendum!

 

                        His nempe, pellax Pontigenae Puer,

                        Arcus tuus laxus fluit; ignibus

                                    Cassas faces; telis pharetras;

            60                                Pondus inane gemis, fremisque;

 

                        Derisus incassum, thyasum qvatis;

                        Matrique calcatam quereris, pede

                                    Pandam dietam, fastuoso,

                                                Castalidum violator Euan.

 

            65        Clari triumpho vivite nobili;

                        Ecclesiae Christi boni et utiles;

                                    Templis salubres et Lyceis;

                                                Praesidio Patriae atque Amicis.

Dictata dicta

a

G. Stiernhielm,

Haeredit. in Wasula et Kni-

vus, Pro-Castellano Dorpat. et

Supremor. in Livonia Judici-

orum, Aulici et Protosy-

nedrij Assessore.

 

6. Adr: Christian Buchovius et Anna Burchard – Aut: Andreas Virginius (Sacris nuptiarum honoribus, /.../ Christiani Buchovii, patricij Stralsundensis, conjugium, Revaliae Livonorum <23.> die Februarij anno 1641. contrahentis cum /.../ Anna, /.../ Johannis Burchardi, p.m. in /.../ Revaliensium repub. civis quondam primarij, relicta filia, sponsa, quaevis fausta et salutaria precantur Musae Embecciades. – Dorpati Livonorum,1641: Lit. acad.)                                                  Tallinn SA, [Tartu UB]

EPITHALAMIUM

                        Conjugium perdulce Jugum; sunt mutua quaevis

                                    Totius vitae sortis et officia.

                        Dulce jugum: veniunt sociata Marita, Maritus,

                                    Auxiliatrices pesque manusque sibi.

5          Si mala Fata premant; Deus ut mala tollat iniqua,

                                    Conjunctis animis per pia[4] vota petunt.

                        Si bona sors adsit, Sortem pietate tuentur;

                                    Et dextrae quaerunt conditionis opes.

                        Felices qui tale jugum perdulce subitis;

10                    Eveniant Thalamo commoda larga precor.

Ita ap.

ANDREAS VIRGINIVS, Nob. Pom.

SS. Theol. D. et Profess. Primar. Supre-

mique Consistorij Adsessor.

 

7. Adr: Christian Buchovius et Anna Burchard – Aut: Laurentius Ludenius (cf. 6)

Tallinn SA, [Tartu UB]

EPITHALAMIUM

                        Castae Delicium Veneris; sperata Voluptas

                        Conjugij; Vitae consortia Corcula; SPONSE,

                        SPONSAque vernanti Natura mitis et Annis;

                        Sic, Christo tribuente, nihil Natura crearit,

            5          Legitimi Consorte thori praestantius unquam!

                        DELIGITUR speciosa Venus; socianda Venustas

                        Dimidiumque animae alterius, connascitur: omnes

                        Alternantque vices, alternisque usque receptae

                        Virtutes animis, socios cinguntur in usus.

            10        Sunt vigiles Oculi, similes sunt igne micantes

                        Sideribus; Speculi vultus stat Conjugis instar,

                        Non aliter, quam cum puro nitidissimus orbe

                        Undarum opposita referitur imagine Phoebus.

                        DILIGITUR conjuncta Venus; Dilecta, manentis

            15        Omnibus in toto vitae praeponitur aevo.

                        Christo dante, Domum felix Venus omine eandem

                        Deveniet, jungetque animosque manusque locumque

                        Et contenta, pie concesso limite sese

                        Occludet: Votis sat erit factum undique votis.

            20        Adversa, ut mos est, male si Fortuna fatigat

                        Contusos animos, et res, casusque fluentes;

                        Mutua quae Virtus, et quae concessa Voluptas

                        Svavis Connubij, positos perferre labores

                        Svaserit; acceptae et Vitae commune duobus

            25        Miscuerit studium. Patiens teret omnia Virtus.

                        Mutua concordes Pietas sic afflat Amores

                        Ingenuo thalamo; et conjunctos addit Honores!

                        Sint dulces Nati, sint optatique Parentes;

                        Divitiae et faciles cumulentur: et, Auspice Christo,

            30        In longos vivant Consortes svaviter annos.

Quod Affini suo chariss. ex animo ap.

LAURENTIUS LUDENIUS, PH et J.V.D.

ac in Academia Dorpat. Prof.

 

8. Adr: Christian Buchovius et Anna Burchard – Aut: Salomon Matthiae (cf. 6)

Tallinn SA, [Tartu UB]

EPITHALAMIUM

                        Omnia vincit Amor; procul omnia pellit amara,

                                    Et facit ut vitae gaudia laeta fluant.

                        Legibus Vxorem Naturae ducimus: ipse

                                    Pronubus est Christus; Vita repleta bonis.

            5          Omnia vincat Amor; longos feliciter annos

                                    Vivite; sit celebris Vita, decusque, precor.

Ita v.

M. SALOMON MATTHIAE , in Regia

Acad. Dorp. Professor Graecae et Hebraeae Ling-

gvae, <et> ad D. Johan. Pastor.

 

9. Adr: Christian Buchovius et Anna Burchard – Aut: Jacobus Balccius (cf. 6)

Tallinn SA, [Tartu UB]

EPITHALAMIUM

                        Bina diu flammis laeserunt Numina, Corda

                                    Bina: VENUS, nec non aliger altus AMOR.

                        Tandem laesa jubet corda illis reddere sana;

                                    Sponsatoque favet Numen utrumque suo.

            5          Jungitur hinc Sponsus Sponsatae: dantur utrique

                                    Et Sponsae, et Sponso, candida Fata novo.

                        Tolle moras, Neonympha! Quid est in amore moraris?

                                    Sponse, tuo nullae sint in amore morae.

                        Sorte jubar VENERIS devota invitat Amantes;

            10                    Atque AMOR in lectum pectora vincta trahit.

                        Ite; diu optatum, PAR DULCE, capescite Votum,

                                    Ite et depositi ponite Amoris opus.

Felicioris ominis E accinere voluit

JACOBUS BALCCIUS, Senat. Dorp.

 

10. Adr: Johannes Bussmann – Aut: Martin N. Faxelius (Disputatio theologica de carne et spiritu, atque mutua utriusque lucta in homine renato, /.../ in Regia Academia Dorpatensi publicae censurae subjicietur praeside Andrea Virginio, /.../ respondente Johanne Busmanno, /.../ d. 20. Febr. /.../ - Dorpati Livonorum, 1641: Lit. acad.)

EAB, [Tartu UB]

GRATULATIO

Doctrina et Humanitate conspicuo

DN. JOHANNI BUSMANNO, Ami-

co fratris loco colendo, de Lucta Carnis et

Spiritus in homine renato disputanti.

 

                        Adversum corpus, luctans Anima, undique bellum

                                    Condit; et hoc contra semper idemque parat.

                        Bellum bella cient. Nequit hoc cessare, nec illa

                                    Fortiter obluctans usque silere cupit.

            5          Te rogo, Palladiis os cujus militat armis,

                                    Pars, BVSMANNE, Tui: parsque colenda mei.

                        Spiritus an rectum teneat, caro vel colat aequum?

                                    Vtrum animam an corpus publica culpa manet?

                        Dicito non timide, nobisque ediscere verum:

            10                    Crede, Anima et Corpus praemia certa dabit.

Gratante mente apposuit

M. Martinus N. Faxelius,

Nerikia Svecus.

