1642

 

1. Adr: Johannes Jonae Allengreen – Aut: Laurentius Ludenius (Disputatio practica de iustitia commutativa,  ut et de jure: quae, in Regia Academia Gustaviana, quae Dorpati /.../ est /.../ die 20. Aprilis, anno 1642. publice /.../ disputationis exercitio committebatur, praeside Laurentio Ludenio, /.../ respondente Johanne Jonae Allengreen, /.../ - Dorpati Livonorum, 1642: Lit. acad.)

Västerås StB, [Tartu UB]

GRATULATIO

Doctiss. et Humanissimo

Dn. RESPONDENTI.

JOHANNES JONAEAllengreen

Per Anag.

REGENS AENEA NONNIHIL, O ALE.

 

O sine fine REGENS, qua NONNIHIL AENEA surgunt

                                    Tempora! Dante Deo, non ALE, Justitia.

In felix omen app.

LAURENTIUS LUDENIUS,

Ph. et J.U.D. ac Professor.

 

2. Adr: Johannes Jonae Allengreen – Aut: Ingemar Petri Smetander (cf.5)

Västerås StB, [Tartu UB]

GRATULATIO

                        Non ego Castalio mea labra liquore rigavi,

                                    Quo te digna canam, quo tibi justa canam.

                        Attamen hoc dico: merita cum laude Cathedram

                                    Ascendis merito, Praeside sub merito.

            5          Quo duce vera doces, falsum dubiumque resolvis,

                                    Quo duce declinas missilium segetem.

                        Ergo macte tuo auspicio, charissime Amice,

                                    Sic ibi verus honos! sic tibi nomen erit!

Properante calamo apponebat

Ingemarus Petri Smetander,

W-Gothia Svecus.

 

3. Adr: Johannes Jonae Allengreen – Aut: Petrus Caroli Undenius (cf.5)

Västerås StB, [Tartu UB]

GRATULATIO

O flos Eusebiae, doctrina macte Johannes,

                                    Et juvenis Clario connumerande choro!

                        Sic amplecteris, Christo Duce et Auspice Christo,

                                    Justitiam, ut nulli jam nocuisse queas.

            5          Hinc factis, alijsque modis vis laedere nullum;

                                    Vis fecisse alijs, quod tibi rite velis.

                        Perge, velut pergis; Christo, Regique placebis:

                                    Et tua post obitum fama superstes erit.

Infucatae Amicitiae ergo apposuit

Petrus Caroli Undenius,

W-Gothus.

 

4. Adr: Johannes Jonae Allengreen – Aut: Petrus Jonae Bock (cf. 5)

Västerås StB, [Tartu UB]

GRATULATIO

                        Aurea Justitia est virtutum maxima virtus,

                        Quam colis ex animo, doctrina macte JOHANNES;

                        Hanc cultae valido rationis Marte tueris,

                        Hinc tibi pulcra canent sacrae praeconia Musae.

            5          Gratulor ingenio, tibi quod bona fata dederunt,

                        Exoptoque tuis studijs ego prospera quaevis.

                        Dum licet o dulcem studiorum corpore fructum,

                        Dextre propositi jam meta petita triumphet.

Quod animitus Amico suo sync<ero>

pre<catur>

PETRUS JONAE Bock /

Carolstadius.

 

5. Adr: Johannes Anberg – Aut: Laurentius Ludenius (Oratio de homicidio: quam, /.../ in Regia Academia Gustaviana, quae Dorpati /.../ est  /.../ die 2. Maji, anno 1642. publice /.../ enarrabat Johannes Anberg, /.../ - Dorpati, 1642: Typ. acad.)

SKB, UUB, Växjö LB, London LB, H, LAB, Tartu UB

GRATULATIO

Pietate et Doctrina Ornatiss. Dn. Peroranti.

JOANNES ANBERG:

Per Anag.

BENIGNA RESONA.

 

                        Sit faustum et felix: RESONA quaecunque BENIGNA:

                                    Docta attolle bonum, deprime voce malum.

LAURENTIUS LUDENIUS, Ph.

et J.U.D. et Professor.

 

6. Adr: Andreas Matthiae <Torpensis> – Aut: Laurentius Ludenius (Disputatio practica de justitia particulari, ut et de justitia distributiva: quae, /.../ in Regia Academia Gustaviana, quae Dorpati /.../ est  /.../, die 21. Maij, anno 1642. publice /.../ disputationis exercitio committebatur, praeside Laurentio Ludenio, /.../ respondente Andrea Matthiae Torpensi, /.../ - Dorpati Livonorum, 1642: Lit. acad.)

SKB, [Tartu UB]

GRATULATIO

Praestantiss. et Humanissimo

Dn. RESPONDENTI.

ANDREAS MATTHIAE TORPENSIS:

Per Anag.

ARDES TAM OPTATIS INHAERENS!

 

Pulchre ARDES studijs, TAM OPTATIS dexter INHAERENS:

ARDE, et perge pius: Fama superstes erit.

In felix omen as.

LAURENTIUS LUDENIUS,

 Ph. et J.U.D. ac Professor.

 

7. Adr: Andreas Matthiae <Torpensis> – Aut: Benedictus Brodderi Cassiander (cf. 1)

SKB, [Tartu UB]

GRATULATIO

Sanctam Justitiam, TORPENSIS suscipe Frater.

Defendendam, quae dat meliora Bonis.

Perge; velut pergis; nec justi desere callem

Dans operam studijs, moribus atque pijs.

            5          Perge velut pergis, paucis venientibus annis,

                                    Quo docto ingenio praemia digna feras.

                        Nam virtus rerum, multas habet utilitates:

                                    Gratulor inde tibi; vive DEO atque Tuis.

Honoris, Candoris et amoris

ergo apponebat

Benedictus Brodderi

Cassiander.

 

8. Adr: Andreas Matthiae <Torpensis> – Aut: Nicolaus Psilander (cf. 1)

SKB, [Tartu UB]

GRATULATIO

ANDREAS TORPENSIS.

Per Anag.

SPES RADIANS ORNET!

 


                                   Sic SPES Tenacis aequi

                                   RADIANS Viri, ORNET aevum!

                                   TORPENSIS assecla Acti,

                                   Bocchyris Orphicam ceu

                                 5            Vitam tueris, audax:

                                               Rhadamanthea et statera,

                                               Herciscis omni aequus:

                                               Ramnusius renides!

                                               Sic SPES Tenacis aequi

                                 10          RADIANS Viri ORNET aevum!

                                               Ceu Vultur Herculanus

                                               Dilancinare parcis,

                                               Quo lautiore praeda

                                               Potirier queas dein.

                                 15          Virtute macte, SPES  te

                                               Tua mactat amplo Honore:

                                               Virtutum et Imperatrix

                                               Themis, Clientem adORNAT.

                                               Ne derelinque coepta, et

                                 20          Lauta haud rapina derit

                                               Pylij Dies valeto,

                                               Patriae, Tuisque Charus.


NICOLAUS PSILANDER.

 

9. Adr: Andreas Matthiae <Torpensis> – Aut: Laurentius Lohm (cf. 1)

SKB, [Tartu UB]

GRATULATIO

ANDREA, Dominam Virtutum, pernice cursu

Justitiam sequeris; Diluis omne malum.

Rite colenti vitae aequum stant praemia prompta

Gloria et utilitas, exitus inde bonus.

            5          Sic pergas faustis avibus, remoras procul arcet

                                    Delius; hinc annos Nestoris usque Vale.

Ita Amico et Contubernali suo svavissimo anim.

gratulari debuit ac voluit

Laurentius Lohm / Smo-

landia Svecus.

 

10. Adr: Olaus Michaelis Attorpius – Aut: Laurentius Ludenius (Oratio de ministerio ecclesiastico: quam /.../ in Regia Academia Gustaviana, quae Dorpati /.../ est /.../ 6. die Julij, anno 1642. publice solenniterque /.../ enarrabat Olaus Michaelis Attorpius, /.../ - Dorpati, 1642: Typ. acad.)                                           SKB, UUB, [Tartu UB]

GRATULATIO

Ornatissimo et Doctiss. Dn. Peroranti.

OLAVS MICHAELIS ATTORPIVS.

Per Anag.

IO, PIE; A CHRISTO MVLTA SALVS.

 

                        Dic, PIE, IO? et placidum pertentent gaudia pectus;

                                    A CHRISTO usque PIis MVLTA parata SALVS.

In felix omen ap.

LAURENTIUS LUDENIUS, PH. et J.U.D.

ac Professor.

 

11. Adr: Olaus Michaelis Attorpius – Aut: Petrus Caroli Undenius (cf. 10)

SKB, UUB, [Tartu UB]

GRATULATIO

                        Docte Novenarum mi cultor Olae Sororum,

                                    Artes Eusebiae qui sine fine colis;

                        Suscipis egregie munus sublime, quod optat

                                    In laudem sanctae cognitionis agi;

            5          Divini pergis describere quando Ministri

                                    Munia; res veluti postulat ipsa sacra.

                        Ardua res fateor, res est foecunda laborum,

                                    Tu tamen hanc profers flumine doctiloquo.

                        Perge: Pium Sanctis studijs impende laborem,

            10                    Et tibi per Musas fama perennis erit.                 

Sic animitus Syncero vero Amico gratulatur

Petrus Caroli Vndenius.

 

12. Adr: Benedictus Haraldi – Aut: Andreas Virginius (Oratio de amore, sive philostorgia liberorum erga parentes; quam, /.../ in Regia Academia Gustaviana, quae est Dorpati, /.../ die 26. Februarij anno 1642. publice memoriterque /.../ enarrabat Benedictus Haraldi, /.../ - Dorpati, 1642: Typ. acad.)    SKB, UUB, H, LNB, [Tartu UB]

GRATULATIO

Ornatissimo Dn. Peroranti.

 

                        Qui Pater omnipotens, puerorum ex ore tenello

                                    Ipse sibi laudes destinat, usque juvet:

                        Dulces conjungat Natos charosque parentes:

                                    Sit Prolis pietas officiosa velit.

Grat. sc.

ANDREAS VIRGINEVS, Nob.

Pom. SS. Th. D. ejusque Professor Prima-

rius et Protosynedrij Adsessor, ac

p.t. Rector Magnificus.

 

13. Adr: Benedictus Haraldi – Aut: Laurentius Ludenius (cf. 12)

SKB, UUB, H, LNB, [Tartu UB]

GRATULATIO

BENEDICTVS HARALDI:

Per Anag:

BLANDE CHRISTE, AVDI.

 

                        Vt cordi sit Musa mihi, charique Parentes;

                                    Blande meas Audi Christe vocate preces.

In felix omen appon.

Laurentius Ludenius, J.V.D.

et Professor.

 

14. Adr: Benedictus Haraldi – Aut: Johan Anderson Appelbom (cf.12)

SKB, UUB, H, LNB, [Tartu UB]

GRATULATIO

                        Ingenium monstras fulgens, patruelis amande,

                                    Sangvine juncte mihi, tu Benedicte pie:

                        Dum de gnatorum storgis pol rite peroras

                                    Filius ut Patrem fulgido amore colat.

            5          Hoc ipso ostendis, venerari in honore parentes

                                    Te, qui fers magnis aemula corda viris.

                        Efficis hoc ipso, quo te amplectantur amore,

                                    Hinc studeantque pares, reddere amore vices.

                        Prospiciantque tuis studijs operamque paternam

            10                    Navent, quo possis multa referre bona.

                        Hinc igitur redama, simul indulgeque labori,

                                    Sic in perpetuum praemia multa feres.

                        Sic vives illis charus vivesque beatus

                                    Ingenio pollens, prosperitate virens.

            15        Nunc tandem jungo laetus mea vota priorum

                                    Praeconum voci: vive valeque diu:

                        Vive valeque diu, Patruelis semper amande,

                                    Vlterius studium Christus ametque tuum.

Patrueli suo Ch. Hisce gratul.

Johan Andersson Appelbom.

 

15. Adr: Petrus Jonae Bock – Aut: Laurentius Ludenius (Disputatio practica de morum dignitate: quae, /.../ in Regia Academia Gustaviana, quae Dorpati /.../ est /.../ 2. die Aprilis, anno 1642. publice /.../ disputationis exercitio committebatur, praeside Laurentio Ludenio, /.../ respondente Petro Jonae Bock, /.../ - Dorpati Livonorum, 1642: Lit. acad.)                                                       UUB, Karlstadt StB, [Tartu UB]

GRATULATIO

Doctissimo et Humanissimo

Dn. RESPONDENTI.

PETRUS JONAE BOC:

Per Anag.

TU COR BONAE SPEI!

 

                        Ingenuae Morum Gravitati dedite Petre;

                                    Vsque BONAE TV COR  profer in orbe SPEI.

In felix omen app.

Laurentius Ludenius,

J.U.D. et Professor.

 

16. Adr: Petrus Jonae Bock – Aut: Johannes Jonae Allengreen (cf. 15)

UUB, Karlstadt StB, [Tartu UB]

GRATULATIO

                        Pergrave sit, fateor, naturam noscere morum,

                                    Mi Petre, o frater semper amande mihi!

                        Sit grave; sed pulcrum est. Christo Duce et Auspice Christo,

                                    Te radijs virtus Musaque docta beant.

            5          Hinc tibi consurget cum nomine gloria magna,

                                    Quae duret Pylij secula multa senis.

                        Teque sacrae tandem decus immortale Camoenae

                                    Aethereis pennis fama superstes aget.

Quod lubens cecinit

JOHANNES JONAE Ållengreen

 

17. Adr: Petrus Jonae Bock – Aut: Paulus Florenius (cf. 15)

UUB, Karlstadt StB, [Tartu UB]

GRATULATIO

                        Musarum cultor, morum instillas gravitatem.

                                    Rimaris nisu, et sedulitate probas.

                        Dirige victrici praecepta salubria fasce,

                                    Et defende tuas dexteritate theses.

            5          Sic dextrae ingenium virtutis gratulor amplum;

                                    Et precor, hinc, Christo Praeside, doctus eas.

Amico suo sincero ita gratulari voluit

PAULUS FLORENIUS.

 

18. Adr: Petrus Jonae Bock – Aut: Johannes Andreae Gadd (cf. 15)

UUB, Karlstadt StB, [Tartu UB]

GRATULATIO

                        Morum dum pulcro gravitatem dogmate monstras.

                                    Quidque velint tradis tempora, quidque negent:

                        Egregij ingenij monstras, mi PETRE, recessus,

                                    Defendendo tuas dexteritate theses.

            5          Gratulor ingenuo virtutis et artis amori,

                                    Gratulor, et coeptis omina fausta precor.

                        Insta, pervolve assidue rata scripta Sophorum,

                                    Et pulcrum nomen candida fama feret.

Amico suo singulari gratul. fudit

Johannes Andreae Gadd / Mariaestad.

 

19. Adr: Petrus Jonae Bock – Aut: Christophorus Olai Carolstadius (cf. 15)

UUB, Karlstadt StB, [Tartu UB]

GRATULATIO

                        Fortiter ut Musae, Petre, es rata castra secutus;

                                    Sic bene defendis Sympatriota theses:

                        Pro quibus ingenuae rationis acumine pugnas

                                    Ingenij flumen docta loquela probat.

            5          Perge bonis avibus, pia semper scripta revolve,

                                    Semper ita accrescet nomen in orbe tuum.

Conterraneo suo suavissimo, manu et

animo apposuit

Christophorus Olai Carolstadius.

 

20. Adr: Petrus Jonae Bock – Aut: Laurentius Ludenius (Oratio de angelis: quam, /.../ in Regia Academia Gustaviana, quae Dorpati est /.../ 12. die Aprilis, anno 1642. publice /.../ enarrabat Petrus Jonae Bock, /.../ - Dorpati, 1642: Typ. acad.)

SKB, UUB, Karlstadt StB, H, [Tartu UB]

GRATULATIO

Praestantissimo et Doctiss. Dn. Peroranti.

PETRVS IONAE BOC:

Per Anag.

TV ES PRAECO BONI.

 

                        Tv bene PRAECO BONI ES, dum plenus Numine, dicis

                        Angelus ut Sanctus CHRISTOque Hominique ministret.

In felix omen s.

LAURENTIUS LUDENIUS, PH. et

J.U.D. ac Professor.

 

21. Adr: Petrus Jonae Bock – Aut: Petrus Caroli Undenius (cf. 20)

SKB, UUB, Karlstadt StB, H, [Tartu UB]

GRATULATIO

                        Sadducaea cohors, ac secta posthuma proles,

                        Ingenio reprobo vivit, dum pernegat ipsas

                        Angelicas mentes hominumque Deique ministros.

                        Sed tu Pierij decus, o pie PETRE, Theatri

            5          Commenta illorum victrici Marte retundis,

                        Pulpita dum scandis praesenti mente Lycaei,

                        Nestorea et lingva quod sit sacer Angelus addis.

                        Soepe Deum precibus per vota vocare memento,

                        Vt tibi custodes, Proceres hos, addat ubique.

            10        Hinc Natale solum, Christo duce, visere quando

                        Incipies, sit dux Ales Sacer, opto, viarum.

Ex Synceriori Affectu accinit

Petrus Caroli Undenius,

W Gothus.

 

22. Adr: Christina – Aut: Laurentius Ludenius (Immortalitas D. Patris Patriae /…/ Gustavi Adolphi, Svecorum, Gothorum, Vandalorumque regis; /…/ parentatione anniversaria, in Regia Academia Gustaviana, quae Dorpati /.../ est /…/ die 6. Novembris anno 1636. /…/ a Laurentio Ludenio, /…/ - Dorpati Livonorum, 1642: Typ. acad.)[1]                                                            SKB, UUB,LAB, LNB, [Tartu UB]

DEDICATIO

CHRISTINA,

REGINA

SVECIAE.

Per Anagramma:

CHARIS

IN REGNA IT

SVECIAE.

 

                        Sancta CHARIS; CHRISTINA-CHARIS; Regina Serena,

                                    IN REGNA IT SVEONUM deveneranda CHARIS.

                        Salve, Sancta CHARIS; Salve, Regina: JEHOVA

                                    Auspice, sis REGNIS Sancta vocata CHARIS.

 

23. Adr: Christina – Aut: Laurentius Ludenius (Immortalitas D. induperatoris equitis /…/ Gustavi Adolphi, Svecorum, Gothorum, Vandalorumque regis; parentatione anniversaria, in Regia Academia Gustaviana, quae Dorpati est /…/ die 6. Novembris anno 1637 /…/ aeternitati consecrata a Laurentio Ludenio, /…/ - Dorpati Livonorum, 1642: Typ. acad.)[2]                                                                SKB, LAB, [Tartu UB]

DEDICATIO

CHRISTINA,

REGINA

SVECIAE.

Per Anagramma:

CHARIS

IN REGNA IT

SVECIAE.

 

                        Sancta CHARIS; CHRISTINA-CHARIS; Regina Serena,

                                    IN REGNA IT SVEONUM deveneranda CHARIS.

                        Salve, Sancta CHARIS; Salve, Regina: JEHOVA

                                    Auspice, sis REGNIS Sancta vocata CHARIS.

 

24. Adr: Christina – Aut: Laurentius Ludenius (Immortalitas vere magni /…/ Gustavi Adolphi, Svecorum, Gothorum, Vandalorumque regis; /…/ parentatione anniversaria, in Regia Academia Gustaviana, quae Dorpati /.../ est /…/ die 6. Novembris anno 1640 /…/ aeternitati consecrata a Laurentio Ludenio, /…/ - Dorpati Livonorum, 1642: Typ. acad.)[3]                                                                            SKB, UUB, LAB, [Tartu UB]

DEDICATIO

CHRISTINA,

REGINA

SVECIAE.

Per Anagramma:

CHARIS

IN REGNA IT

SVECIAE.

 

                        Sancta CHARIS; CHRISTINA-CHARIS; Regina Serena,

                                    IN REGNA IT SVEONUM deveneranda CHARIS.

                        Salve, Sancta CHARIS; Salve, Regina: JEHOVA

                                    Auspice, sis REGNIS Sancta vocata CHARIS.

 

 

25. Adr: Christina – Aut: Laurentius Ludenius (Immortalitas D. Herculis academici, /.../ Gustavi Adolphi, Svecorum, Gothorum, Vandalorumque regis; /.../ parentatione anniversaria, in Regia Academia Gustaviana, quae Dorpati /.../ est /.../ die 6. Novembris anno 1641. /.../ aeternitati consecrata a Laurentio  Ludenio, /.../ - Dorpati Livonorum, 1642: Typ. acad.)                          SKB, UUB, LAB, [Tartu UB]

ENCOMION

Serenissimae et Potentissimae Princi-

pi ac Dominae,

DN. CHRISTINAE,

Svecorum, Gothorum, Vandalorumque

Reginae Electae, ac Principi Haereditariae; Magnae Prin-

cipi Finlandiae; Duci Esthoniae et Careliae;

Dominae Ingriae, etc.

Dominae et Reginae nostrae Clementissimae.

 

Inclyta Progenies GUSTAVI Regis ADOLPHI,

Aeterni Soboles Herois Regia; sancta

Heroina; decus Patriae, CHRISTINA; Serena

Arctoo Regina throno, solioque verenda:

5          Rex-Pater, aeternae fulcrum Pietatis, et illud

Dulce jubar terrae, Divus GVSTAVVS ADOLPHVS,

Ardua Progenies Regum, Celsissimus Heros;

Eripuit postquam diverso ex hoste trophaeae,

Eruit et Levones belli e graviore tumultu;

10        Illustris Victor; celsum dum laeta triumphum

Vox canit, et longas resonant Capitolia pompas;

Respicit, et quanta discit Livonia tellus

Continua gravium seret calcata malorum

Fessa labat; passim infelix dum soevit Erinnys

            15        Contemptrix Superum, tristisque avidissima fraudis.

Densa dolet soevarum inter deserta ferarum

Agricolas humilem Levonum traducere vitam!

Regia ferre jubet dociles mandata per aures

Vt deponantur gentilia numina pagis,

20        Vana superstitio et veterum cultura Deorum.

Imperat ut veri coelestes Numinis haustus

Accipiant populi, mentesque in nube jacentes

Sancte illustrentur Divini ad luminis ignes.

Imperat ut Probitas omnes cingatur in usus,

25        Temperet et praestans humana pericula virtus.

Mox loca dat populis, ubi Christum jugiter orent:

Sanctae Palladium erigitur sublime Minervae; et

Hic, ubi Dorpatum, surgunt Academica Tempe.

Rex pius, invitat pretiis, et praemia ponit

30        Digna Professore, ingenuo qui tincta lepore

Corda creet Juvenum, monitis et voce magistra

Informet, dotesque alto cum pectore jungat.

Rex pius, invitat pretiis, et plurima ponit

Praemia; Mercurij ut Soboles, generosa Propago,

35        Dum dociles facilesque anni, dum mobilis aetas,

Addiscat sancti Divina Oracula Verbi;

Quodque Stagirites, schola dixit quodque Platonis;

Papinianus item, et celebris medica Arte Machaon.

Assignata tamen deerant data jugera campi,

40        Certaque diversis exercita frugibus arva;

Prataque, et arboribus spectabilis undique sylva.

Quippe, Pater Patriae Divus GVSTAVVS ADOLPHVS

Linquebat dulces Animas pro Arisque Focisque

Ante, suos caperent quam facta exordia fines.

45        Sancta CHARIS, CHRISTINA-CHARIS, Regina Serena,

Regibus Arctois Regina Heroibus orta,

Sancta tui est animi Pietas, Clementia sancta,

Et sancta est victrix hujus Sapientia mundi,

Quae nostras humiles Musas explorat; et inquit;

50        Sanctis pulcra Aris alimenta et commoda Musis

Sufficiam; Cererem expediam; dabo jugera campi,

Vt quoties Soles longinqua retorserit aestas,

Hinc propriis toties reditum det culmus aristis

Et medio addictas aestu terat area fruges.

55        Regia, cara Deo, Pietas ita dixerat; atque

Aeterno veniunt haec Vero consona verba.

HEINIUS HENRICUS, Themidos gravitate Professor,

Eunomiae Doctor, nostri decus usque Lycej,

Dexter adest, comitum Angelica stipante caterva,

60        Oratorque pie proponit humillima vota,

Quae demisso Embecciades de pectore promunt

Atque humiles orant Regalia Numina Musae:

Si visum, ut segetes reddensque alimenta quotannis

Assignetur humus Dorptensibus aequa Camoenis.

65        HEINIVS haec humili demissus dixerat ore;

Quando salutaris magnum o Jovis Incrementum,

Sancta CHARIS, CHRISTINA-CHARIS, Regina Serena,

Annuis Illustri sensu, Indultoque beato

Ad Christi laudem in medium donaria ponis,

70        Divinis relevasque Animis Academica Tempe

Regalique manu pulcerrima praedia donas.

Magnifici Proceres Regni, totusque Senatus,

Illustres plenis partes assensibus implent,

Divinum auxilium exoptant et commoda Musis.

75        Optata accipimus diffusi jugera campi

Agrestesque Lares, et certa mapalia; ceu sunt

Quadringentae Hubae, triginta tresque: relatae

In decies septem et quatuor pulcro ordine pagos,

Hic ubi confinis bellacibus Ingria Moschis;

80        Gaudeat ut tantis crescens Academia donis,

Paulatim et propriis flavescat campus aristis.

Inclyta Progenies Regum, Regina Serena,

Quis poterit meritas digne persolvere grates?

Est tua sancta humiles  servans Clementia Musas

85        Vt Rex introeat CHRISTVS, rata Gloria Regni.

Concedente Deo, Christo Duce, et Auspice Flatu,

Gratia tota tua est, tuaque Indulgentia sancta,

Pulcrius has habitat quod Pallas cultior oras.

Prodiga divitias, alimentaque mitia tellus

90        Suggerit; admistae succrescunt frondibus herbae:

Sunt fruges; sunt mella thymi redolentia flore;

Sunt pecudes; vivunt armentaque gramine laeto.

Aeterno cujus semper sub Numine nostra est

Eusebia, Eunomia, et Panacea, et candida Pallas,

95        Omnipotens rerum DOMINVS, Monas et Trias una

Persolvat meritas grates, et praemia reddat.

Salve, Sancta CHARIS; Salve Regina Serena;

Stet fortunae Domus totum regalis in aevum,

Celsius aeterno pulcre illustretur honore;

100      Regia perpetuis se Gloria terminet astris,

Atque per immensas veniant praeconia Gentes.

Delicium o Patriae vivas, per secula vivas;

Audendo bella expedias victricibus armis;

At maneas nostri Clemens Tutela Lycej.

105      Et, vos Illustres Proceres, Regnique Potentes,

Quorum sancta humiles juvat has Custodia Musas;

Et felix Bonitas, Duce CHRISTO, Castaliam inter

Arma in Pace armat, nostram armavitque Thaliam,

Vt multum defensa sonent Academica Templa

110      Vivere recte, cuique suum dare, laedere nullum;

Vivite: semper Honos vester, laudesque manebunt,

Et sacri annales Bonitatum encomia dicent.

Vivite Musarum Columen: per secula tota

Rideat Illustris vultu fortuna sereno.

115      Nulla operis famam poterit delere vetustas,

Posteritas serum laudes extendet in aevum.

                        Ita ex voto Magnifici Dn. Rectori, totiusque

Senatus Academici in Regia GUSTAVIana,

Die 16. Sep. Anno 1638. vovebat animus

et calamus

LAURENTI LUDENII, PH. et  J.U.D.

ac Professor.

 

26. Adr: Israel Laurentii Drysander – Aut: Laurentius Ludenius (Oratio de cognitione sui: quam, /.../ in Regia Academia Gustaviana, quae Dorpati /.../ est  /.../ die 29. Junij, anno 1642. publice memoriterque /.../ enarrabat Israel Laurentii Drysander, /.../ - Dorpati Livonorum, 1642: Typ. acad.)            UUB, Växjö LB, LAB, [Tartu UB]

GRATULATIO

Doctiss. et Ornatiss. Dn.

PERORANTI.

ISRAEL LAURENTII DRYSANDER:

Per Anag.

NIL ERRANT; ARS SYLVA REI:

DEDI.

 

                        NIL ERRANT; ARS SYLVA REI remanentis opima:

                                    ARS ET SYLVA REI, se bene Nosse; DEDI.

Grat. ap.

Laurentius Ludenius, PH.

et J.U.D. ac Professor.

 

27. Adr: Elisabeth Jacobsdotter – Aut: Petrus Trottonius (Een kort och enfaldigh Lijkpredikan,  Vthi /.../ Elisabethae Jacobs Dotters /.../ Jeremiae Agricolae /.../ Hustrus Lijkfärdh, Hwilcken /.../ den 27. Julij, /.../ i Rijga affsompnadhe, och hennes S.Lijk, ther samma städes uthi S. Jacobs Kyrka begroffs den. 1. Augusti, Anno 1642. Hållen aff  Sigfrido Petri, Wib. Carelio, Pastore Regiminis. – Dorpt, <1642>: J. Vogel)                                                                                     Lund UB, [Tartu UB]

EPICEDIUM

EPICEDIA.

 

Sic vitae humanae multo ante extrema Senectae

                        Tempora labuntur, letho et succumbimus ipsi!

                        Res facit ipsa fidem: moribundos pulcrior artus

                        Spiritus o linquit, totum corpusque relinquit!

            5          Vixit dives avis, habitu et virtute coruscans

                        Matrona, atque ipsum decus altum, Elisa Jacobi

                        Chara viro, et parvo Mater charissima nato.

                        Sed cadit ante diem, partu et pia lumina claudit,

                        Vivere per multos dignissima Nestoris annos.