 

11. Adr: Christina – Aut: Laurentius Ludenius (In auspicatum inaugurationem novi collegii academici; /.../ Christinae, Svecorum, Gothorum, Vandalorumque /.../ reginae /.../ et principes haereditariae: magnae principes Finlandiae; duces Esthoniae et Careliae, dominae Ingriae etc. in Regia Universitate Gustaviana, quae Dorpati est /.../ est /.../, exaedificati; et 2. die Novembris, anno 1641. /.../ consecrati oratio solennis; /.../ ibidem habita a Laurentio Ludenio, Holsat. Ph. et J.U.D. poët. cor., professore juris, oratoriae et poëseos. – Dorpati Livonorum, 1641: Typ. acad.)[5]

SKB, UUB, Växjö LB, LAB, [Tartu UB]

DEDICATIO

CHRISTINA,

REGINA

SVECIAE:

Per Anagramma:

CHARIS

IN REGNA IT

SVECIAE.

 

                        Sancta CHARIS; CHRISTINA CHARIS; Regina Serena,

                                    IN REGNA IT SVEONUM deveneranda CHARIS.

                        Salve, Sancta CHARIS; Salve, Regina: JEHOVA

                                    Auspice, sis REGNIS Sancta vocata CHARIS.

 

12. Adr: Martinus N. Faxelius – Aut: Laurentius Ludenius (Oratio de artium liberalium natura et studio: quam, /.../ in Regia Academia Gustaviana, quae Dorpati est  /.../ die 27. Januarij, anno 1641. publice memoriterque /.../ enarrabat /.../ Martinus Nicolai Faxelius, /.../ - Dorpati, 1641: Typ. acad.)

SKB, UUB, Växjö LB, H,LAB, Tartu UB

GRATULATIO

Claritate, Doctrina et Humanitate Conspicuo

DN. PERORANTI.

M. MARTINUS NICOLAI FAXELIUS:

Per Anagram.

MARTIUS INCOLA; IN MELIUS FAX!

 

INCOLA terrarum sis MARTIUS. Auspice CHRISTO,

Fulgeat IN MELIUS rata Laus, FAX mentis honesta.

Quod animitus ap.

LAVRENTIVS LVDENIVS, J.V.D.

et Prof.

 

13. Adr: Martinus N. Faxelius – Aut: Ericus P. Lerbeckius (cf. 12)

SKB, UUB, Växjö LB, H,LAB, Tartu UB

GRATULATIO

Aonidum in castris pro Rostris dicere, posse

Svaviter et doctae modulamina flectere lingvae;

Augustum titulum laudemque decusque meretur.

                        Hinc tua se Virtus tollit, MARTINE Magister,

5          Quando animum illustras iuvenili flore per Artes,

                        Sermonem docte fingis, laudasque Camoenas,

                        Nectareoque thymo spargisque papavere dicta.

                        Macte pijs ausis, dum floret temporis aetas,

                        Aonidum in castris semper bene dicere pergas,

10        Svaviter et doctae modulamina flectere lingvae:

                        Sic Patriae, sic Flos doctaeque vocabere Musae.

Quod animo gratul. apposuit

M. ERICVS P. LERBECKIVS.

 

14. Adr: Johannes Georgii Gezelius – Aut: Martinus Faxelius (Dissertatio theologica de tribus SS. Trinitatis personis, Patre, Filio et Spiritu S. dictorum classicorum ex Psalm. 2. v. 7. et Johan, 15. v. 26. ¢n£lusin exhibens in Regia Academia Dorpatensi publicae censurae subjicietur praeside Andrea Virginio, /.../ respondente Johanne G. Gezelio, /.../ <5.> April <Mai> /.../ - Dorpati Livonorum, 1641: Lit. acad.)

H, EAB, [Tartu UB]

GRATULATIO

Doctrina et Humanitate conspicuo

Viro-Juveni,

DN. JOHANNI GEORGII GEZELIO

Wesmannia-Sveco, amico meo certissi-

mo, de Tribus SS. TRINITATIS Personis, PATRE,

FILIO et SPIRITU SANCTO

Disputanti.

 

                        Pollens Ebreae et Grajae modulamine Svadae,

                                    JANE, Sophum splendor Thejologumque[6] nitor.

                        Vnio Divinae Triados; Monas et Trias una,

                                    Jam labor ingenii est materiesque tui.

            5          An nescis Tritum hoc? Una de Triplicitate

                                    Vera loqui citra nemo pericla[7] potest:

                        Quod mirabilius nil Trino Simplice et Vno

                                    Triplice; sat nostrum comprobat ingenium.

                        Rumpe moras! nil haecce movent. Mala rite refella<t>

            10                    Haeresiarcharum dogmata, dogma tuum.

                        Sidere felici Clariam conscende Cathedram;

                                    Si quid, ut est, laudis, laus ea vera tua est.

Fraterno ex animo apposui

M. MARTINUS N. FAXELIUS

Nerikia-Svecus.

 

15. Adr: Johannes Georgii Gezelius – Aut: Laurentius Ludenius (Disputatio philosophica de amicitia; quam, /.../ in Regia Academia Gustaviana, quae est Dorpati /.../ sub praesidio /.../ Laurentii Ludenii, /.../ pro reportandis magisterij solennibus, /.../ publ. examini ad diem 18. Septemb. /.../ submittit Johannes Georgii Gezelius, /.../ - Dorpati Livonorum, 1641: Typ. acad.)                                    H, EAB, [Tartu UB]

GRATULATIO

Praestantiss. et Humaniss.

Dn. RESPONDENTI.

JOHANNES GEORGII GEZELIUS,

Per Anag.

ZONIS LEGIS IN EGREGIA VEHO.

 

                        LEGIS Amicitiae ZONIS, reverenter Amicos

                                    Hinc VEHO, Dante Deo, semper IN EGREGIA.

In felix omen app.

LAURENTIUS LUDENIUS,

J.U.D. et Professor.

 

16. Adr: Friedrich Hein – Aut: Andreas Virginius (Disputatio theologica in caput tertium usque ad v. 16. D. evangelistae Iohannis selectissimas notas exhibens in Regia Academia Dorpatensi publicae censurae subjicietur, praeside Andrea Virginio, /.../ respondente Friderico Hein, /.../ d. 31. Julij, /.../ - Dorpati Livonorum, 1641: Lit. acad.)                                                                                           SKB, BRAN, [Tartu UB]

GRATULATIO

Ad Humaniss. et Doctiss. Dn Respondentem

FRIDERICUM HEINIUM.

 

                        Praebes divinis aures hortatibus: effers

                                    Ut veteres maculas fons lavet unus aquis.

                        Felix, qui sacris montis erexeris orbem,

                                    Quique Dei gaudes cognitione frui.

Sc.

ANDREAS VIRGINVS, Nob. Pom.

SS. Th. D. ejusdemque Professor Primarius, et

Protosynedrij Adsessor.

 

17. Adr: Friedrich Hein – Aut: Laurentius Ludenius (cf. 16)

SKB, BRAN, [Tartu UB]

GRATULATIO

FRIDERICUS HEINIUS:

Per Anag.

IN FIDE CURRIS JHESU.

 

IN FIDE ovans, bene Discipulus tu CVRRIS JHESV:

                                    Curre; Bono Jhesu fide; FIDEque vire.

In felix omen ap.

LAURENTIUS LUDENIUS, J.U.D.

et Professor.

 

18. Adr: Friedrich Hein – Aut: Johannes Holm (cf.16)   SKB, BRAN, [Tartu UB]

GRATULATIO

                        Ethnica gens, ignara Dei, simulachra Deorum

                                    Finxit; et idolis impia sacra tulit.