            10        Sic Mulier pomi ob morsum, mandante Jehova,

                        Plenae dolore parit, summo in discrimine vitae!

                        Si pereat partu; ceu formosissima Mater

                        Illa Rachel periit; nunquam tamen illa peribit,

                        Sed Christo veniet per secula amabilis hospes.

            15        Divine hinc Pastor, chara viduate Marita,

                        Pone modum lacrymis; chara, indulgere dolori

                        Ulterius noli, soboles; tua vivit in axe

                        Dilecta o genetrix: cum Christo vivit amice.

                                                                                                                                Haecce pauca condolentiae ergo

                                                                                                             apposuit

M. Petrus Trottonius.

 

28. Adr: Elisabeth Jacobsdotter – Aut: Georgius Hornigk (cf. 27)

Lund UB, [Tartu UB]

EPITAPHIUM

 

Sub persona Defunctae.

1.

 

                        Ah Dödh/ ah Dödh tu grymme Gäst

                             Tigh kan man ey vnwijka!

                   Tu kommer medh en blekan Häst/

                             Och gör oß alla lijka;

            5          Ja/ högh och lågh/ gammal och ung

                             Tu förraster och fäller

                   Tu in till Werldens sidsta stund

                             Menniskiom snaror ställer.

 

2.

                        Hwarsör hafwer tu Bogan tin

            10                    Vpspänt/ moot migh elende/

                   Medh Pijlar skarp’ I Hiertat inn

                             Skutit/ thär jagh wäl kunde

                   Genomlefwa mången godh Dagh/

                             I kärligheet och sämia/

            15        Medh min Man kär/ effter Gudh Lagh/

                             Och mins Sons bästa främia?

 

3.

                        Som Rööck och Damb förswinner bort/

                             Och Strömmen medh hast rinner;

                   Altså gåå wåra Dagar fort/

            20                    Thet jagh nu här besinnar:

                   Wälluktand’ Ört och Blomster all

                             Är’ vnderlagd förwijsning;

          Altså Kroppen I Jorden kall/

                   Giftwes Matkom till Spijsnin.

 

4.

25        Doch tröstar migh at jagh af Jord

                   Vpståå skal och framkomma

          På Dommedagh/ effter Gudz Ord/

                   Deel hafwa bland the Fromma;

            Medh Frögd och Fridh Ewinnerlich

30                    Besittia Himmels-Booning/

          Thet Christus hafwer wswat migh/

                   Medh röda Blodz-Försoning.

 

5.

                        Therför’/ O Werld/ jagh tigh med Frögd/

                             Vttersta Vale säger;

            35        Förwanter warer wälförnögd/

                             Gudz Godheet öfwerwäger:

                   Från stoor mödo jagh löses här/

                             Inngåår till ewigh Lijsa/

                   Thär jagh medh heela Himmels-Häär

            40                    Må Herran Jesum prijsa.

 

6.

                        Vtterst/ min Man/ och Son så spädh/

                             Stryker Tårar af Kinner:

                   Tröster Eder altijdh thär medh/

                             At I migh återfinnen

            45        I Engla-Chor/ medh Glädie stoor/

                             Sampt myckin Lust och Gamman/

                   Tijt/ Christus som I Högden boor/

                             Wil föra oß tillsamman.

 

Epitaphium.

 

                        Me, Lector, gelida ne plores morte peremptam,

            50                    Aemula si quosvis mors rapit atque necat;

                        Tu modo, quisquis eris, vana haec ludibria mundi

                                    Gaudiaque Exemplo spernere disce meo.

                                                                                                                                Haecce pauca Condolentiae
                                                                                                                                                ergo canebat

Georgius Hornigk /

                                    Abogius.

 

29. Adr: Paulus Svenonis Florenius – Aut: Laurentius Ludenius (Oratio de Deo Trinuno: quam, /.../ in Regia Academia Gustaviana, quae Dorpati /.../ est  /.../ die 7. Julij, anno 1642. publice /.../ enarrabat Paulus Suenonis Florenius, /.../ - Dorpati Livonorum, 1642: Typ. acad.)               SKB, UUB, Karlstad StB, [Tartu UB]

GRATULATIO

Doctiss. et Ornatiss. Dn. Peroranti.

PAULUS  SVENONIS FLORENIUS;

Per Anag.

IN PLAUSU FLORENS, NISU OVES.

 

                        IN PLAUSU FLORENS; Christo Duce et Auspice Christo,

                                    Dexter OVES NISV hoc candidiore precor.

In felix omen ap.

LAVRENTIVS LVDENIVS, PH.

Et I.V.D. ac Profess.

 

30. Adr: Paulus Svenonis Florenius – Aut: Petrus Caroli Undenius (cf. 29)

SKB, UUB, Karlstad StB, [Tartu UB]

GRATULATIO

                        Praestans Musarum decus, optime PAVLE SVENONIS,

                        Sic docta lingva quae sunt Divina profaris.

                        Quippe quod Ens primum siet, a quo caetera fiunt,

                        Quod sit per sese vivens, Sapiensque Bonumque,

            5          A nullo accipiens quod habet: verum omnia ab illo

                        Accipiunt vitam, et pulcrae nutrimina vitae.

                        Non dubitandum ergo, sed corde atque ore fatendum

                        Hunc ipsum esse Bonum, rerum causamque bonarum.

                        Perge, velut pergis, sic doctior ipse redibis

            10        Inde domum. Deos Omnipotens tua coepta secundet,

                        Et reducem Patrijs te salvum sistat in oris

                        Et faciat sis inde redux ad limina nostra.

Gratulabundus adjecit

Petrus Caroli Undenius,

W-Gothus

 

31. Adr: Paulus Svenonis Florenius – Aut: Petrus Jonae Bock (cf. 29)

SKB, UUB, Karlstad StB, [Tartu UB]

GRATULATIO

                        Secretum Magnum est; Deus Almus Trinus et Unus:

                                    Tota silet ratio hic, hic stupet omnis homo.

                        Sic sacra esse docent nos Biblica scripta: Floreni

                                    Disserit haec eadem docta Minerva tua.

            5          Sedulus atque Vigil sacrata arcana reclude;

                                    Hic laudem, atque illic gaudia habebis; Ave.

Quod animo gratul. apposuit

Petrus Jonae Bock / Carol-

stadius

 

32. Adr: Paulus Svenonis Florenius – Aut: Christophorus Olai (cf. 29)

SKB, UUB, Karlstad StB, [Tartu UB]

GRATULATIO

                        Mystica Sacra Dei, studio qui discit honesto,

                                    Ipse operam cum spe divite rite locat.

                        Hoc, o Paule, facis, mi Sympatriota probate,

                                    Dicens; Omnipotens Trinus et Vnus adest.

            5          Ergo tui in vanum sudores non revocantur;

                                    Faenore sed largo praemia magna feres.

Honoris E. faciebat

Christophorus Olai, Ca-

rolstadius.

 

33. Adr: Gustav Adolph – Aut: Laurentius Ludenius (Immortalitas D. patris patriae /.../ Gustavi Adolphi, Svecorum, Gothorum, Vandalorumque regis; /.../ parentatione anniversaria, in Regia Academia Gustaviana, /.../ die 6. Novembris anno 1636. /.../ aeternitati consecrata a Laurentio Ludenio, /.../ - Dorpati Livonorum, 1642: Typ. acad.)                                                                     SKB, UUB, LNB, LAB, [Tartu UB]

EPICEDIUM

In summe HEROICUM

Obitum et Abitum

SERENISSIMI ET POTENTISSIMI PRINCIPIS

AC DOMINI,

DN. GUSTAVI ADOLPHI,

Svecorum, Gothorum, Vandalorumque Regis,

Magni Principis Finlandiae, Ducis Esthoniae et Careliae,

Domini Ingriae etc.

Domini et Regis sui quondam Clementissimi, nunc Beatissimi.

 

                        Tristia continuo turbantur pectora planctu,

                        Et gravidi lachrymis oculi rorantur obortis!

                        LUMEN abest! LUMEN! quo vix praelustrius ullum

                        Justitiae sparsit radios, atque ingenij ignem!

            5          Tristia difficili tabescunt lumina fletu!

                        NUMEN abest TERRESTRE! nihil sublimius Arctos.

                        Quo nilque haec tellus Septen – subjecta – trioni

                        Fortuna majus meliusve aspexit in isthac!

                        Omnia diverso miscentur moenia luctu!

            10        Divinum COLUMEN rerum, nutantibus altum

                        Orbe, Urbe! aeternum nictantibus occidit umbris!

                        Ite! Ite in lachrymas! solvit se Svecia luctu!

                        Regibus Arctois, Divis Heroibus, ortus,

                        Rex Hominum, Rex coelesti virtute Serenus,

            15        Praesidium ruituri Orbis, GUSTAVUS ADOLPHUS,

                        Mundi hujus rediviva Salus, Sol, Phosphorus, altum,

                        Occidit! et longum nictantibus occidit umbris!

                        Ite! Ite in lachrymas! lachrymis se Gothia solvit!

                        Rex! Rex! aetherei quo vix reverentior alter

            20        Numinis, aut animis coelestis amantior Aequi,

                        Occidit, et nostrum luctum omne extendit in aevum!

                        Ite! Ite in lachrymas! Lachrymis effunditur omnis

                        Moscvita! Arctous! Daca! Sarmata! Vandalus! Hunnus!

                        Rex, Sancti custos Recti, Defensor Honesti,

            25        Justitiae usque tenax dictis, factisque: Bonorum

                        In commune Bonus: cujus Patientia corpus

                        Formabat, nulli ut cuperet cessisse labori;

                        Temperies, casta ut peteret; Prudentia ne quid

                        Inconsulto ageret: Constantia futile ne quid

            30        Susciperet; felix rerum Sapientia, ne quid

                        Excellens fugeret ventosa pericula virtus;

                        Occidit! in serum clauduntur lumina somnum!

                        Ite! Ite in lachrymas! Lachrymis se candida solvit

                        Simplicitas! Lachrymis sanctum se solvit Honestum!

            35        Marte Gravis, Martem Gustans, GUSTAVUS-ADOLPHUS,

                        Induperatorum Flos atque Medulla bonorum;

                        Qui CHRISTI pro Lege, pio qui pro Grege CHRISTI

                        Armisonas acies, vexilligerasque Phalanges

                        Duxit, et imparibus se crebro immiscuit armis

            40        Alternans multa vi praelia: coelica Victor

                        Per populos ut jura daret, sacrata Cohorsque

                        Viveret hinc CHRISTO, viam et affectaret Olympo;

                        Sanctam animam posuit! pro Pace in vulnera ponit!

                        Ite! Ite in lachrymas! Lachrymis se saucia solvit

            45        Eusebia, Eunomia, et Panacea, et maxima Pallas!

                        Arte gravis, Martem Arte regens, GUSTAVUS ADOLPHUS,

                        Telluris rediviva Salus! Patriae! Pater orbis!

                        Non passus peragi male-fanda! horrenda! tremenda!

                        Naufragium in patrio signari littore! vulgus

            50        In pecudum cecidisse cibos! sua viscera-Prolem

                        Torquente esurie torquere in viscera Matres!

                        Et pulcra transferri atavorum a stirpe revulsa

                        Imperia, ad Pharaonem alieno stemmate natum

                        Progeniem Israële satam qui nescijt; alta

            55        Quam cupijt vi extinctam et mersam fluminis unda!

                        Sanctam animam posuit! pro Vita in vulnera ponit!

                        Sic Sanctus Pelicanus agit! se eviscerat uncis

                        Ungvibus, ut vivant redituram pignora vitam!

                        Morte cadit Victor! Vitam moriendo reponit

            60        Arctous Simpson! nunquam morietur inultus.

                        Non aliter Phoenix; quum sese imponit in altum

                        Quem struit ipse rogum, cantus dulcedine mira

                        Nondum perfectos plaudenti morte relinquit:

                        E cinere inde Redux mox Phoenix nascitur. Artus

            65        Mors anima, nunquam CHRISTI seduxerit armis.

                        CHRISTO dante, Redux armis, pie, nascere, Phoenix;

                        Morte sua Victor vivit GUSTAVUS ADOLPHUS.

Cum S. Reg. Maj. Sanctae Exuviae

Wolgasto Pomeraniae die 16. Iulij Anno 1633.

In Navem Illustrissima pompa deferrentur, ut in Sve-

ciam Regio Mausoleo inferrentur,

Jussu Magnifici Dn. Rectoris to-

tiusque Senatus Academici in Uni-

versitate Gryphiswaldensi,

                        inter lachrymas humilis e. s.

Laurentius Ludenius, PH. et

J. U. D. Poët. Cor. et Prof. Ordinarius.

 

34. Adr: Gustavus Adolphus – Aut: Laurentius Ludenius (Immortalitas D. principis militiae /.../ Gustavi Adolphi, Svecorum, Gothorum, Vandalorumque regis; /.../ parentatione anniversaria, in Regia Academia Gustaviana, quae Dorpati /.../ est /.../ die 6. Novembris anno 1638. /.../ aeternitati consecrata a Laurentio Ludenio, /.../ - Dorpati Livonorum, 1642: Typ. acad.)[4]                        SKB, LAB, [Tartu UB]

EPICEDIUM

REX

GUSTAVUS

ADOLPHUS:

Per Anagramma;

REX

AUGUSTUS

HAS DUPLO.

Symbolum S. Reg. Maj.

CVM DEO ET VICTRICIBVS ARMIS.

 

                        HAS DUPLO AUGUSTUS terras Victricibus armis,

                                    Dum tua coelestis Gratia, CHRISTE, favet.

 

 

35. Adr: Gustavus Adolphus – Aut: Laurentius Ludenius (Immortalitas inclyti nostri /.../ Gustavi Adolphi, Svecorum, Gothorum, Vandalorumque regis; /.../ parentatione anniversaria, in Regia Academia Gustaviana, quae Dorpati /.../ est /.../ die 6. Novembris anno 1639. /.../ aeternitati consecrata a Laurentio Ludenio, /.../ - Dorpati Livonorum, 1642: Typ. acad.)[5]                        SKB, UUB, LAB, [Tartu UB]

EPICEDIUM

REX

GUSTAVUS

ADOLPHUS:

Per Anagramma;

REX

AUGUSTUS

HAS DUPLO.

Symbolum S. Reg. Maj.

CVM DEO ET VICTRICIBVS ARMIS.

 

                        HAS DUPLO AUGUSTUS REX res Victricibus armis,

                                    Dum tua coelestis Gratia, CHRISTE, favet.

 

36. Adr: Gustavus Adolphus – Aut: Laurentius Ludenius (Immortalitas D. Herculis academici, /.../ Gustavi Adolphi, Svecorum, Gothorum, Vandalorumque regis; /.../ parentatione anniversaria, in Regia Academia Gustaviana, quae Dorpati /.../ est /.../ die 6. Novembris anno 1641. /.../ aeternitati consecrata a Laurentio Ludenio, /.../ - Dorpati Livonorum, 1642: Typ. acad.)[6]            SKB, UUB, LAB, [Tartu UB]

EPICEDIUM

REX

GUSTAVUS

ADOLPHUS:

Per Anagramma;

REX

AUGUSTUS

HAS DUPLO.

Symbolum S. Reg. Maj.

CVM DEO ET VICTRICIBVS ARMIS.

 

                        HAS DUPLO AUGUSTUS REX res Victricibus armis,

                                    Dum tua coelestis Gratia, CHRISTE, favet.

 

 

 

37. Adr: Martinus Henschelius – Aut: Jacobus Lotichius (Disputatio theologica exhibens cardinalem fidei Christianae articulum de justificatione hominis peccatoris coram Deo. Quam in Regia Gustaviana, quae Dorpati /.../ est, Academia publicae ventilationi subjiciebat sub praesidio /.../ Andreae Virginii, /.../ autor et respondens Martinus Henschelius, /.../ die 5. Febr. /.../ - Dorpati Livonorum, 1642: Lit. acad.)

LAB, EAB, [Tartu UB]

GRATULATIO

Doctrina et Humanitate conspicuo

Dn. RESPONDENTI.

 

                        HENSCHELI, favitor tui colende

                        LOTICHI; Uranies decus verendae:

                        Te colunt Aganippides puellae,

                        Illae doctiloquae, bonae puellae,

            5          Pimplae Numina quas novena dicunt:

                        Ipsae comiter hae colunt puellae

                        Te, lumenque suum sibi cupiscunt.

                        Nam tu Palladis pereruditis

                        Artibus Sophiae sat eruditus.

            10        Hebraeo, Latioque rorulenta,

Et Grajo venusina flat lepore

Lingua, et cordirapas refert loquelas.

Nec satis: sed honorus usque cultor

Divinae Triados linis pagellas

            15        Vivaci Aegeria, Thymoque sacro.

                        Occludis vada sulphuratae Lethes,

                        Foedam stirpitus elocas Memphitin,

                        Et Diae Themidos viam repandis.

                        En stragem Aegisonam, favor Minervae,

            20        Languet Haeresiarcha cum catervis.

                        Grator. Perge velut subinde pergis,

                        Et sic Haereticis, Amice, scripta

                        Quovis porrige melle dulciora,

                        Quovis porrige et aere fortiora.

Jacobus Lotichius.

 

38. Adr: Martinus Henschelius – Aut: Laurentius Ludenius (Disputatio theologica de bonis renatorum operibus, quam in Regia Gustaviana, quae Dorpati /.../ est, Academia, praeside /.../ Andrea Virginio, /.../ publice ventilandam proponit author et respondens Martinus Henschelius, /.../ habebitur /.../ d. < >  Maji, /.../ - Dorpati Livonorum, 1642: Lit. acad.)                                                    LAB, EAB, [Tartu UB]

GRATULATIO

Praestantiss. et Humanissimo

Dn. RESPONDENTI.

MARTINUS HENSCHELIUS:

Per Anag.

HIS NAE LUMEN CHRISTUS.

 

                        HIS NAE LUMEN adest CHRISTUS conatibus HIS NAE

                                    LUMEN adest Animis CHRISTUS. Amica Quies!

In felix omen ap.

LAURENTIUS LUDENIUS, PH. et

J.U.D. ac Professor.

 

39. Adr: Martinus Henschelius – Aut: Jacobus Lotichius (cf. 38)

LAB, EAB, [Tartu UB]

GRATULATIO

MARTINVS HENSCHELIVS MARCHIACVS:

Per Anag.

SALVS MEA CHRISTVS: HINC REVINCAM.[7]

 

                                               MEA Spes SALUSque CHRISTVS;

                                               Inquis, Probate Victor.

                                               MEA Spes SALVSque CHRISTVS

                                               Nil inde Viperinis

         5            Mihi morsibus nocebit

                                               Caterva bracteatis

                                               Renitens perinde lauris.

                                               Dic Haeresis globata,

                                               Conducat an Renatis,

         10          Et sanctam et illibatam

                                               Mendis fovere vitam?

                                               Oppone, si quid audet,

                                               En, quisquis es, REVINCAM.

                                               Manicheus es? REVINCAM.

         15          Epicurus es? REVINCAM.

                                               Calvinus es? REVINCAM.

                                               Es Pontifex? REVINCAM.

                                               Photinus es? REVINCAM.

                                               Arius es, REVINCAM.

         20          En, quisquis es, REVINCAM.

                                               MEA Spes SALVSque CHRISTVS

                                               HINC VINCAM, et HINC REVINCAM.

JACOBUS LOTICHIUS.

 

40. Adr: Henricus Martini Hierzelius – Aut: Andreas Virginius (Oratio de philostorgia parentum in liberos: quam, /.../ in Regia Academia Gustaviana, quae Dorpati /.../ est  /.../ die 6. Martij, anno 1642. publice /.../ memoriter enarrabat Henricus Martini Hierzelius, /.../ - Dorpati, 1641: Typ. acad.)                  SKB, UUB, H,LAB, [Tartu UB]

GRATULATIO

Ornatissimo Dn. Peroranti.

 

                        Qvanta sit in sobolem charorum cura Parentum,

                                    HENRICE, eloqueris candidiore modo.

                        Aeternum venerare Deum, venerare Parentes,

                                    Et sit mens Recti conscia tota tibi;

            5          Charior inde Deo, charisque Parentibus ipsis,

                                    Esse potes, Cunctis charior atque Bonis.

ANDREAS VIRGINIUS, Nob. Pom.

SS. Th. D. in Regia Acad. GUSTAVIa-

na Prof. primarius, ac Protosynedrij

Adsess. et p.t. Rector Magnific.

 

41. Adr: Henricus Martini Hierzelius – Aut: Laurentius Ludenius (cf. 40)

SKB, UUB, H,LAB, [Tartu UB]

GRATULATIO

HENRICUS MARTINI HIERZELIUS:

Per Anag.

RITU ZELI MIHI CURIS INHAERENS.[8]

 

                        Sis RITV ZELI MIHI CURIS totus INHAERENS

                                    Officij; Zelus curaque fausta venit.

In felix omen app.

LAVRENTIVS LVDENIVS, PH.

et I.V.D. ac Professor.

 

42. Adr: Georg Johannis Hornick – Aut: Laurentius Ludenius (Oratio de philadelphia: quam /.../ in Regia Academia Gustaviana, quae Dorpati /.../ est /.../ 9. die Martij, anno 1642. publice et memoriter /.../ enarrabat Georgius Johannis Hornick, /.../ - Dorpati, 1642: Typ. acad.)                                                           SKB, UUB, LAB, [Tartu UB]

GRATULATIO

Pietate et Doctrina Ornatissimo

Dn. PERORANTI.

GEORGIUS JOHANNIS HORNICK

Per Anag.

CHARIOR IN SIGNO HOC JUNGES.[9]

 

                        Ante quidem CHARVS: Verum adnascentia IVNGES

                                    CHARIOR IN SIGNO HOC pectora. IVNGE pius.

In felix omen app.

LAURENTIUS LUDENIUS, J.U.D.

et Professor.

 

43. Adr: Georg Johannis Hornick – Aut: Petrus L. Schonbergius (cf. 42)

SKB, UUB,LAB, [Tartu UB]

GRATULATIO

GEORGIVS IOHANNIS HORNIGC:

Per Anag.

O, HONOR HIC NI GRAVIS? GIGNES!

 

                        Per binos annos te tinxit noster Apollo

                                    DORPATICVS dulci rite lepore suo;

                        Vt non horrescas conscendere pulpita Phoebi, et

                                    Discere quod Fratrum gratia magna siet.

            5          O, HONOR HIC NI Sat GRAVIS? addat plura Lyceum

                                    Abogiense, ut HONOR sit GRAVIS inde satis.

                        Hic ut coepisti, Laribus sic redditus insta:

                                    Non dubito, GIGNES, hic pium honorem et ibi.

Sinceri affectus ergo Contubernali suo lepido

ita gratulatur

PETRVS L. SCHONBERGIVS

OstGothia Svecus.

 

44. Adr: Martinus Johannis Hornick – Aut: Laurentius Ludenius (Oratio de civitate: quam, /.../ in Regia Academia Gustaviana, quae Dorpati /.../ est /.../ 4. die Aprilis, anno 1642. publice et memoriter /.../ enarrabat Martinus Johannis Hornick, /.../ - Dorpati, 1642: Typ. acad.)                                           SKB, UUB, LAB, [Tartu UB]

GRATULATIO

Pietate et Doctrina Ornatissimo Dn.

PERORANTI.

MARTINUS IOHANNIS HORNICC,

Per Anag.

HINC IN CHRISTO ANIMUS: ORNA.

 

                        HINC IN CHRISTO ANIMVS vigil adsit: Civis, amicam

                                    O ORNA Patriam! fama superstes erit.

In felix omen app.

LAVRENTIVS LVDENIVS, PH.

et I.V.D. ac Professor.

 

45. Adr: Martinus Johannis Hornick – Aut: Petrus Laurentii Schonbergius (cf. 44)

SKB, UUB, LAB, [Tartu UB]

GRATULATIO

            MARTINVS IOHANNIS HORNIGK ABOGIENSIS:

Per Anag:

IIS NONNE KARTHAGO HOMINIBVS? SIGNARIS!

 

           


                                   KARTHAGO Civitas, IIS

                                               Olim Viris excelluit

                                   O NONNE Civibus, bonis

                                               Qui Legibus beati erant?

                                 5            Sic est: Adhuc per Seculum

                                               (Laus dicta nostro sit Deo)

                                               Artis Chori tenerrimae

                                               Exstant, honorum et gaudia;

                                               Exstent asylum Candidis,

                                 10          Terror malis; diu sient

                                               Vrbes piae, leges Sacrae.

                                               MARTINE, Musa dextime

                                               Promit tua haec conamine.

                                               Opus pium: Laus est tua:

                                 15          SIGNARIS ergo laudibus

                                               Post hos labores plurimos.

                                               Corona abhinc SIGNABERIS

                                               Semper virente! Vivito.


Contubernali suo Svavissimo

app.

Petrus Laurentij Schonbergius,

OstGothus.

 

46. Adr: Martinus Johannis Hornick – Aut: Georg Hornick (cf. 44)

SKB, UUB, LAB, [Tartu UB]

GRATULATIO

MARTINUS JOHANNIS HORNIGC,

Per Anag.

IN MAGNIS NASCITUR HONOR: I![10]

 

                        Qvisne adversetur merito? si dixero, MAGNUS

                                    NASCITUR IN MAGNIS rebus amatus HONOR.

                        IN Martis rebus, vera est sententia nostra,

                                    Namque IN ijs rebus NASCITVR almus HONOR:

            5          IN mercatura vera est sententia nostra;

                                    Nam mercatori redditur amplus HONOR:

                        Quid referam artifices? vera est sententia nostra.

                                    Cultor et agrorum, dives honore venit.

                        Quis vitio vertet? juvenem si dixero Phoebi

            10                    Artibus addictum plurimo HONORE frui?

                        Res, MARTINE, urges, loqueris dum de utilitate

                                    Civili: ti ergo redditur amplus HONOR.

                        Non gressum sistas; I consociare Camoenis

                                    Dulcibus; et meritus te remanebit HONOR.

Fratri Germano fraterne

adje.

Georgius Hornick.

 

47. Adr: Martinus Johannis Hornick – Aut: Jonas Pauli Spinck (cf. 44)

SKB, UUB, LAB, [Tartu UB]

GRATULATIO

                        Civis es: elogium civilis et aemulus orbis

                                    Concinne instituis, Civicum et eloquium.

                        Comprecor inde pie, tibi belle in secula cedat:

                                    Nominis ac crescat, Numine dante, nitor.

Politioris literaturae Amico

vovit

IONAS PAVLI SPINCKIVS,

Bothniensis.

 

48. Adr: Jonas Nikolai Katt – Aut: Laurentius Ludenius (Oratio de persona, officio et beneficiis Domini et Salvatoris nostri Jesi Christi: quam, /.../ in Regia Academia Gustaviana, quae Dorpati /.../ est  /.../ ipso die Parasceves anno 1642. publice /.../ enarrabat Jonas Nicolai Katt, /.../ - Dorpati, 1642: Typ. acad.)

SKB, UUB, H, [Tartu UB]

GRATULATIO

Doctissimo et Ornatiss. Dn. Peroranti.

JONAS NICOLAI CATT:

Per Anag.

INCOLA CASTI, NATIO.

 

                        INCOLA CASTI animi pia NATIO Gothica surgit:

                                    Vsque decus CASTI surge; beatus eris.

In felix omen ap.

LAVRENTIVS LVDENIVS PH. et

J.V.D. ac Professor.

 

49. Adr: Jonas Nikolai Katt – Aut: Petrus Caroli Undenius (cf. 48)

SKB, UUB, H, [Tartu UB]

GRATULATIO

                        Ingenium felix, mi JONA o docte, Prometheus

                                    Finxit, et acre tibi de meliore luto.

                        Disseris, ut discas in amore quiescere Christi:

                                    Dum inquis, quod pura Virgine natus homo est.

5          Postmodo lethiferae mortis data fata subivit;

                                    Coeli ut aperta foret janua clausa prius.

                        Clausa prius vetito primaevae crimine matris,

                                    Quae malo nobis attulit omne malum.

                        Hic maneat semper noster Servator ubique.

10                    Insertosque sibi nos sacra dextra tegat.

                        Gratulor hincce tibi, precor adsit ubique Iehova,

                                    Qui regit arbitrio cuncta creata suo:

                        Atque tuos dulces conatus usque secundet:

                                    Et veniant coeptis prospera fata tuis.

Amico Animo, et gratulabundo

calamo fudit

Petrus Caroli Undenius,

W-Gothus.

 

50. Adr: Jonas Nikolai Katt – Aut: Petrus L. Schonbergius (cf. 48)

SKB, UUB, H, [Tartu UB]

GRATULATIO

JONAS KATT.

Per Anag. pro K sumpto C.

TANTA SCIO.

 

                        Putrida gustarunt praelauti mala parentes;

                                    Posthuma quo proles sat grave vulnus alit.

                        Quisque suos rexit gressus, erravimus omnes;

                                    Qui fecit rectum, nullus in orbe fuit.

            5          Indigus omnis erat medici! sub sole repertus

                                    Saucia nemo potens membra levare malo.

                        Coelitus exoritur Medicus, vitaeque Magister,

                                    Filius ille Dei, Virgine natus homo.

                        Effuso cujus crucis en lucramur in ara

            10                    Sangvine vitam, hinc et coelica porta patet.

                        TANTA SCIO; laetor, nunc Christi Sangvine puri:

                                    Laetetur JONAS, noscere TANTA bona.

Festinanter app.

Petrus L. Schonbergius,

O-Gothus.