                        Ignem, nunc coluit Solem, Delphumque putando,

                                    Non alium mundi sceptra tenere Deum.

            5          Nos, quibus in Christum alma fides, haec mittimus, arcto

                                    Faedere conjuncti, mente animoque Deo.

Suo intimo gratular. f.

JOHAN Holm.

 

19. Adr: Friedrich Hein – Aut: Martinus Henschelius (cf.16)

SKB, BRAN, [Tartu UB]

GRATULATIO

                        Ut generosus equus duris spectatur in armis,

                                    Cum mortem horribilem tympana pulsa sonant;

                        Non fugit horrificos strepitus, verum impete cursu

                                    Reppetit; et diri praelia Martis amat.

            5          Mox fremit, hinnitum ingeminat, pedibusque procacem

                                    Prosternit Martem, ac obvia quaeque necat:

                        Sic Generosa Patris soboles FRIDERICVS anhelat

                                    In magnos hostes impiger ire DEI.

                        Hostica Pontificum nihil hic subterfugit arma:

            10                    Et nil Calvini praelia dura timet.

                        Non timet horrendos SOCINI vultus; At omnes

                                    Ex verbo Domini rite fugare studet.

                        Hic flat; responsa ingeminat, verbisque procacem

                                    Hostem disturbat, telaque cuncta secat

            15        Hinc tibi de facto hoc quivis gratatur, Amice,

                                    Vt bene coepisti, non male curre viam

                        I pede felici;quo te trahit ardua virtus,

Virtus,  quae Docti nomen habere dabit:

                        Omine sic fausto patrias remeabis ad oras,

            20                    Et magni Patris nomina magna geres.

Doctissimo Dn. Respondenti, convictori suo

suavissimo, paulo ante abitum dispu-

tanti scribebat

MARTINUS HENSCHELIUS,

W<rie>z. March.

 

20. Adr: Michael Hintelmann – Aut: Laurentius Ludenius (Oratio de quadruplici adventu Domini et Salvatoris nostri Jesu Christi: quam, /.../ in Regia Academia Gustaviana, quae Dorpati est /.../ die 21. Decemb. anno 1640. publice /.../ enarrabat Michael Hintelman, /.../ - Dorpati, 1641: Typ. acad.)

SKB, UUB, Växjö LB, H, EAB, [Tartu UB]

GRATULATIO

Doctissimo et Ornatissimo

DN. PERORANTI.

MICHAEL HINTELMAN:

Per Anag.

HINC MELLA HIANTEM!

 

                        Sit felix faustusque! labor sit MELLeus ille,

                        Quo nobis Dominum Venientem dicis Jësum!

                        En Venit, a prima promissus origine mundi,

                        Majestate DEUS, verusque HOMO Carne; verendus

            5          Partus Virgineus, casta PVER editus alvo.

                        En Venit o Solymam contempto vectus asello,

                        Sufficiens ut sit pro toto Victima mundo.

                        En Venit, Inferni spoliato carcere, dives;

                        Sublimisque Venit superas subvectus in auras;

            10        Ad Dextram sedet ipse Patris, Mundumque gubernat,

                        Atque Suis praesens semper Venit inclytus Hospes.

                        En Veniet, mundo cum venerit ultimus aevi

                        Terminus, ut statuat poenas et praemia cuique;

                        Scilicet ut fontes Erebo condemnet: at ampli

            15        Usque pios coeli vocet alta ad sidera Manes.

                        MELLeus ille labor: CHRISTO Duce et Auspice CHRISTO,

                        Ad MELLA HINC, maneant o secula MELLea, HIANTEM!

Quod animitus app.

Laurentius Ludenius, PH. et J.

U.D. ac Professor

 

21. Adr: Michael Hintelmann – Aut: Jacobus Lotichius (cf. 20)

 SKB, UUB, Växjö LB, H, EAB, [Tartu UB]

GRATULATIO

                        Sic, Permessidos ex sacrae quod amne

                        Solers Aonio Boni lucratus;

                        Sic, quicquid lepida  beante Svada;

                        Sic, quicquid placide favente Nympha,

            5          HINTELMANNE, Boni lucratus unquam es;

                        Grata mente, manuque redde grata,

                        Aeternae Soboli Patris Tonantis.

                        Pulsato (eja age) barbiton canorum!

                        Hymnum psallito regium obvianti!

            10        Cantetque aethera cantica obvianti!

                        Si quicquam lepida beante Svada,

                        Si quicquam placide favente Nympha,

                        HINTELMANNE, Boni lucratus unquam es?

                        Pernix promito, et obvia obvianti.

            15        Cyclus nam spaciosus hujus Orbis

                        Quotquot continet, usque crede, nemo est,

                        Isthoc qui valet arduo labore

                        Mox conferre brabea digniora;

                        Praeterquam hic DEVS ipsus, et DEO Par,

20        Semen Virgineum, Sator salutis.

Jacobus Lotichius.

 

22. Adr: Benedictus Johannis Medenius – Aut: Laurentius Ludenius (Status regni Sveo-Gothici: quem, /.../ in Regia Academia Gustaviana, quae Dorpati est  /.../ oratione solenni die 24. Martij, /.../ anno 1641. publice /.../ enarrabat Benedictus Joh. Medenius, /.../ - Dorpati, 1641: Typ. acad.)      SKB, UUB, London BL, H, [Tartu UB]

GRATULATIO

Doctissimo et Humanissimo

DN. PERORANTI.

BENEDICTUS JOHANNIS MEDENIUS;

Per Anagram.

EN! IN HIS MUNDO BENEDICAT JESUS.

 

                        Qvae, BENEDICTE, pie veneranda negotia sancti

                        Arctoi enarras orbis, rata commoda Geniis:

                        Semper IN HIS (cum sint Divini signa Favoris)

                        Arctoo, precor, EN MVNDO BENEDICAT JËSVS!

            5          Regius o Sangvis, Patriae Spes inclyta, celsa

                        Regina, Heroina, animis CHRISTINA serena,

                        Delicium Regni; felici floreat aevo.

                        Illustres Regni Proceres, per secula vivant!

                        Crescat et in totis sacrosancta Ecclesia terris!

            10        Omnibus  ac pollens possessa mapalia multa

                        Attribuat Virtus; donisque referciat amplis.

Quod unice app.

Laurentius Ludenius, PH. et J.

V.D. ac Professor.

 

23. Adr: Johannes Petrejus – Aut: Laurentius Ludenius (Oratio juridica de justitia: quam, /.../ in Regia Academia Gustaviana, quae Dorpati est /.../ die 3. Februarij, anno 1641. /.../ publice /.../ enarrabat Johannes Petrejus /.../ - Dorpat, 1641: Typ. acad.) (cf. 54)                                                              SKB, Växjö LB, H, [UUB, Tartu UB]

GRATULATIO

Doctissimo et Humanissimo

DN. PERORANTI.

IOANNES PETREJUS:

Per Anag.

I! O SUPERANS, ENITE.

 

                        I, comitante Deo: sacrum, famulante labore,

                                    I coeptum O SUPERANS, ENITE honore novo.

Quod animitus ap.

Laurentius Ludenius, PH. et J.

V.D. et Professor.

 

24. Adr: Johannes Petrejus – Aut: Jacobus Lotichius (cf. 23)

SKB, Växjö LB, H, [UUB, Tartu UB]

GRATULATIO

JOHANNES PETREJUS:

Per Anag.

TV, JANE, HEROS IN SPE.