 

51. Adr: Jonas Nikolai Katt – Aut: Olaus Nicolai Bergius (cf. 48)

SKB, UUB, H, [Tartu UB]

GRATULATIO

                        Ut sterilis semper, si non renovatur aratro

                                    Assiduo, remanet fertilis omnis ager:

                        Ut sentit vere cariem rimisque dehiscit,

                                    Si qua diu solitis cymba vacabit aquis:

            5          Sic hominis constat multum sterilescere vitam

                                    Quae Domini Christi non meditatur opus.

                        Cordi, mi IONA NICLAI, haec usque repone;

                                    Verba sacrata Dei, mente revolve tua.

                        Pabula surgent hinc, spirantque alimenta salutis;

            10                    Lautitiae insignes, queis recreatur homo.

                        Impiger id facies, pandendo verbula viva,

                                    Quae patrio Christus protulit ipse sinu.

                        Gratulor ergo tibi, gracili tenuique Camoena,

                                    Proficias studio dexteriore precor.

Amoris ergo apponere voluit

Olaus Nicolai Bergius,

Smolandus.

 

52. Adr: Christophorus Kühnius – Aut: Laurentius Ludenius (Disputatio de historiarum cognitione: quae, /.../ Academia Gustaviana, quae Dorpati /.../ est /.../ die < > Aprilis, anno 1642.  publice /.../ disputationis exercitio committebatur, praeside Laurentio Ludenio, /.../ respondente Christophoro Kühnio, /.../ - Dorpati Livonorum, 1642: Lit. acad.)                                                               EAB (def), [Tartu UB]

GRATULATIO

Doctissimo et Ornatissimo

Dn. RESPONDENTI.

CHRISTOPHORUS CUNIUS:

Per Anag.

HUC, PRONUS HISTORICVS.

 

                         HVC referat genii curas et mentis acumen;

                                    PRONVS et ad laudem veneris HISTORICVS.

In felix omen app.

LAURENTIUS LUDENIUS,

Ph. et J.U.D. ac Professor.

 

53. Adr: Christophorus Kühnius – Aut: Jacobus Lotichius (cf. 52)

EAB (def), [Tartu UB]

GRATULATIO

CHRISTOPHORVS CVNIVS, SACROSANCTAE

THEOLOGIAE STVDIOSVS:

Per Anag.

HISTORICOS PVLCHROS AVDIVI, LEGI: HOS

VSV TERO AC SECO, GNAVVS INSTANS ATRO.[11]

 

                        Audijt Historicos pulchros, Legitque Quiritum

                                    CVNIVS Annales, praeteritosque modos.

                        Hos Vsu terit, hos secat, hos replicando tuetur;

                                    Hosti instans atro gnavus in arma ruit.

            5          Anchora fixa cubat. Clariae spes clara Minervae,

                                    CVNI, crede mihi, Phocide digna geris.

                        Vtpote Ephemerides, Veterum Monumentaque doctis

                                    Quid conducant, mens non nisi docta sapit.

Jacobus Lotichius.

 

54. Adr: Christophorus Kühnius – Aut: Michael Schultetus (cf. 52)

EAB (def), [Tartu UB]

GRATULATIO

                        Spectatus bello miles qui sudat in hasta,

                                    Qui non aestatis turbine fractus hiat,

                        Qui non acre gelu Boreae flatusque nivales

                                    Curat, pro patriae sed gerit arma focis:

            5          Hujus habent crines nitidam de fronde coronam,

                                    Quam summus Princeps illi in honore parat.

                        Sic tu qui constans regnorum publica jura

                                    Defendis, KVHNI, non sine laude facis.

                        Turba Novena dabit frondem, quam noster Apollo

            10                    Ipse gerit, quam non ignis et unda rapit.

                        Et pia posteritas famam deducet ad astra,

                                    Et laus perpetuo non moritura fluit[12].

L. Mque a<pposui>t

MICHAEL SCULTETUS,

Gorlicia Lusa

 

55. Adr: Christophorus Kühnius – Aut: Martin Jemerling (cf. 52)

EAB (def), [Tartu UB]

GRATULATIO

                        Qvi, veterum annales memorat, secreta recentis

                                    Temporis et referat, Nomen ad astra vehit.

                        Hinc ego nil dubito, KVHNI doctissime, laurum

                                    Quin tibi florentem summus Apollo paret.

            5          Claras ingenij dotes disponis in arte

                                    Historica, volvens sedulitate libros.

                        Perge velut pergis; conscendes culmina Pindi:

                                    FIAT, cordicitus lingua manusque vovet.

MARTINI JEMERLINGII,

Stendalia March.

 

56. Adr: Christophorus Kühnius – Aut: Laurentius Ludenius (Disputatio theologica in caput quintum a v. 1 usque ad v. 24. D. evangelistae Iohannis selectissimas notas exhibens in Regia Academia Dorpatensi publicae censurae subjicietur, praeside Andrea Virginio, /.../ respondente Christophoro Kuhnio, /.../ die <22.> April. /.../ - Dorpati Livonorum, 1642: Lit. acad.)                        Västerås StB, BRAN, EAB, [Tartu UB]

GRATULATIO

Doctiss. et Humaniss. Dn.

RESPONDENTI.

CHRISTOPHORUS CUHNIUS:

Per Anag.

OH! HINC PRO USU CHRISTUS.

 

                        Pro mundanarum rerum USU, tempus in omne

                                    HINC, OH! sit CHRISTUS Vita Salusque mea.

In felix omen app.

Laurentius  Ludenius,

J.U.D. et Professor.

 

57. Adr: Christophorus Kühnius – Aut: Jacobus Lotichius (cf.56)

Västerås StB, BRAN, EAB, [Tartu UB]

GRATULATIO

                        Uvidis quondam redimite Bacche,

                        Pampinis, rorantibus et racemis:

                        Ut refroenas Pegasidum liquores

                                                Atque calores?

            5          Diva coelestis, PIETAS, superbit.

                        Cernis, ut cervice vagetur alta,

                        Et DEO nostro officiosa laudes

                                                Vsque refundat.

                        Inde nunc Palmam PIETAS meretur,

            10        Inde Laurum VIRGINIDES meretur,

                        Inde Laudem KUHNIADES meretur,

                                                Bacche resulta!

Properanter promebat

Jacobus Lotichius.

 

58. Adr: Christophorus Kühnius – Aut: Michael Schultetus (cf. 56)

Västerås StB, BRAN, EAB, [Tartu UB]

GRATULATIO

                        Materia e tanta dum disseris, atque refutas

                                    Dogmata falsa, recens laus tua semper erit.

                        Rem facis ingenij docti conamine dignam,

                                    Quamque probat dignis dexter Apollo modis.

            5          Perge ita: Pieriis numeris tua gloria crescet:

                                    Ingenium vivet, Fama superstes erit.

Sic contubernali suo

Gratulab.

MICHAEL SCULTETUS, LL. Stud.

 

59. Adr: Christophorus Kühnius – Aut: Laurentius Ludenius (Oratio theologica de restitutione hominis: quam, /.../ in Regia Academia Gustaviana, quae Dorpati /.../ est  /.../ ipso die Viridium anno 1642. publice et memoriter /.../ enarrabat Christophorus Künius, /.../ - Dorpati, 1642: Typ. acad.)                        UUB, H, EAB, [Tartu UB]

GRATULATIO

Doctissimo et Ornatissimo

Dn. PERORANTI.

CRISTOPHORUS CÜNIUS:

Per Anag.

HUC PIUS; CHRISTUS HONOR.[13]

 

                        HUC PIUS approperet, se CHRISTO jungat JËSU:

                                    CHRISTUS noster HONOR; Deliciosus HONOR.

In felix omen app.

LAURENTIUS LUDENIUS, PH. et I.U.D. ac Professor.

 

60. Adr: Matthias Lauterbach – Aut: Laurentius Ludenius (Oratio in salutiferam passionem Domini et Salvatoris nostri Jesu Christi: quam /.../ in Regia Academia Gustaviana, quae Dorpati est /.../ ipso die Parasceves, anno 1642. publice /.../ enarrabat Matthias Lauterbach, /.../ - Dorpati Livonorum, 1642: Typ. acad.)

SKB, UUB, H, LNB, [Tartu UB]

GRATULATIO

Doctiss. et Humaniss. Dn. Peroranti.

MATTHIAS LAUTERBACHIUS:

Per Anag.

ALTA VITA! CHRISTUM HABES.

 

                        In Cruce nil clausum: ipsa patent tibi Viscera Christi.

                                    VITA ALTA est, CHRISTUM semper amanter HABES.

In felix omen ap.

LAVRENTIVS LUDENIUS, PH.

et  I.V.D. ac Professor.

 

61. Adr: Matthias Lauterbach – Aut: Andreas Bergius (cf. 60)

SKB, UUB, H, LNB, [Tartu UB]

GRATULATIO

MATTHIAS LAUTERBACHIUS

Per Anag.

HAS, CHRISTI LAVAT, BEATUM.

 

                        Inseruit Genitor quas ipsa ab origine sordes

                        HAS roseus sangvis manans e vulnere CHRISTI

                        Abstergitque LAVATque Renatum rite BEATVM

                        Reddit, et aethereo Civem transcribit Olympo.

            5          Quae dum perpendis, pulcro dicisque labore,

O bene ter felix, o terque quaterque BEATVS.

ANDREAS BERGIUS,

Wesmannus.

 

62. Adr: Ericus Petri Lerbeckius – Aut: Laurentius Ludenius (Oratio de sacrorum Bibliorum meditatione: quam, /.../ in Regia Academia Gustaviana, quae Dorpati /.../ est  /.../ die 29. Januarij anno, 1642. publice /.../ enarrabat /.../ Ericus Petri Lerbeckius, /.../ - Dorpati Livonorum, 1642: Lit. acad.)SKB, UUB, H, BRAN, EAB, [Tartu UB]

GRATULATIO

Claritate, Doctrina et Humanitate Conspicuo

Dn. Peroranti.

M. ERICUS PETRI LERBECCIUS:

Per Anag.

SIC RE CUM PIIS CELEBRETUR.

 

                        Concedente Deo; SIC, o Praeclare Magister,

                        Alta RE labor hac ingens exactus in arte est!

                        Cum Musis sine fine PIIS CELEBRETUR: et usque

                        Illustretur Honos CHRISTI. Tua Fama triumphet.

In felix omen app.

LAURENTIUS LUDENIUS, PH. et I.U.D.

Poë. Cor. et profess.

 

63. Adr: Jacobus Lotichius – Aut: Laurentius Ludenius (Oratio de poetica: quam, /.../ in Regia Academia Gustaviana, /.../ die 4. Junij, anno 1642. publice /.../ enarrabat Jacobus Lotichius, /.../ - Dorpati, 1642: Typ. acad.)  SKB, H, LAB, [Tartu UB]

GRATULATIO

Doctissimo, et Humanissimo Dn.

PERORANTI.

JACOBUS LOTICHIUS:

Per Anag.

HIC OCULUS IBAS, ITO.

 

HIC MVSARVM IBAS OCVLVS, Divine Poëta;

Musarum ITO OCVLVS semper amabiliter.

In felix omen app.

LAURENTIUS LUDENIUS,

PH. et J.U.D, ac Profess.

 

64. Adr: Jacobus Lotichius – Aut: Laurentius Ludenius (Exercitatio de futurorum meditatione: quae, /.../ in Regia Academia Gustaviana, quae Dorpati /.../ est  /.../ die 9. Julij, anno 1642. publice /.../ disputationis exercitio committebatur, praeside Laurentio Ludenio,  /.../ respondente Jacobo Lotichio, /.../ - Dorpati Livonorum, 1642: Lit. acad.)                                                                                 UUB, Västerås StB, [Tartu UB]

GRATULATIO

Doctiss. et Humaniss. Dn. Respondenti.

JACOBUS LOTICHIUS:

Per Anag.

HIC LOTUS, I SUB OCIA.

 

HIC Aganippaeis constanter LOTUS in undis,

I SUB piae Vitae OCIA.

in felix omen appon.

Laurentius Ludenius, PH. et

J.V.D. ac Professor.

 

65. Adr: Jacobus Lotichius – Aut: Johannes Georgii Gezelius (cf. 64)

UUB, Västerås StB, [Tartu UB]

GRATULATIO

JACOBUS LOTICHIUS RIGENSIS:

¢nagrammatizÒmhnoj;

CHARUS ES, UBI SIS LOCI IGNOTI.

 

Multum oculi ut clari sensus reliquos superare

Possunt: Virtutum est sic Sapientia honor:

                        Quid justus studio, vel quid Xerxes valet armis,

                                    Dum Prudentia abest? Sane opus omne cadet.

            5          Hinc Tu ut de specula conaris, docte LOTICHI,

                                    Pectus fonte sacro rite rigare tuum;              

            Quo venias quondam Prudentum Consiliorum

                                    Inventor, Patriae ac Gentibus utilior.

                        SIS LOCI VBI IGNOTI, tamen ES bene CHARVS ubique:

            10                    Non Siculae Nymphae fallere te poterunt.

                        Sis felix; Vivas Patriae, Charis et Amicis;

                                    Cumaeos valeas dexter ubique dies.

TÁj fil…aj¢nupokr…ton žneken œgr.

M. Johannes Georgij Gezelius

Wesmannus.

 

66. Adr: Jacobus Lotichius – Aut: Nicolaus Psilander (cf. 64)

UUB, Västerås StB, [Tartu UB]

GRATULATIO

JACOBVS LOTICHIVS RIGENSIS:

Per Anag.

CHLORIS SIBI JVNGET, SI VOCAS.

 

Ecquid, LOTICHI, vis meditarier

Quae sint futura, haud rite hodierna habens?

                                    Prudentiam prodis tuam dum

                                    Talia sunt animo tuo apta.

            5          Sane Enthea est mens; Gratus eris Dijs,

                        CHLORIS SIBI et te JUNGET amoribus,

                                    SI illam VOCAS; tempusque tecum

                                    Fallere destinat in lepore!

Quod praepropere adjiciens gratu-

labundus vov.

Nicolaus Psilander,

Smolandia-Svecus.

 

67. Adr: Andreas Megalinus – Aut: Johannes Erici Stregnensis (Disputatio physica de mundo: quam /.../ in Regia Academia Gustaviana, quae Dorpati est /.../ die 12. Mart. anno 1642. /.../ sub praesidio /.../ Johannis Erici Stregnensis, /.../ submittebat Andreas Megalinus /.../ author et respondens. – Dorpati Livonorum, 1642: Lit. acad.)

SKB, UUB, [Tartu UB]

GRATULATIO

 

Praestantissimo, Humanissimo, literis et moribus conspicuo Viro-Iuveni,

Dn. ANDREAE MEGALINO, thesium

harum Authori doctissimo, ita gratulari voluit.

 

Impiger Aonidum, MEGALINE, athleta Palestrae,

Splendida conscendis pulpita Palladij,

                        Egregie Physices tu jam scrutaris abyssos,

                                    Et miris mulces pectora docta modis.

            5          Demonstrans quid sint magni praecordia mundi,

                                    Quae terrae facies, quae faciesque maris.

                        Describis formam quae sit Coelique Solique,

                                    Quique utriusque locus, quique utriusque situs.

                        Dum varios carpis per amoena rosaria flores,

            10                    Cernitur ingenij visque vigorque tui.

                        Ergo ceu pergis, pergas decurrere cursum,

                                    Et cursu exacto pulchra brabea feres.

M. JOHANNES E. STREGNENSIS,

Astronom. et Phys. P.P.

 

68. Adr: Johannes Petrejus – Aut: Andreas Virginius (Regni Poloniae historia: quam, /.../ in Regia Academia Gustaviana, quae Dorpati /.../ est /.../ die 18. Maji, anno 1642. publice /.../ enarrabat Johannes Petrejus Junecopinus, /.../ - Dorpati, 1642: Typ. acad.)

SKB, UUB, Växjö LB, BRAN, LNB (def), [Tartu UB]

GRATULATIO

Doctiss. et Ornatiss. Dn. Peroranti.

 

Sic nulla Historiam res utilitatibus aequat,

Praeteritos quae sola annos et tempora nobis

Suggerit; et replicat quicquid longaeva vetustas

Actorum involvit tenebris, mergitque profundo.

            5          Perge, pios animos lingva vincire diserta,

                        Et nova cura ratas meditando proferet Artes.

G. s.

ANDREAS UIRGINIUS, Nob. Pomer.

SS. Th. D. et Professor primarius, ac

Protosynedrij Adsessor, et pro t.

Rector Magnificus.

 

69. Adr: Johannes Petrejus – Aut: Laurentius Ludenius (cf. 68)

SKB, UUB, Växjö LB, BRAN, LNB (def), [Tartu UB]

GRATULATIO

IOHANNES PETREIVS IVNECOPINVS:

Per Anag:

PIVS ANNITENS, IN HOC OPERE VIVES.

 

                        SIC PIUS ANNITENS OPERE HOC efferre Potentum

                        Acta Polonorum; bene IN HOC per secula VIVES.

In felix omen vov.

LAVRENTIVS  LVDENIVS, PH.

et I.V.D. et Professor.

 

70. Adr: Johannes Petrejus – Aut: Johannes Georgii Gezelius (cf. 68)

SKB, UUB, Växjö LB, BRAN, LNB (def), [Tartu UB]

GRATULATIO

Te juvat Aonidum studio invigilare, PETREIE,

Ac varias Leges, et mores noscere et artes

Regnorum; quae Equitum turmas Peditumque phalanges

Sensere in Campis, ubi Cominus, eminus hostis

5          Cernitur; instructaque acie cataphractus in armis.

            Sicque statuta refers REGUM, sic fortia facta.

            Gratulor inde tibi, quia nec sitis Hippocrenes

            Nec te sacra fames auri tenet, Austripetarum

            Nautarum votum nec te juvat, aut premit usque;

10        Sed juvat Aonidum sacris, PETREIE, litare.

            Doctrinae solidae Tu sedulitatem, et amicam

            Omnibus optatam Concivibus integritatem,

            Et mihi candorem syncerum huc usque probasti.

            Unde tuum nomen longo jam tempore nostrae

15        Militiae innotuit, studiumque probataque virtus.

y»fou leukÁj›neka

Amico meo syncere dilecto

scribebam

M. Johannes Georgij Gezelius.

 

71. Adr: Johannes Petrejus – Aut: Nicolaus Psilander (cf. 68)

SKB, UUB, Växjö LB, BRAN, LNB (def), [Tartu UB]

GRATULATIO

                        Scilicet hoc certum virtutis stat documentum;

                                    Scrutari ritus, priscaque secla[14] virum.

                        Non tantum Arctoam Non JANNES, Nemesin, volvisti

                                    Ponere in aprico; ast ad Peregrina et abis.

            5          Regale a Fatis quoties diadema Polonis

                                    Mutatum est, monstras ordine perfacili.

                        Est Labor hic cunctis, qui ardent virtutis amore

                                    Usque placens; Almae tu hinc Themidi atque places.

In felix omen

app.

Nicolaus Psilander

 

72. Adr: Johannes Petrejus – Aut: Laurentius Ludenius (In abitum /.../ Johannis Petreji Junecopini, Smol. Sveci, LL. St. /.../ e Regia Universitate Gustaviana, quae Dorpati /.../ est /.../ die 22. Maji, anno 1642. in patriam Sveciam discedentis, quaevis fausta et prospera precantur Musae Embecciades. – Dorpati, 1642: Typ. acad.)

SKB (def), UUB, Lund UB, [Tartu UB]

PROPEMPTICON

JOHANNES PETREJUS JUNECOPINUS:

Per Anag.

CHRISTE, PIOS UNIS: VENI, OPE ANNUE.

 

                        QUI, pie CHRISTE, PIOS[15] UNIS: VENI, OPE ANNUE coeptis:

                                    Tecum Vita venit; Te sine, Vita perit.

In felix iter app.

LAVRENTIVS LVDENIVS, PH.

et J.V.D. ac Professor.

 

73. Adr: Johannes Petrejus – Aut: Andreas Megalinus (cf. 72)

SKB (def), UUB, Lund UB, [Tartu UB]

PROPEMPTICON

Ut patrijs Iacob Laribus valedixit inanis

Omnium opum, pedum habens:

Et redijt Turbam in numerosam multiplicatus,

Velliferisque frequens;

5          Sicce tuam Patriam liquisti, Docte IOHANNES,

Difficili genio:

                        At repetis gressus, resalutas rura Penatum

                                    Perfacili Genio.

                        Nunc voveo querulo tibi eunti pectore Fratri

            10                    Angelicos comites,

                        Hinc vivas Patriae, Matri, vivas et Amicis,

                                    Te olim habeamque hilaris.

Hoc voto Fratrem suum dimittit

Andreas Megalinus

Agundarydensis.

 

74. Adr: Johannes Petrejus – Aut: Andreas Matthiae <Torpensis> (cf. 72)

SKB (def), UUB, Lund UB, [Tartu UB]

PROPEMPTICON

Ingenuus Juvenis Jason de stemmate natus

Graeco, laudatur quod non trepidarit abire,

Ut caperet[16] nitidi vellera pulcra capri

Soeva pericla.

            5          Velleris haud albi; ast Musarum ductus amore

                        Non formidasti varijs te exponere damnis

                        Frigoris ac aestus, ferre paratus onus

                                                            Et Maris undas.

                        Retro solum patrium repetenti cuncta serenet

            10        Astripotens, qui cuncta regit, TERRAM, MARE, Olympum.

                        Det Faciles cursus: Nomine avere meo

                                                            Dic et Amicis.

His Contubernalem Iucundiss. et Fratrem

fideliss. dimittere voluit

ANDREAS MATTHIAE TORPENSIS.

 

75. Adr: Johannes Petrejus – Aut: Nicolaus Psilander (cf. 72)

SKB (def), UUB, Lund UB, [Tartu UB]

PROPEMPTICON

JOANNES PETREJVS JVNCOPINVS:

Per Anag:

SVPERI ANNVENT. EOS VINCO PIIS.

 

Qui rite supputaverit Camoenarum

Justas querelas; qui et laboribus certum

Signaverit modum, haud puto invenitur: Nam,

Sithon Nives mittit subinde; flagrantem

            5          Aestumque Sirius; subinde paupertas,

                        Sitis, famesque debiles retardant; Hinc

                        Dolosa fercula apparat Pyreneus; Sic

                        Scio hos labores esse multiformes; Vah!

                        SUPERI ANNUENT; votis PIIS EOS VINCO; Et

            10        Ventura spero erunt Beatiora olim.

NICOLAVS PSILANDER

 

76. Adr: Johannes Petrejus – Aut: Petrus Trottonius (cf. 72)

SKB (def), UUB, Lund UB, [Tartu UB]

PROPEMPTICON

Siccine fert animus, Themidos Studiose IOHANNES,

Pallados et Soboles, Dorptas jam linquere Musas?

Et Patriam gestis charam nunc visere terram?

I, quia te Pia fata vocant, i nunc pede fausto

5          Per mare, per terram ad patrias feliciter aedes!

                        Supremus salvum ducat te Rector Olympi,

                        Quo salvum videat[17] tua te dulcissima Mater!

                        Comprecor haec animis[18]. O suavis Amice valeto!

Ita animo et calamo Amicum suum

concomitari voluit

Petrus Trottonj.

 

77. Adr: Johannes Petrejus – Aut: Andreas Flojerus (cf. 72)

SKB (def), UUB, Lund UB, [Tartu UB]

PROPEMPTICON

Vesta soluta Nive est, curat vitemque Priapus:

Cum Nymphis ducit Gratia nuda choros.

Gutture nunc querulo volucres modulantur Amores,

Chare et tu JANNES, poscis abire procul!

5          En gemitus cieo; Lachrymas funduntque Camoenae

                                    Nostrae Embecciades, candida fletque Themis.

                        Sed quid? propositos gressus moderetur Jësus,

                                    Termino ut obtento munera grata feras.

                        Acceptus[19] venias Cognatis atque Propinquis:

            10                    Nunc Valeas, Vigeas; sit facile hoc et iter.

Ita abeuntem Dn. fratrem, amicum et Con-

terraneum praesequi volebat

Andreas Flojerus.

 

78. Adr: Johannes Petrejus – Aut: Petrus Betulander (cf. 72)

SKB (def), UUB, Lund UB, [Tartu UB]

PROPEMPTICON

Mellis apes cupidae, procul hinc per prata recedunt;

Vt redeant gravidae melle, repente domum.

Sic per Musarum tu tempe, JANE, volasti

In Patriam ut Themidos melle repletus eas.

5          Svave mihi fueras mel, dilectum et mel amicis:

Ergo bonis avibus prosper ubique Vale.

Sic animitus vovebat

PETRVS BETVLANDER.

 

79. Adr: Johannes Petrejus – Aut: Johannes Uraeus (cf. 72)

SKB (def), UUB, Lund UB, [Tartu UB]

PROPEMPTICON

Nunc Dorpatenses Musas tu linquis, Amice,

Atque Lares patrios visere rite cupis.[20]

Vita Beata alijs passim, moresque probentur,

Atque Bonis placeas, displiceasque malis.

            5          Sic nulla[21] obvenient bene doctae incommoda menti,

                                    Sed charus, cunctis gratus et Hospes eris.

                        Jam quia nil aliud restat, quam vota precesque

                                    Syncero fusas pectore fundo preces:

                        Te Salvum ducat Christus Salvator Jësus,

            10                    Quo melius coeptum perficiatur iter.

Abeunti suo Amico faciebat

Johannes Vraeus,

Smol. Svec.

 

80. Adr: Johannes Petrejus  – Aut: Carolus Jonae Ruberus (cf. 72)

SKB (def), UUB, Lund UB, [Tartu UB]

PROPEMPTICON

Eheu! Fama refert, PETREIVM linquere velle

Moenia Dorpati: Quid modo tristis agam?

Debeo num tristis suffundere lumina rore?

Debeo num lachrymis ora rigare datis?

            5          Nam quod discedit PETREJVS sympatriota,

                                    Pectore concipio nil nisi triste meo!

                        Indoleo certe sic quod discedere gestit,

                                    Et pariter mecum Dorptica Musa gemit!

                        Quem Themis edocuit; proprios cui spondet honores

            10                    Eunomia, et Charites certa brabea vovent;

                        Ille procul nostris jam nunc discedit ab oris:

O utinam nostro hinc esset in orbe redux!

                        Sed sit iter felix! veniat mutatio felix:[22]

                                    Sit locus hinc felix: Cuncta beata[23] fluant.

Ita ap.

Carolus Jonae Ruberus.

 

81. Adr: Johannes Petrejus – Aut: Faderus Uraelius (cf.72)

SKB (def), UUB, Lund UB, [Tartu UB]

PROPEMPTICON

Ipsa apis, aestatis ceu tempore dulcia mella

Congerit; ut teneat[24]; brumae lautissima fercla:

Tempore sic tenerae, doctissime Iunecopine,

Aetatis, doctrinae animum bene melle refarcis,

5          In Patria ut noscat victum ventura senectus.

                        Vt salvus redeas, salvos cernasque Penates,

                        Id calidi rogito cordis penetralibus imis.

Contestandae infucatae Amicitiae gratia apposuit

FADERVS VRAELIVS,

Smol. Svecus.

 

82. Adr: Johannes Petrejus – Aut: Johannes Anberg (cf. 72)

SKB (def), UUB, Lund UB, [Tartu UB]

PROPEMPTICON

Dic, mea Musa, mihi, quare suspiria ducas?

                                    Quis casus? vel quae causa doloris adest?

                        Quid casus quaeras? et quae sit causa doloris?

                                    Nescis PETREJVM quaerere tecta patris?

            5          Desiste his rugis faciem turpare decoram:

                                    Fac abeat, Themidos voce docebit ibi.

                        Dic, i felici pede, carpe viam amne secundo,

                                    Et Musis promptus adesto manu.

JOHANNES Anberg / Smol. Svecus.

 

83. Adr: Johannes Petrejus – Aut: Laurentius Lohm (cf. 72)

SKB (def), UUB, Lund UB, [Tartu UB]

PROPEMPTICON

JANE, nostrum[25] Palladium relinquis?

Ad solum[26] tendis patriae cupitae?

Meque post[27] tergum properas relicto,

Dulcis Amice?

5          Non voluntati licitae[28] resistam?

                        Arbitrum verum precibus movebo; ut

                        Det viam tutam, placidumque ventum! hinc

                                                                        Prosper aveto.

Sic Sympatriotae suae medullitus

amando vovebat

Laurentius Lohm /

Smol. Svecus.

 

84. Adr: Haquinus Magni Platinus – Aut: Johannes Erici Stregnensis (Disputatio physica de coelo; quam, /.../ in Regia Academia Gustaviana, quae Dorpati /.../ est  /.../ sub praesidio /.../ Johannis Erici Stregnensis, /.../ publice ventilandam exhibet Haquinus Magni Platinus, /.../ author et respondens /.../ ad diem 30. April. /.../ - Dorpati Livonorum, 1642: Lit. acad.)                SKB, UUB, Lund UB, [Tartu UB]

GRATULATIO

In Honorem

Praestantissimi atque Humanissimi

Dn. HAQVINI MAGNI PLATINI,

thesium harum Authoris doctissimi, ita scripsit:

 

Terrenus non totus Homo, pars altera Coelum,

Respicit, inde Solo MAGNUS et esto Polo.

M. JOHANNES ERICI STREGN.

Astronom. et Phys. P.P.