 

                        Scalas gerens Olympicas, Olympique

                        Smaragdus, ille Scaliger, Procus Divum.

                        Et illud eloquentiae liquatum mel,

                        Jurisque, Iustus ille Lipsius, fulcrum.

            5          Et illud excelsum gravissimae lingvae

                        Vallum Latinae, censor impiger Valla.

                        Et relliqui, quos Phoebus altius traxit,

                        Perennitati reddiditque sacratos,

                        HEROIS hocce tittulo[8] unice gaudent.

            10        Hunc insimul passim labore sectati

                        Sunt, et simul passim sudore sectati.

                        Hos, JANE docte, svavis atque facunde;

                        Svadae decus; Peithusque dulce conamen;

                        Hos aemularier subinde contendis;

            15        Asciscere hunc contendis tittulum[9] HEROIS,

                        Dum multiformiter Scientias multas,

                        Dum Iura praesertim vetusta, pertractas,

                        Dum et jam palam depromis eruditas res

                        Thymo, lepore, melle, rore, stillantes.

            20        Hinc te tenella nostra Musa, si Musa est,

                        Aequare coelo et crena et ore conatur.

                        Sed ecquid a Vulgo beantur HEROES?

                        TV, JANE, perge, et calcar adde currenti,

                        Conare ut innotescat Fama perspecta,

            25        Cunctis ut innotescat Fama selecta;

O curre currendo, atque perge pergendo!

                        Et quicquid ille, Scaliger, Procus Divum,

                        Et quicquid illud, Lipsius, liquatum mel,

                        Et quicquid ille censor impiger, Valla,

            30        Subinde sunt passim labore sectati;

                        Subinde TV passim sudore sectare,

                        Hosque aemulari TV usque et usque contende.

                        Sic numerum in HEROum decenter ascitus

                        Sacraberis peremniduro honori, atque

            35        Phlegon trahet Famae decusque laudemque

                        Ab ortu ad ultimum cubile Titani.

                        Vt Omen, utque Nomen ante praesagit;

                        TV, JANE, es HEROS IN sat erudita SPE.

JACOBVS LOTICHIVS.

 

25. Adr: Johannes Petrejus – Aut: Josephus Paulinus (cf. 23)

SKB, Växjö LB, H, [UUB, Tartu UB]

GRATULATIO

JOHANNES PETREJUS:

Per Anag.

AH IN RE JUS O PETENS.

 

                        Virgo Justitia offensa, IN JUS advocat omnes;

                                    Vt memoras doctis, candide Amice, sonis.

                        Vivat Diva diu; tu narra jura beata,

                                    Atque sacri Justi commoda larga feres.

            5          Pulcrum tempus erit, quo laeto nomine dicam,

                                    AH nunc sacra IN RE JUS, o Amice, PETENS.

JOSEPHUS PAULINIUS, Vlsb. Svecus, LL. Stud.

 

26. Adr: Johannes Petrejus – Aut: Henricus Hein (Sveogothicum jus civile, quod Landz Lagh nominatur: /.../ in Regia Academia Gustaviana, quae Dorpati /.../ est  /../ oratione solenni, die 16. Maji, anno 1641. /.../ publice /.../ recitatum a Johanne Petrejo /.../ - Dorpati Livonorum, 1641: Typ. acad.)

SKB, UUB, Växjö LB, BRAN, LAB, [Tartu UB]

GRATULATIO

Doctissimo Dn. Peroranti.

 

                        Siccine Romani spaciosa volumina juris

                                    Evolvisse diu non tibi, JANE, satis?

                        Sed quoque sacrarum patriae pia dogmata legum

                                    Perfecte ut nosses altera cura fuit?

            5          Ast haec antiqua Gothiae quia soepe loquuntur

                                    Lingva, hincque haud dextre quilibet illa capit.

                        Tu nunc, ut cuivis Latio sermone patescant,

                                    Efficis, et summas cogis in exiguas.

                        Quod bene dum praestas, merito tibi grator, Amice;

            10                    Tu, quoque coepisti, tramite, perge viam.

                        Perge, Deo et Themidi devota mente litare,

                                    Gaudeat ut studijs Svecia terra tuis.

                        Perge, tuis coeptis decumana accessio tandem

                                    Fiet, et unde juves, unde juveris erit.

Honoris et amoris ergo apposuit

HENRICUS HEIN U.J.D. Prof.

et Dicast. Regij Adsessor.

 

27. Adr: Johannes Petrejus – Aut: Laurentius Ludenius (cf. 26)

SKB, UUB, Växjö LB, BRAN, LAB, [Tartu UB]

GRATULATIO

JOHANNES PETREJUS JUN<E>COPINUS.[10]

Per Anagr.

PIUS ANNITENS, IN HOC OPERE VIVES.

 

                        Et Sophiae et Themidos Cultor studiose, IOHANNES,

                        Sic PIUS ANNITENS Arctoa evolvere Jura,

                        Dexter IN HOC OPERE Eunomiae per secula VIVES.

                        VIVE PIUS: Nam te majoribus ire per altum

            5          Auspicijs manifesta fides, et Numina poscunt.

Quod in felix omen vovebat

LAURENTIUS LUDENIUS, PH et J.

V.D. ac Professor.

 

28. Adr: Johannes Petrejus – Aut: Carolus Valerianus (cf. 26)

SKB, UUB, Växjö LB, BRAN, LAB, [Tartu UB]

GRATULATIO

                        Eunomia egregios peperit molimine gnatos,

                                    Juris Consultosque reliquit.

                        Justinianus erat, Baldus, Geil, Papinianus,

                                    Vult eius, gravis arte Donellus.

            5          Insignis Grassus, Tiraquellus, Curtius, Oddo,

                                    SchneidWein, Schurfius, inde Brunellus,

                        Klingius, optatus Cuiacius, ipse Hotomannus,

                                    Beust, Minsingerus, Gothofredus;

                        Compluresque alij volventes pondera Legum,

            10                    Lustrantesque volumina juris.

                        Illustris Themidos Rector GUSTAVUS ADOLPHUS,

                                    Gloria Juris sancta triumphat.

                        Composuit Sveonum Leges, et jura redegit

                                    Ad normam Eunomiae Themidosque.

            15        Macte piis animis, et coepto macte IOHANNES,

                                    Delicium Sophiae Themidosque:

                        Tu tanti Regis studium veneraris: et apte

                                    Jam Sveonum repetis sacra Jura:

                        Ad cathedram revocas; Themidosque Oratio claret,

            20                    Atque Typis repetita refulget.

                        Annuat Omnipotens; sancto i conamine felix,

                                    O Themidos Soboles placide audi.

Hisce gratulatur animus

Caroli Valeriani.

 

29. Adr: Johannes Petrejus – Aut: Jacobus Lotichius (cf. 26)

SKB, UUB, Växjö LB, BRAN, LAB, [Tartu UB]

GRATULATIO

                        Legibus Ausoniis, PETREI culte, Quiritum,

                                    Cultor Amicitiae non periture meae:

                        Sic juvat Arctoi Digesta tenere Lycurgi

                                    Et patriam Peithus melle polire Themin.

            5          Hinc laudem, inde satam Soracte merebere cedrum:

                                    Scilicet Aonidum nescia dona mori.

JACOBUS LOTICHIUS

 

30. Adr: Johannes Petrejus – Aut: Nicolaus Psilander (cf. 26)

SKB, UUB, Växjö LB, BRAN, LAB, [Tartu UB]

GRATULATIO

JOHANNES PETREJUS JUNCOPINUS.