 

85. Adr: Haquinus Magni Platinus – Aut: Andreas Megalinus (cf. 84)

SKB, UUB, Lund UB, [Tartu UB]

GRATULATIO

Coelum subinde ut cingitur horridis

A nubibus, sic ingenium ardua

Caligine, ignorantiae atrae,

Plurimum ut evenit implicari:

            5          De Coelo, Haquine, at disseris acriter

                        Dum; longe abarces ingenio a tuo

                                    Caliginem ignorantiae. Arte

                                    Macte, bonis avibus veharis.

Apposuit animus et calamus

ANDREAE MEGALINI,

Smol. Sveci.

 

86. Adr: Haquinus Magni Platinus – Aut: Nicolaus Psilander (cf. 84)

SKB, UUB, Lund UB, [Tartu UB]

GRATULATIO

HAQVINUS MAGNI PLATINVS:

Per Anag.

IN HIS, QVAS JVNGVNT, PALMA.

 

IN curis HIS, QVAS JVNGVNT Musae, ardua PALMA

Svrgit; et assurgat candida PALMA Poli.

Nicolaus Psilander.

 

87. Adr: Nicolaus Psilander – Aut: Laurentius Ludenius (Disputatio practica de placido congressu et in specie de urbanitate et humanitate; quae, /.../ in Regia Academia Gustaviana, quae Dorpati /.../ est /.../ die 11. Junij, anno 1642. /.../ publice /.../ disputationis exercitio committebatur, praeside Laurentio Ludenio,  /.../ respondente Nicolao Psilandro, /.../ - Dorpati Livonorum, 1642: Lit. acad.)

UUB (def), [Tartu UB]

GRATULATIO

Doctissimo et Humanissimo Dn.

RESPONDENTI.

NICOLAVS PSILANDER:

Per Anag.

COR PSALLE DIVINANS.

 

COR bene DIVINANS, aeterno PSALLE Jehovae:

PSALLE probis docti Moribus ingenij.

In felix omen app.

Laurentius Ludenius, PH. et

J.V.D. ac Professor.

 

88. Adr: Nicolaus Psilander – Aut: Petrus Trottonius (cf. 87) UUB (def), [Tartu UB]

GRATULATIO

Pallados Ingenio Magnae pulcherrima proles,

Eusebiae cultor, tu deliciumque Sophorum,

PSILANDER, tibi conveniens Sors grata dicavit

Nomen, NICLAVS, dum audis, Victoria plebis

5          Optima, YILOS 'AN\HR, lingva corde et vir apertus.

<…>ses monstrant, quas dexteritate tueris.

                        Consveto pergas Studio defendere Honestum.

                        <…que> jocis ludisque VRBANVS, Vir quoque apertus;

                        <…>manus vincas populum; Sis usque Beatus.

Petrus Trottonius, Smoland. Sv.

           

89. Adr: Nicolaus Psilander – Aut: Haquinus Magni Platinus (cf. 87)

UUB (def), [Tartu UB]

GRATULATIO

NICOLAVS PETRI PSILANDER,

'AnagrammatizÒmenoj:

I! NVNC RE PSALLIS DEO PATRI.

 

Nomen habes pulchrum! Graeco de nomine, YI/LOS

                                    Est et 'ANHR; Docti Nominis ordo fluit.

                        Haecce virum ostendunt Syncerum et corde Fidelem,

                                    Cum quo tu in tenebris dinumerato nuces.

            5          Non vis esse tuum nudum vel Nomen inane:

                                    Testando ast factis Nomen et Omen habes.

                        Comitis officium, simul ac quo Urbanus haberi

                                    Quis possit, Thesibus quando docere paras.

                        I! NUNC RE PSALLIS PATRI DEO, et Omine laeto,

            10                    Una Filiolo, Pnšumati et inde Sacro.

                        Hinc tibi Musarum Chorus inclytus accinit ultro:

                                    Optat mille Soli, et gaudia mille Poli.

Haquinus Magni Platinus,

Smal. Svecus.

 

90. Adr: Nicolaus Psilander – Aut: Johannes Anberg (cf. 87) UUB (def), [Tartu UB]

GRATULATIO


                                   Amabilissimarum

                                   Charitum Chorus venustus

                                   Hic destinat Triumphum.

                                   Generi hinc suo invidendus

                           5            Facessat obstinatus

                                   Timon: Tumultum agrestis

                                   Davus ciens, procul sit.

                                   Aglaja nuda gestit,

                                   Ignara, Amica vincla

                           10          Disrumpere; Ast leporis

                                               Sale, optimas loquelas

                                               Ornare concupiscit.

                                               Sed Gratiae quid usque

                                               Ovant? Tuum requirunt

                           15          Consortium, Venuste

                                               PSILANDER? Atque amico

                                               Te optant Choro interesse?

                                               An sentient Amores?

                                               Nae sentiunt et ardent.

                           20          Harum Puell<ularum>

                                               Facetus Accius ceu

                                               Cum auram aucuparis, arcens

                                               Davum huncce turbulentum,

                                               Redamaberis; Perenni et

                           25          Nympharum Amore fotus,

                                               Pylij valebis annos.


Johannes Anberg

Smalandia Svecus.

 

91. Adr: Carolus Jonae Ruberus – Aut: Laurentius Ludenius (In octo libros Physic. Arist. perˆ tÁj fusikÁj ¢kro£sewj sive de naturali auscultatione disputatio quinta, continens nobiliores notas et quaestiones cap. 5. lib. 1. a text. 42. usque ad text. 50. quam in Regia Academia Dorpatensi /.../ proponit /.../ Johannes Erici Stregnensis, /.../ respondente Carolo Jonae Rubero, /.../ die 5. Novembris 1642. /.../ - Dorpati Livonorum, 1642: Lit. acad.)                                                                  H, [Tartu UB]

GRATULATIO

Doctis.  et Ornatiss. Dn. Respondenti.

CAROLVS RVBERVS:

Per Anag.

ROBVR, VSV CLARES.

 

Carole, Musarum ROBVR, sic divite CLARES

VSV: VSVs doctum fecerit Artificem.

In felix omen ap.

LAURENTIUS LUDENIUS,

J.U.D. et Profess.

 

92. Adr: Carolus Jonae Ruberus – Aut: Faderus Arvidi Uraelius (cf. 91)

H, [Tartu UB]

GRATULATIO

Qui Sophiae sacris, sudore operatur honeste;

Ipse operam cum spe divite rite locat.

CAROLE docte, theses doctas defendere pergis:

Tempus erit, quando commoda larga feret.

            5          Apprecor ex ima synceri pectoris arca,

                                    Vt vigeas, vireas, et bene proficias.

Moris et Amoris Ergo app.

FADERUS ARVIDI URAELIUS.

Smol. Svec.

 

93. Adr: Nicolaus Rundelius – Aut: Nicolaus J. Ramzius (In octo libros Physic. Arist. perˆ tÁj fusikÁj ¢kro£sewj sive de naturali auscultatione disputatio secunda, continens nobiliores notas et quaestiones a text. 6. usque ad text. 22. lib. 1. cap. 2. quam in Regia Academia Dorpatensi /.../ proponit et publicae disputationi subjecit /.../ Johannes Erici Stregnensis, /.../ respondente /.../ Nicolao Erici Rundelii  /.../ die < > M<aij> /.../ - Dorpati Livonorum, 1642: Lit. acad.)             SKB, H, [Tartu UB]

GRATULATIO

Praestantissimo, Humanissimo et Doctissimo

Dn. Respondenti

 

Saepius Amphion, strepitu testudinis alto

Exhilaret, quaevis dum bene chorda sonat:

Multorum pariter concinna voce Tigellus

Solatur pulcre, tristia corda virum:

            5          At mage RUNDELI, quod non venerabile Templum

                                    Deneget, exhilarat concio docta tua.

                        Insuper exacte Physicarum semina rerum

                                    Qualia, sic quae sint, nominitare potes.

O igitur felix RUNDELI es: Numen amicum

10                    Sentis: nec cessent tempora fausta tua.

Amico suo honorando ita grat.

M. NICOLAUS J. RAMZIUS.

 

94. Adr: Nicolaus Rundelius – aut: Jacobus Lotichius (cf. 93) SKB, H, [Tartu UB]

GRATULATIO

A dexteris stat Nympha coelitus nata,

Et a sinistris Nympha stat Sophis grata,

Nymphae voluptas veriusque RVNDELI,

Vtrinque te propter subinde certantes.

5          Haec te cupit, tuetur, et colit Nympha,

                        Et illa te tuetur, et colit Nympha.

                        Sed utriusque duplicas amorem; Dum

                        Cupis, tueris, et colis modo utramque.

                        Et inde Te cupiscit utraque, Haec, Illa,

10        Hinc inde Te propter subinde certantes.

                        Dic Vtra vincet? Haec, an Illa? Rem trado:

                        Nec Haecce te amittet, Nec Illa te perdet.

Jacobus Lotichius.

 

95. Adr: Nicolaus P. Russaeus – Aut: Nicolaus Psilander (Disputatio theologica in caput quintum a v. 31 usque ad finem D. evangelistae Iohannis selectissimas notas exhibens, in Regiae Academiae Dorpatensi publicae censurae subjicietur, praeside Andrea Virginio /.../ respondente Nicolao P. Russaeo, /.../ d. < > Jul. /.../ - Dorpati Livonorum, 1642: Lit. acad.)                                   Västerås StB, BRAN, EAB, [Tartu UB]

GRATULATIO

NICOLAVS PETRI RVSAEVS

Per Anag.

SPE VINCITVR LAEVA SORS.

           


                                   Athleta Christiane,

                                               Certamen esse inane

                                               Quereris tuum? Tremisque,

                                               Lachrymas cies, gemisque!

                                 5            Numne haec decent adultum

                                               Servum, virumque cultum

                                               Armis? Vicissitudo

                                               Sane Beatitudo

                                               Non est; Tamen monebit

                                 10          Nos quae haec sit, et docebit,

                                               Sic, Christiane miles

                                               RUSAEE, habeto viles,

                                               Qui te manent dolores

                                               Et plurimi labores.

                                 15          Est blandus hicce luctus;

                                               Melioris ecce fructus

                                               SPE, LAEVA VINCITUR SORS,

                                               Et soeva vincitur mors.

                                               Via hinc et has cupita

                                 20          Dabitur beata vita.


G. f.

NICOLAVS PSILANDER.

 

96. Adr: Petrus Laurentii Schonbergius – Aut: Laurentius Ludenius (Disputatio politica de praxi negotiorum, quae domi tractantur, quoad imperia: quae, /.../ in Regia Academia Gustaviana, quae Dorpati /.../ est /.../ die 20. August. anno 1642. publice /.../ discursus exercitio committebatur, praeside Laurentio Ludenio,  /.../ respondente Petro Laurentii Schonbergio, /.../ - Dorpati Livonorum, 1642: Lit. acad.)

SKB, [Tartu UB]

GRATULATIO

Doctiss. et Humaniss. Dn. Respondenti.

PETRUS SCHONBERGIUS;

Per Anag.

CHRISTUS, PERGE, BONUS.

 

Dirigitur, bene disce, pium quo fine beatum:

CHRISTVS, PERGE, BONVS coepta juvabit ope.

In felix omen ap.

Laurentius Ludenius, PH. et

I.V.D. ac Professor.

 

97. Adr: Petrus Laurentii Schonbergius – Aut: Andreas Bergius (cf. 96)

SKB, [Tartu UB]

GRATULATIO

PETRVS SCHONBERGIVS;

Per anagram.

PROBVS ES, HINC SVRGET.

 

PETRE novenarum pulchrum decus usque Sororum,

Gratis qui  in studijs fertile pectus alis:

ES PROBUS, atque probe Celsa de sede Cathedrae,

Ingenua nosti solvere mente plicas.

5                    Perge, velut pergis: non scindes littus aratro:

                                    SURGET et HINC bona sors, SURGET et HINC mera laus.

Ad contestandum infucatum amorem

apposuit

Andreas Bergius, Wesman.

 

98. Adr: Petrus Laurentii Schonbergius – Aut: Bartholomaeus G. Cardiaster (cf. 96)

SKB, [Tartu UB]

GRATULATIO


                                   Celsum bicorne culmen,

                                   Quod incolunt Sorores

                                   Apricum amant amoenum;

                                   Phoebi in serenitate

                           5            Illis placet cubare

                                               Quid ergo, amori earum

                                               Jurate PETRE, curas

                                               Domesticos labores?

                                      Num deseris Puellas?

                                 10          Non: Ast tuus sub umbra

                                           Domestica labor sit

                                           Gratus Deabus istis.

                                           Hinc laetor, atque grator

                                           Tibi, tuisque pulcris

                                 15          Conatibus: Beatum

                                           Studia exitum sequantur.


Fratri et Contubernali suo dilecto

ita gratulari voluit

Bartholomaeus G. Cardiaster

Raumannus.

 

99. Adr: Michael Schultetus – Aut: Laurentius Ludenius  (Discursus de praxi politica in exercitiis militaribus: qui, /.../ in Regia Academia Gustaviana, quae Dorpati est /.../ die 16. Julij, anno 1642. publice /../ disputationis exercitio committebatur, praeside Laurentio Ludenio, /.../ respondente Michaele Sculteto, /.../ - Dorpati Livonorum, 1642: Lit. acad.)                                                      UUB, Jena UB, LAB, [Tartu UB]

GRATULATIO

Doctiss. et Humaniss. Dn. Respondenti.

MICHAEL SCULTETUS:

Per Anag.

HIC ALTUM SELECTUS.

 

Ut Martem Arte feras, ALTUM HIC SELECTUS: Jësus

Adsit tuis conatibus.

In felix omen appon.

Laurentius Ludenius, PH. et

J.V.D. ac Professor.

 

100. Adr: Michael Schultetus – Aut: Jacobus Lotichius (cf. 99)

UUB, Jena UB, LAB, [Tartu UB]

GRATULATIO

Nondum Parrhasio sub axe Mavors

Gessit bella satis, sed usque bella,

SCULTETI nova suscipit Minerva.

Atrox omne nefas patrasse miles

            5          Gaudet; Fas quoque soevus omne rumpit.

                        Mentis percitus ebriae furore

                        Nil quaerit nisi proximi immerentis

                        Et sacrum inde Nepotibus cruorem;

                        Heu res dira et obominanda certe!

            10        Verum bella gerit Minerva belle

                        SCULTETI, inter et arma quaeque rauca

                        Delectat melius; brabea et atro

                        Reddit jam absque cruore lautiora.

                        Ergo et inde Tibi, probate, Martis

            15        Dantur Palladij brabea, Miles;

                        Et Lauri et Veneri dicata Myrthus.

G. s.

Jacobus Lotichius.

 

101. Adr: Michael Schultetus – Aut: Nicolaus Psilander (cf. 99)

UUB, Jena UB, LAB, [Tartu UB]

GRATULATIO

MICHAEL SCVLTETVS, GORLICIO-LVSATVS:

Per Anag.

ACHILLIS SCVTO LVCTARE; STIMVLVS EGO.