Per Anagr.

UT INSONS VENENI, CEPHISI VAPOR.

 

                        Praedurum ut, Olim quod Genus Ossibus

                        Matris, Promethides reparaverat,

                                    Froenat Themis; Strictisque habenis

                                                Est Nemesi data vis domandi;

5          Sic Clarum ad Arctum quae Imperium tenet,

                        CHRISTINA, gentem non superabilem

                                    Armis, et arcto congelatam

                                                Frigore, rite domat cata aequi.

                        INSONS VENENI UT Fatidici VAPOR

10        CEPHISI aquae, Aequae stat Themidi placens;

                                    Illum haurientes et tenace

                                                Venula, Honore facit micare;

                        Embeccae amoenus Themidi VAPOR

                        Nostrae Arcticae, aevum permaneat placens;

15                    Et, ti JOHANNI stent Honores,

                                                Dum Themis et Nemesis renident.

Syncerum et fraternum affectum sic

contestari voluit

Nicolaus Psilander, Smo-

landia-Svecus.

 

31. Adr: Haquinus Platinus – Aut: Nicolaus Psilander (Disputatio philosophica de astronomiae natura: quam, /.../ in Regia Academia Gustaviana /.../ publicae disquisitioni subjicit /.../ Johannes Erici Stregn. /.../ respondente Haquino Platino, /.../ ad diem 8. Maji, /.../ - Dorpati Livonorum, 1641: Lit. acad.)                      SKB, [Tartu UB]

GRATULATIO

Doctrina et Humanitate Conspicuo

Dn. RESPONDENTI.

HAQVINUS PLATINUS:

Per Anagr.

AH! UT PINUS LINQUAS.

 

                                   Genialis en ti HAQVINO

                                               PLATANUS, dicata Pani,

                                               Nomen dedit PLATINO,

                                               Virenti in horto amoeni

                           5                         Nostri Heliconis.

                                               Berecynthia alma at Axi

                                               PINUS minans superba,

                                               Merito addat omen, Ecce,

                                               Poli aurei catervas

                           10                       Dum colis ultro.

                                               AH! Terrea usque spernas,

                                               LINQVASque UT Alma PINUS;

                                               Magnalia atque pergas

                                               Scrutarier Supinus,

                           15                       Condita ab Almo.

                                               Hinc olim erit ti in orbe

                                               Merces laboris ingens;

                                               Eritque multiforme

                                               Ti gaudium, Axis inter

                                 20                       Aurea claustra!


Sic animitus vovebat

NICOLAUS PSILANDER,

Smolandia Svecus.

 

32. Adr: Haquinus Platinus – Aut: Faderus Arvidi Uraelius (cf. 31)         SKB, [Tartu UB]

GRATULATIO

                        Perplexam Astrorum naturam reddere claram

                                    Qui conatur, eum commoda multa manent.

                        Hinc venit utilitas, laus, gloria, fama perennis;

                                    Et doctum meritum concelebrabit opus,

            5          Sic, PLATINE, tuis scriptis monstrare laboras:

                                    Ergo, HAQVINE, artis commoda tanta feres.

                        Constanti Clarias urge artes cordis amore,

                                    Praemia Musarum pulchra tenebis! habes.

Ap. Amica et Fraterna manus

FADERI URAELII.

 

33. Adr: Carolus Jonae Ruberus – Aut: Johannes Magni Silerus (Disputatio philosophica de mixtione; quam, /.../ in Regia Academia Gustaviana, quae Dorpati est /.../ d. <14.> August. /.../ disputationis exercitia commisit /.../ Martinus Nicolai Faxelius, /.../ respondente Carolo Jonae Rubero, /.../ - Dorpati Livonorum, 1641: Lit. acad.)                                                                                                     SKB, [Tartu UB]

GRATULATIO

Ornatissimo et Doctissimo Dn. Respondenti.

 

                        Difficile est, veram naturam noscere mixti;

                        CAROLE, quam vigili scrutari mente laboras.

                        Perge: DEus, mixti venerandus Factor et Author,

                        Te juvet, ut possis naturam inquirere mixti;

            5          Praemia et exhausto condigna referre labore.

Honoris et amoris E. gratul. fudit

Johannes Mag. Silerus,

Phil. Cand.

 

34. Adr: Carolus Jonae Ruberus – Aut: Nicolaus Psilander (cf. 33)        SKB, [Tartu UB]

GRATULATIO

CAROLUS JONAE RUBERUS;

Per Anag. ae in a  e  resol:

VENIAS E SURCULO ARBOR.

 

                                               Polymniae, RUBERE, es

                                               Gratus RVBVS; fovetque

                                               Rigatque SVRCVLVM te,

                                               VENIAS quo amoena tandem

                                 5            E SVRCVLO ARBOR; A te

                                               Fructus legatque dulces.

                                               Nunc cresce, mi RVBERE,

                                               E SVRCVLO ARBOR alta,

                                               Almo sacrata Phoebo:

                                 10          Quo, sentiant tenellae

                                               Musae, tuosque fructus

                                               Cernant: Melos canantque.

NICOLAVS PSILANDER,

Smolandia-Svecus.

 

35. Adr: Nicolaus Erici Rundelius – Aut: Laurentius Ludenius (Disputatio theologica in caput quartum a v. 27. usque ad v. 48 D. evangelistae Johannis selectissimas notas exhibens in Regia Academia Dorpatensi publicae censurae subjicietur, praeside Andrea Virginio, /.../ respondente /.../ Nicolao Erici Rundelio, /.../ d. < > Xbr. /.../ - Dorpati Livonorum, 1641: Lit. acad.)                                                SKB, BRAN, [Tartu UB]

GRATULATIO

Praestantissimo et Humanissimo

Dn. RESPONDENTI.

NICOLAVS ERICI RUNDELIUS:

Per Anag.

IN IESU DIV LVCENS CLARIOR.

 

                        Coelestem JESVS dispergens altius ignem,

                        Cunctis LVmen agit. Tanto fulgore beatus,

O Niclae; DIV LVCENS o CLARIOR esto

                        IN JESV! Modio lychnus non subditur ardens.

In felix auspicium app.

Laurentius Ludenius, PH. et

J.U.D. ac Professor.

 

36. Adr: Nicolaus Erici Rundelius – Aut: Johannes Erici <Stregnensis> (cf.35)

SKB, BRAN, [Tartu UB]

GRATULATIO

                        Quem pietas decorat, quem cingit candida virtus,

                                    Is magna certe laude vehendus erit:

                        Ast cum doctrinae splendor suffulserit, ille

                                    Tanto Majori laude vehendus erit.

            5          Te quoniam stipant, RUNDELI, tot bona, tanta,

                                    Hoc certe dico laude vehendus eris.

                        Hoc etenim poscunt pietas, doctrinaque culta,

                                    Ac virtus merito praemia certa cupit.

                        <Haec> qui non laudat, dignos qui laude negabit,

            10                    Illi haeret duro cornea fibra sinu.

                        Pergas, RUNDELI, coeptis insistere pergas,

                                    Sic tandem certe pulchra brabea feres.

                        Festivo applaudet tandem tibi patria plausu,

                                    Laudibus et magnis concinet ista tuis.

            15        Sic nomen, doctrina, labor, laudesque manebunt,

                                    Sic tandem longi meta laboris erit.

                        Sint tibi felices conatus, comprecor usque,

                                    Digna tuoque addat dona labore DEus.

Sic Dn. Respondenti gratulor

M. Johannes Erici Stregnensis,

Astronom et Phys. Prof. Ord.

 

37. Adr: Ericus A. Schomerus – Aut: Laurentius Ludenius (Disputatio theologica in caput secundum D. evangelistae Johannis selectissimas notas exhibens in Regia Academia Dorpatensi publicae censurae subjicietur praeside Andrea Virginio, /.../ respondente Erico A. Schomero /.../ d. 9. Julij. /.../ - Dorpati Livonorum, 1641: Lit. acad.)                                                                                            SKB, BRAN, [Tartu UB]

GRATULATIO

 

Humanissimo et Doctissimo

Dn. RESPONDENTI.

ERICVS ANDREAE SCHOMERVS;

Per Anagram.

NIDORE CHARVS MVSAE, CREES.

 

                        NIDORE Eusebiae, MUSAE sis CHARUS: et usque

                                    Tincta sacri Verbi corda tenore CREES.

Quod in felix omen acc.

Laurentius Ludenius, PH. et

J.U.D. ac Professor.

 

38. Adr: Ericus A. Schomerus – Aut: Magnus J. Salemann (cf.37)

SKB, BRAN, [Tartu UB]

GRATULATIO

                        Ceu sese exercere solent, qui castra sequuntur;

                        Jam cupiunt, sumunt, fulgentiaque arma capessunt,

                        Ut tandem capiant dulcis praeconia laudis;

                        Utque manu celeri propulsent fortiter hostem:

            5          Sic quoque tu, SCHOMERE, facis, mi Sympatriota,

                        Dum te VIRGINII variis involvis in armis

                        E Chalybe haud factis, non aere; sed arte Jehovae,

                        Ut tandem summi scandas clara atria Coeli.

                        Ut bene coepisti sic hinc pergas pede fausto,

            10        Et tibi post obitum bona gloria lausque manebit.

Quod lubenti animo apposuit

Magnus J. Salemannus.

 

39. Adr: Petrus Laurentii Schonbergius – Aut: Laurentius Ludenius (Oratio metrica de deliciis agriculturae: quae, /.../ in Regia Academia Gustaviana, quae Dorpati est /.../ die 13. Januarij, anno 1641. publice /.../ memoriter habebatur a Petro Laurentii Schonbergio, /.../ - Dorpati Livonorum, 1641: Typ. acad.)

UUB, H, RNB, LAB, [Tartu UB]

GRATULATIO

Doctissimo et Humanissimo

Dn. PERORANTI.

PETRUS LAURENTII SCHONBERGIUS:

Per Anagr.

SPES, LABOR, HUNC JUNGIT: RES VIRET.

 

                        SPES, LABOR, HUNC JUNGIT fructum, quem commodus effers;

                                    RES VIRET Agricolis: tu bene, PETRE, VIRE.

Laurentius Ludenius, PH. et

J.U.D. ac Professor.

 

40. Adr: Petrus Laurentii Schonbergius – Aut: Magnus A. Hööck (cf. 39)

UUB, H, RNB, LAB, [Tartu UB]

GRATULATIO

                        Officium sequitur certum, Regni Incola, Svecus;

                                    Et sua quisque fide munera civis obit.

                        Nobilis; est Clerus; Miles; Mercator; Arator;

                                    Imperij culmen sic viget, ara, focus.

            5          Nobilis Heroum virtus et vita, beatae

                                    Vela struit certo limite justitiae.

                        Aeternae Clerus mysteria diva salutis

                                    Explicat, et populo monstrat adire polum.

                        Expertus bello Miles, Cataphractus in armis

            10                    Intrepida plaudens casside bella movet.

                        Mercator mixto commercia civibus usu

                                    Quaerit, et Oceanum puppe volante secat.

                        Rusticus arva colit dum victum praeparat orbi:

                                    Sic omnis vitae dicitur esse basis!

            15        Scilicet hic metit, occat, arat, nunc semina sulcis

                                    Committit, rutro, vomere, falce, jugo!

                        Exercet juga trita boum, teretemque cylindrum

                                    Conterit, atque satis horrea laeta parat.

                        Nunc pecudesque nola notat, et froenare caballos

            20                    Incipit, et certo sidere agenda tenet.

                        Hos tua Musa movet discursus, PETRE, Labore

                                    Suscepto: coeptis opto favere Deum.

Gratulab. App.

MAGNVS A. Hööck /

OstGothus, SS. Theol. St.

 

41. Adr: Petrus Laurentii Schonbergius – Aut: Johannes Georgii Gezelius (cf. 39)

UUB, H, RNB, LAB, [Tartu UB]

GRATULATIO

Cvm flagrans cupias Musarum haurire liquores

Fonteque Pieridum, PETRE, fugare sitim:

Gratulor ex animo, voveoque ut Culmina felix

Parnassi scandas, Culmina sacra tibi.

            5          Quo Patriae charus, cunctis quo charus Amicis

                                    Permaneas, coeptis annuet ipsa Trias.

Quod sibi Dilecto syncero corde vovebat

Johannes Georgij Gezelius

Wesmannus.

 

42. Adr: Petrus Laurentii Schonbergius – Aut: Petrus Trottonius (cf. 39)

UUB, H, RNB, LAB, [Tartu UB]

GRATULATIO

PETRUS LAURENTII SCHONIBERGIUS[11]:

Per Anagr.

EN LAUS TIBI CHRISTO: PERURGE

NISU.

 

                        Sunt quos delectant dubij certamina Martis;

                                    Larga ac egregio praemia jure ferunt.

                        Caerula Neptuni freta sunt sulcare profunda

                                    Qui gaudent, ausis digna brabeia ferunt.

            5          Pergere per terras alio sub Sole calentes

                                    Perplacet et multis; gloria et hisce datur.

                        Sunt queis telluri, volupe est, immittere sulcos

                                    Hi quoque, dante Deo, commoda multa ferunt.

                        Sed tu, SCHONBERGI, Musae retineris amore,

            10                    Agricolae quando detegis officium.

                        Tantam virtutem per secula plena PERURGE

                                    Consveto NISU; pulchra brabeia feres.

                        EN CHRISTO TIBI LAUS ingens sic usque paratur!

                                    Perge, PETRE, ut pergis; sicque beatus eris.

Ita Amico suo fido gratulari voluit

Petrus Trottonius.

 

43. Adr: Johannes Magni Silerus – Aut: Andreas Virginius (Disputatio philosophica de meteoris; quam, /.../ in Regia Academia Gustaviana, /.../ sub praesidio /.../ Laurentii Ludenii, /.../ pro summo in philosophia gradu consequendo, /.../ disputationis exercitio ad diem 10. Iulij, /.../ submittebat Johannes Magni Silerus, /.../ - Dorpati Livonorum, 1641: Typ. acad.)                                    SKB, UUB, [Tartu UB]

GRATULATIO

Praestantiss. et Doctissimo

Dn. RESPONDENTI.

 

                        Ut multam glomerent tempestatem imbribus atris

                        Collectam ex alto Nubes: et discolor Iris

                        Splendeat aethereis circlis:[12] et Murmure coelum

                        Misceri incipiat: commista et Grandine Venti

            5          Usque volent, simul arva fuga, simul aequora verrant,

                        Sacrarum Cultor Musarum, docte JOHANNES,

                        A prima doctis describis origine chartis.

                        Aspiret felix coepto fortuna labori,

                        Et, Christo Duce, erunt, meruit quae praemia virtus.

ANDREAS VIRGINIVS,

Nob. Pomeran. SS. Theol. D. ejus-

demque in Regia Academia Dorpatensi Pro-

fessor Primarius, et Protosynedrij Adsessor.

 

44. Adr: Johannes Magni Silerus – Aut: Laurentius Ludenius (cf. 43)

SKB, UUB, [Tartu UB]

GRATULATIO

JOHANNES MAGNI SILERUS:
Per Anagr.

EN! EN! HUMANIS SIS GLORIA.

 

                        EN! EN! HVMANIS SIS GLORIA, Praeside Christo:

                                    Sic felix Sophiae es GLORIA et Eusebiae.

Quod in felix omen app.

Laurentius Ludenius, PH. et

J.U.D. ac Professor.

 

45. Adr: Johannes Magni Silerus – Aut: Andreas Matthiae <Torpensis> (cf. 43)

SKB, UUB, [Tartu UB]

GRATULATIO

                        Sic laetus merito Sophiam amplecteris in ulnis

                                    Formosam sponsam rite, SILERE, tuam.

                        En pariet sobolem; faciet te prole beatum:

                                    Excipies ulnis: nomen habebit, HONOS.

            5          Conjugium precor ut tranquillum, sitque beatum,

                                    Cano sic sonio commoda multa feret.

Sic Fratri et amico suo singulari vovebat

ANDREAS MATTHIAE TORP.

 

46. Adr: Johannes Magni Silerus – Aut: Johannes Petrejus (cf. 43)

SKB, UUB, [Tartu UB]

GRATULATIO

                        Quisquis Parnassi cupit alta cacumina montis

                                    Scandere; Musarum fidus amator erit.

                        Sic tua struxisti Parnassica vela triumpho;

                                    Incoeptis opto plurima fausta tuis.

Quod conterraneo et Fratri fraterne

vovere voluit

JOHANNES PETREJUS Juncopinus,

Svec. LL. Stud.

 

47. Adr: Johannes Magni Silerus – Aut: Josephus Paulinus (cf. 43)

SKB, UUB, [Tartu UB]

GRATULATIO

           


                                   Velox licet sit usque

                                               Mugil; tamen sub unda

                                               Captatur arte Rhombi.

                                               Sic et potentiorem

                                 5            Opibusque viribusque

                                               Munitus arte, vincit.

                                               Musarum et hinc caterva

                                               Laudes canit perennes;

                                               Lauruque eum coronat.

                                 10          Sic tu, SILERE, gaude:

                                               Nunc insolentioris

                                               Aetatis euge crescit

                                               Solatium otiumque.

                                               Ecclesiae usque felix

                                 15          Praesis Dei Potentis.


Sic animitus vovebat

JOSEPHUS PAULINUS, Vlsb.

Svecus.

 

48. Adr: Petrus Trottonius – Aut: Andreas Flojerus (Oratio de otio vitando: quae, /.../ in Regia Academia Gustaviana, quae Dorpati est /.../ die 15. Junij, anno 1640. publice /.../ habebatur a Petro Trottonio, /.../ - Dorpati, 1641: Typ. acad.)

SKB, UUB, H, [Tartu UB]

GRATULATIO

Doctissimo et Humanissimo

Dn. PERORANTI.

 

                        Murtia quos segnis captivos detinet arcte,

                                    Allicit hos prava ad perficienda mala.

                        Sed tu, TROTTONI studia o sic pergito amare:

                                    Otia perpetuo desidiosa cave.

            5          Sic Senio usque tuo pergratam rite quietem

                                    Conciliare vales; tutus ab Hoste manes.

Quod ipsum fraterni affectus et firmioris

amicitiae causa ferebat

Andreas Flojerus,

Smolandia Svecus.

 

49. Adr: Faderus Arvidi Uraelius – Aut: Laurentius Ludenius (Oratio de humilitate: quam, /.../ in Regia Academia Gustaviana, quae Dorpati est /.../ die 16. Martij, anno 1641. /.../ publice  /.../ enarrabat Faderus Arvidi Uraelius, /.../ - Dorpati Livonorum, 1641: Lit. acad.)                                                           SKB, UUB,LAB, [Tartu UB]

GRATULATIO

Doctissimo et Ornatissimo

DN. PERORANTI.

FADERUS ARVIDI URAELIUS:

Per Anagram:

VIRE ARDUIS: FIDAE LAURUS.

 

                        Vsque VIRE veluti LAVRVS pulcerrima: semper

                                    VIRE ARDVIS: FIDAE mane LAVRVS rei.

Quod app.

Laurentius Ludenius, J.V.D.

et Professor.

 

50. Adr: Faderus Arvidi Uraelius – Aut: Andreas Matthiae <Torpensis> (cf. 49)

SKB, UUB,LAB, [Tartu UB]

GRATULATIO

                        Livore, en Siculi non invenere Tyranni

                                    Majus Tormentum. Rodere dente solet.

Verum Humilis satagit quo serviat omnibus omni

            In re: Nil pravi, ast cogitat omne bonum.

            5          Sic, URAELI, animum, quo Humilis tu vixeris ultro.

                                    Libasti Domino: ceu tua Svada probat.

                        Non hinc subsistas; sed verba haec exprime factis;

                                    Et verbum ad summum duxeris omne bonum.

Non tam honoris, quam infucati amoris

E. apponebat

Andreas Matthiae Torp. Sma-

landia-Svecus.

 

51. Adr: Faderus Arvidi Uraelius – Aut: Petrus L. Schonbergius (cf. 49)

SKB, UUB,LAB, [Tartu UB]

GRATULATIO

FADERUS ARVIDI URAELIUS:

Per Anagram: ae in a  e resol.

FERVIDUS AUDIRIS! LAVREA.

 

                        Laude salutifera Virtus sit humillima digna,

                                    Quando satis nunquam laudis habere potest.

                        Vt res grata DEO, sic proximo Humillima Virtus

                                    Vnde satis nunquam laudis habere potest.

            5          Est res grata DEO! sublatis corde resistit,

                                    Ast, Humili prompta dat sua dona manu.

                        FERVIDVS AVDIRIS virtutem hanc quando celebras

                                    Hacce tua charta, rite colore suo.

                        Hinc esto perstans Humilis virtutis Amator,

            10                    Atque tibi reddet LAVREA serta DEus.

                        Hinc esto perstans Humilis virtutis Amator

                                    Extollent cuncti te, tua coepta Boni.

Ita Commensali suo gratulatur

Petrus L. Schonbergius, Ost-Go-

thia Svecus.

 

52. Adr: Faderus Arvidi Uraelius – Aut: Nicolaus Psilander (cf. 49)

SKB, UUB,LAB, [Tartu UB]

GRATULATIO

FADERVS ARVIDI URAELIVS:

Per Anagram. ae in a e resol.

DIVA SVADVLA; JURE FERRIS.

 

                        Sane Beatus sic Humilis siet;

                        Qui rite novit secum habitare: Qui et

                                    Majorem haberi non cupit se

                                                Quam est. Humilis jam habitabit orbem.

            5          Hujus, tu URAELI, concelebrator es

                        Virtutis Almae: Sic quoque Amator: Haec

                                    Quod DIVA et Hyblaea innuit re

                                                SVADVLA: Ad aethera JURE FERRIS.

                        Pulcro tuam tu pectore perferas

            10        Sortem: Superbi namque Humili locum

                                    Tandem relinquent: Sic Manebis;

                                                Nestoris et Pylij aeva vives.

Synceri affectus contestandi causa app.

Nicolaus Psilander.  Smalan-

dia-Svecus.

 

53. Adr: Andreas Virginius – Aut: Nicolaus Psilander (Sceptris academicis, quae, /.../ in magnificum pro t. rectorem /.../ Andream Virginium, nob. Pom. haeredit. in Schweißien, /.../ SS. Th. D. et ejusdem in Regia Academia Gustaviana, quae Dorpati est /.../ professorem primarium theologicaeque, Facult. p.t. decanum /.../ ac protosynedrij adsessorem /.../ magnificus p.t. exrector /.../ Johannes Belovius, Rostochiensis Megapolitanus, medicinae D. et professor ordinarius: publice /.../ die 2. Novembris anno 1641. /.../ conferebat: Gratulabatur /.../ Nicolaus Psilander, Smolandia-Svecus. – Dorpati Livonorum, 1641: Typ. acad.)       UUB, [Tartu UB]

GRATULATIO

O decus excelsum, Mystarum Praesul, Honorque

DOCTOR VIRGINI; Mecoenas, vir Reverende;

                        Mystica pertractans, Fama super Aethera note,

                        Nobilior sangvis; Nostri decus atque Lycei.

            5          En Summi Auspicio, Sceptra alta tenentis Olympi,

                        Poeoniae scitus DOCTOR BELOVIUS Artis

                        Unanimum Docti nec non venerabilis usque

                        Ordinis ad votum, Tibi candida signa Lycei

                        Rite regenda offert, Tyria et Diademata tradit.

            10        Eusebiae o Doctor, Sacrata Insignia gestas:

                        Scilicet ut sacrae Eusebiae bene singula cedant.

O vigeat Probitas; o cognitio ardua Christi

                        Exsurgat; Christus rata sit Fidei Anchora nostrae:

                        Augmentum sumat Divini Numinis ardor:

            15        Corda prematque Timor, sint subdita Cunctipotenti.

                        Relligio vigeat, sint plenaque pondere vota.

                        Pellatur vitium, vitentur crimina rerum:

                        Solvantur, meritae et pendantur pectore grates.

                        Eusebiae o Doctor, sacrata insignia gestas;

            20        Eunomia et Nemesis florescat Diva Themisque:

                        Scilicet aeqvum et jus, semper narretur ubique

                        Et Natale arvum servetur per probitatem,

                        Sub qua sint tuti Genitor Juvenesque Senesque:

                        Germinet ingenue superans industria cuncta.

            25        Permaneat facilis veneranda Modestia vultus:

                        Consocians Animos concordia pullulet, atque

                        Cum Gnato Genitor, sitque hospes cum hospite tutus:

                        Discens atque Docens vinclo[13] jungantur Amoris.

                        Floreat optato stabilis constantia sensus,

            30        Froenentur mentes; obturentur simul aures,

                        Blandisono cantu Sirenum ne capiantur.

                        Inclyta concordi pangantur foedera nexu:

                        Exornent dictum perpulchri Semina veri.

                        Exsurgat candor factis; morumque venustas.

            35        Eusebiae o Doctor, sacrata insignia gestas.

                        Nempe Machaonia Ars, et Poeoniae ut Panaceae

                        Vis passim constet, pellens mala Semina morbi, et

                        Restituens toto lapsas in corpore vires.

                        Eusebiae o Doctor, Sacrata insignia gestas;

            40        Augmentum ut sumant Divae ingenuae Sophiae artes,

                        Quae sanctae Eunomiae retinacula condere possint.

                        Sint cultae Lingvae; Latiae sacra jura Minervae:

                        Grajugenumque Thymus; Favus atque habeatur Ebraeus,

                        Con-que-cupiscatur Latonae a gente Togata.

            45        O vigeant Artes, Arcani ad semina Veri,

                        Gnossiacae filo et ducentes tramite recto;

                        Solvier ut possint contorta Sophismata nodis.

                        Neleidis Suada o vigeat; quo pulchra juventus

                        Rite Cothurnata ad Sacrata Academica Tempe

            50        Incedat felix, Hyblaeo nectare tincta.

                        Naturae occulti mores, tacitique recessus,

                        Et rerum causae volvantur mente sagaci.

                        Addiscant juvenes, doctae rationis acuto

                        Solertes modulo Numeros hercisere certas

            55        In partes; Nec non tractare Logistica puncta.

                        Metiri discant loca longae dissitae terrae.

                        Astrorum discant cursum vasti quoque Olympi;

                        Discant Effectus gravium et discrimina rerum.

                        Addiscat docilis morum praecepta Juventus,

            60        Summa Boni summi ut fastigia scandere possit.

                        Eusebiae o Doctor, sacrata insignia gestas:

                        Astripotens Dominus faxit quo Academica Turba

                        Tranquillam vitam ducat sub Pallados umbra.

                        Numinis almus honos hinc amplificetur: et usque

            65        Nominis in proprij laudes tua munera cedant.

                        Apprecor ut vivas; vincatque aetas Pylij annos!

                        Sint mea vota rata! His, Mecoenas summe, Valeto.

 

TV esto BonVs, sVrget LVX aLtera

qVanDo NoVeMbrIs.[14]

                       

54.  Adr: multi (Magnificis /.../ viris, In inclyta Rigensi Reipublica dn. Burgravio, dnn. consulibus, dn. syndico, et dn. senatoribus, dn. Mecoenatibus, Patronis et Promotoribus suis observanter colendis) – Aut: Johannes Petrejus (Oratio juridica de justitia: quam, /.../ in Regia Academia Gustaviana, quae Dorpati est /.../ die 3. Februarij, anno 1641. /.../ publice /.../ enarrabat Johannes Petrejus /.../ - Dorpat, 1641: Typ. acad.) (cf. 23-25)                                   SKB, Växjö LB, H, [UUB, Tartu UB]

DEDICATIO

Dn. Mecoenatibus, Patronis et Pro-

motoribus suis observanter colendis,

Salutem et Incolumitatem

 

                        Insignes Patriae Patres, Sacer ordo Senatus,

                                    Aeternum Themidos Deliciumque Deae;

                        Ardua res, certe est, immensa volumina juris,

                                    Contractis breviter posse referre modis.

            5          Hoc opus, hic labor est; totum superare laborem

                                    Conatus, Christo concomitante, fui.

                        Quicquid erit; conor sanctis inscribere vestris

                                    Nominibus: Strenae consecro scripta loco.

                        Accipite o Patres: tenuemque juvate Camoenam:

            10                    Vos, Patriae et Vobis servet ubique DEVS.

Quod ipsum Mecoenatibus suis, et Musarum Patro-

nis magnis, devote vovebat

JOHANNES PETREJUS, Juncopinus

Svecus, L.L. Stud.



[1] Cf. Samlade skrifter av Georg Stiernhielm. Utgivna av Johan Nordström ach Bernt Olsson. In: Svenska Författare utgivna av Svenska vitterhetssamfundet VIII. Första delen, andra bandet, fjärde häftet. Lund: Bloms Boktrykeri AB 1987, Editio 172-176, Commentarium 591-593.

[2] Anagramma non recte constructum.

[3] Anagramma non recte constructum.

[4] via  calamo in  pia correctum SA

[5] Cf. 1642.22-24 cum variatione.

[6] Thejologumque edd metri causa

[7] pericla edd metri causa

[8] tittulo edd metri causa

[9] tittulum edd metri causa

[10] JUNCOPINVS corr in  JVNECOPINVS anagrammatis causa

[11] SCHONIBERGIUS edd pro SCHONBERGIUS anagrammatis causa

[12] circlis edd pro circulis metri causa

[13] vinclo Upro vinculo metri causa

[14] Chronostichon annum 1641 exhibens.