 


                                   Themidi Sacrate, Fortis

                                   Bellonae Amorque; Sortis

                                   Dubias vices quid audes

                                   Tentare? Quidve gaudes

                                 5            Infirmiore parma

                                               Vibrare Martis arma?

                                               Persta valens pupillis,

                                   LUCTARE SCUTO ACHILLIS;

                                   STIMULUS tibi LUSATO

                                 10          EGO ero: Viret Beato

                                               Dum pampino atque baccis

                                               Laurus gravata, laxis

                                               Te cinget usque vittis

                                               Pallas potens sagittis.


Quod anim. vov.

Nicolaus Psilander,

Smolandia-Svecus.

 

102. Adr: Michael Schultetus – Aut: Johannes Newhausen (cf. 99)

UUB, Jena UB, LAB, [Tartu UB]

GRATULATIO

Siccine, Amice, alacris nunc Miles es et Studiosus?

Codice bella geris, jungis et arma libris.

Macte istis, SCVLTETE, animis: Tibi gloria duplex

Inde tuo duplici nascitur e titulo.

Amica manu sc.

JOHANNES Newhausen /

Hamburgus.

 

103. Adr: Simon Skragge et Sara Pedersdotter – Aut: Andreas Virginius (Novis nuptiarum honoribus, /.../ Simonis Skragge, /.../ per Finnoniam quaestoris, sponsi, conjugium contrahentis cum /.../ Sara PederssDotter, /.../ Petri Nilsson, /.../ capitanei, filia, sponsa: in Ropkoja /.../ pompa nuptiali, die 20. Febr. anno 1642. celebratarum, quaevis fausta precantur Musae Embecciades. – Dorpati Livonorum, 1642: Typ. acad.)                                                                                     SKB, UUB, [Tartu UB]

EPITHALAMIUM

Non bene transfigitur casti sine compare lecti

Vita; nec utilitas hinc redit ulla viro:

                        Gaudia nulla capit, quamvis sit honoribus auctus;

                                    Quamvis et magna vi cumuletur opum.

            5          Ergo tibi Sociam vitae conjungis, AMICE,

                                    Quae fuit a votis non aliena tuis.

                        Jungite nunc ergo ambo preces, ne mutuus unquam

                                    Futilibus rixis imminuatur amor:

                        Utilibus crescat studijs, natosque relinquat,

            10                    Rura velut multo culta labore rosas.

                        Tu, pie Christe, pijs largitor prospera quaevis,

                                    Prospera, quae voveo, tu, pie Christe, dato.

Sic gratulabundus cecinit

ANDREAS VIRGINIUS, SS. Theol. D.

et P. nec non p.t. Acad. Rector.

 

104. Adr: Simon  Skragge et Sara Pedersdotter – Aut: Laurentius Ludenius (cf. 103)

SKB, UUB, [Tartu UB]

EPITHALAMIUM

 

SIMON SKRAGGE:

Per Anag. K neg.

GIGNES MORAS?

SARA PederssDotter:

Per Anag.

ARDET SPES: TRADO RES.

 

                        Castae Delicium Veneris, Doctissime Sponse,

                                    An socio GIGNES hinc in amore MORAS?

                        Tolle Moras: Hymenaeus ovat: Venus inquit; amice

                                    ARDET SPES, TRADO RES  in amore pares;

5          Annuat Omnipotens: SPES ARDeat omnis Amore:

                                    RES pulcra detur multiplicata fide.

In felix omen app.

LAURENTIUS LUDENIUS, Ph.

et J.U.D. ac Professor.

 

105. Adr: Simon Skragge et Sara Pedersdotter – Aut: Johannes E. Stregnensis (cf. 103)                                                                                                SKB, UUB, [Tartu UB]

EPITHALAMIUM

Ipse Deus, patuli moderator maximus orbis,

Legitima instituit genitalis foedera lecti,

                        Et patitur quovis sociale hoc foedus inire

                        Tempore, cum pietas et amor depossit honestus.

5          Sunt tamen haec anni pulcerrima tempora, quando

                        Nunc et hymen curant animalia caetera, curant

                        Diversae pecorum facies, lepidaeque volucres.

                        Sanctius his animal mentisque capacius altae.

                        Quod fecit Deus ut dominari in caetera posset,

10        Noluit hanc laeta sine compare ducere vitam,

                        Sed florente ipsa jucundae aetate juventae,

                        Exercere pie voluit pactos hymenaeos.

 

AD SPONSUM.

 

                        SIMON, avis claris et claro clarus es ortu

                        SKRAGGE, piae casto qui flagras semper amore

15        SARAE, quaeque tui casto flagravit amore,

                        Fidus amor paribus constringat pectora nodis.

                        Tempora tu rerum bene servas praeside Christo,

                        Quando tibi jungis praestantem sanguine Sponsam,

                        Quae te dilectum consvescet amare maritum,

20        Quaeque tui semper casto flagrabit amore.

                        Coelestis floret bene cognitione Tonantis,

                        Agnoscit Christum, veneratur Flamen, et usque

                        Invocat, aque Deo solamina vivida sperat.

                        Hinc pietas ornat Sponsam, probitasque verenda

25        Omnibus acceptam facit, et gravitate decoram.

                        Ipse decor vultus, nitor et pulcerrimus oris

                        Compositas animi dotes ostendit amice.

                        Praestans haec virgo natura, Mitis et annis,

                        Ipsa Deo dilecta, suo dilecta parenti,

                        Et dilecta bonis, sed dilectissima semper,

30        SKRAGGE, futura tibi: tibi felix ducitur uxor,

                        Inque tuos venit amplexus virtute decora,

                        Quae relevet tristem dulci sermone dolorem,

                        Quae longos tecum feliciter exigat annos,

                        Sepositisque agitet pulcerrima gaudia curis.

 

                                                AD SPONSAM.

 

35        Et tu virginei decus o praenobile coetus,

                        SARAque delicium generis, rata gloria gentis,

                        Cuique Venus nitido texebat pollice sertum:

                        Quae Deus omnipotens; rerum cui summa potestas,

                        Tempora disposuit, Christo duce et auspice, servas.

40        Eligis e medio sponsum placidumque probumque,

                        Quique tuos inter, venerando pronubo Iësu,

                        Amplexus ibit, propium tibi seque dicabit.

                        Multa illum sancti Reverentia Numinis ornat,

                        Et pietas laudat, probitas sanctissima tollit,

45        Ingenium sanctis Pallas dedit inclyta Musis.

                        Clara dies salve tam laetae conscia pompae,

                        Tympana pulsa sonent, svaves det tibia cantus,

                        Laeta celebrentur positis convivia mensis,

                        Et bona verba omnes dicant et fausta precentur.

50        Vivant concordi junctissima pectora lecto,

                        Vivant felices longaevi in Nestoris annos,

                        Et cernant natos, et qui nascentur ab illis

                        Aeterna semper bene dexteritate beatos.

                        Honoris ergo scribebat

M. JOHANNES E. STREGNENSIS,

Astronom. et Phys. P.P.

                       

106. Adr: Simon Skragge et Sara Pedersdotter – Aut: Michael Bostadius (cf. 103)

SKB, UUB, [Tartu UB]

EPITHALAMIUM

Priscorum haec quondam sententia dicta Sophorum;

Conjuge nil casto dulcius esse potest.

Omine ter fausto, quicquid cupit, omne reportat

Cui Sponsa in thalamum, pulchra puella, datur.

            5          SIMON, nunc memora, quis te felicior unquam,

                                    Cum tibi SARA datur, pulchra, pudica, proba;

                        Vivite felices totasque ex ordine noctes:

                                    Flagitat hoc pietas et socialis Amor.

                        Vivite concordes, parvos producite natos;

            10                    Vosque DEVS, posco, prosperitate beet.

Honoris et amicitiae gratia scripsit

M. MICHAEL BOSTADIUS,

ad D. Mar. Past.

 

107. Adr: Simon Skragge et Sara Pedersdotter – Aut:Johannes Georgii Gezelius (cf. 103)                                                                                             SKB, UUB, [Tartu UB]

EPITHALAMIUM

Kn glukerÕn calepîj ponšousin ¢eˆ¢n£pauma

Esti, l…an to‹j diyësi glukÝ phg…diÒn te,

To‹j te pl£noij ÐdÒj ™sti gluke‹a gluke‹a pur» te

To‹j yucro‹j, to‹j luphro‹j gluk¾j ¹dulÒgoj mn

5        TÕn À g£mon gamšein glukerèterÒn ™stin, ½ e…si

                   Phg…dion q'ÐdÕj, ¹dulÒgoj t'¢n£pauma, pur» te.

 

                   Aff Syrach then Högwijse Man/

                             Säll kalles then medh rätta

                   Som aff Gudz Hand bekomma kan/

          10                En Quinna from till ächta.

                   Huarss fromheet och höffliga Sin/

                             Lyker icke allena/

                   I Dejeligheet och Kläder fijn/

                             Som Dygden offta meena;

          15      Uthan när som i hiertat först/

                             Gudz fruchtan sig wäll rootar/

                   Tå bliffuer hon en hiert antz Tröst

                             Sinom Manne/ och honom bootar.

                   Uthi all Sorg och hiertanzt tuång/

          20                När nöd och moottgång tränger/

                   Tå altid honom till stoor Män

                             Ähr hon/ och hanßlijff länger.

                   Therföre hon så stöna nampn

                             I Skrifftene bekommer/

          25      Att märckeligare ey säjas kan/

                             När Gud henne berömmer:

                   Hon lijknas widh then klara Sool/

                             I Himmelens Firmament/

                   Kallas ock en gäffua stoor/

          30                Och utaff gudhi een Stänk;

                   Edher som uppå denne Dag/

                             I Echtenskap intråda/

                   Gud effter sin willic och behag/

                             Och effter Ehr begära/

          35      Giffuer och wisserlig stänker

                             En sådan Edell gäffua.

                   Huar före I wäll betånker

                             Honom therföre loffua/

                   Medh tacksäjelse/ sa ock så

          40                Honom fliteligen bidia/

                   Att han sin H. Andeß nädh/

                             Wille edher altidh giffua.

                   Att uthi thetta helga ständ/

                             Christeligen till samman/

          45      Leffua uthi Ähren mång

                             Medh frögd och mycken gamman.

                   Om i nu thetta flitelig

                             Medh alffuarsamme Böner/

                   Hooß gudh anhälla wißerlig

          50                Han edher wäll becröner/

                   Först medh en stoor wälsignelse/

                             I thenna werlden wränga/

                   (Uppå huilket I wäll haffue/

                             Exempell ganska mänga)

          55      Och medh en salig hädanfärdh/

                             När sä hanß godha willia/

                   Ähr/ att I skole från thenne Werld

                             Mätte aff älder skillias.

                   Och lända till en Ewig Frögd/

          60                Ther wij så margelunda/

                   Skole HELJGH i Himmelß högd

                             Medh ångla Choren siunga.

 

            Dulcia sepositis agitato gaudia curis,

                  Blandule SPONSE: Tuis meritis e pectore gaude,

            65        Blandula SPONSA, Deo quia Tu non infima cura es.

                        Condignas depromite jam de pectore grates;

                        Nam Sponsam tibi dat, qua non praeclarior ulla,

                        Nam Sponsum tibi dat, quo non praestantior alter.

                        Vos probitatis honos, niveo velamine cingit,

            70        Inclyta vos decorat virtus, quae sola perennis,

                        Verae relligionis amor, venerabilis orbi,

                        Vos ornat rite: ambo pio de sangvine creti;

                        Ambo pares virtute, pares pietate, decore,

                        Flore pares, probitate pares, ut dicere possim

            75        QUO NON? o utinam vos fata pares quoque servent.

                        Alloquiturque suam Sponsam his dictis Neonymphus:

                        Tu superas reliquas forma praestante puellas,

                        Elegi mihi Te multis e millibus unam:

                        Surge, veni, dilecta veni, formosa columba,

            80        Surge, veni, mea Sponsa sororque veni, mea vita

                        Surge, veni, requies, solamen, Tuque levamen

                        Sis dulcis Consors thalami, en dextramque fidemque

                        Conjugis: atque tuam cedo Tu dextram, nova Nupta.

                        Haec moderate Sponsa suo fert ore vicissim:

            85        Sim si Sponsa, sororque tibi; sis tu mihi Sponsus.

                        Sim requies, vita; et tu spes fidissima solus

                        Inter mortales, solo ex te pendeo tota.

                        Scilicet in terra non est jucundior ullus;

                        Mi dilecte veni, fieri me spondeo velle

            90        Jucundi thalami consortem, en porrigo dextram.

                        Macte pijs animis Sponse, et svavissima Sponsa,

                        Coepistis bene: vestra DEUS rata coepta secundet,

                        Ad coelum orantes, dextras cum voce supinas

                        Tendite, Divino de Numine poscite quaeque

            95        Vos felicia, Divini sermonis amorem

                        Cordibus in vestris ut syncerum imbuat usque.

                        Concordem ut longo ducatis tempore vitam,

                        Ut Tu, Sponsa, tuo sis obsequiosa Marito,

                        Ut Tu, Sponse, tuae faveas multosque per annos,

            100      Et speres summum memorem fandi atque nefandi,

                        Vobis (si justos respectat Numen in altis

                        Si quid justitiae est, et mens sibi conscia recti)

                        Praemia digna feret; nullis labefacta querelis

                        Si in canos concordia vos servaverit annos.

            105      Hisce Valete; et qui diram per vulnera mortem

                        Oppetijt, vos ut servet concorditer opto.

Ex frat. affectu vovebat

M. JOHANN. GEORG. GEZELIUS.

 

108. Adr: Simon Skragge et Sara Pedersdotter – Aut: Benedictus Haraldi (cf. 103)

SKB, UUB, [Tartu UB]

EPITHALAMIUM

Votum

 

                        Connubio casto junctos ecce undique tentat

                        Insidijs Coluber, mille ingeniosus ad artes.

                        Angelicis quare excubijs, DEVS Optime, adesto,

                        Quos hodie conjunxti[29] ne vafer obruat hostis,

            5          Concordem ducant da longo tempore vitam,

                        Semper honos, nomenque tibi laudesque ferantur.

Hisce paucis quaevis felicia affini, et Co-

gnatae suae, precatur,

Benedictus Haraldi, Sveo-Li-

vonus.

 

109. Adr: Ingemarus Petri Smetander – Aut: Ericus Haquini Bobergius (Disputatio physica de anima in genere, quam /.../ in /.../ Academia Dorpatensi /.../ sub praesidio /.../ Johannis Stregnensis, /.../ tuebitur Ingemarus Petri Smetander author et respondens ad diem 29. Jan. /.../ - Dorpati Livonorum, 1642: Lit. acad.)

SKB, [Tartu UB]

GRATULATIO

Humanissimo et Literatissimo

DN. RESPONDENTI.

INGEMARUS SMETANDER,

per Anagr.

SVRGET ME MANDANS IRE.

 

                        Cum Deus omnipotens mundi Systema creasset,

                                    Junxissetque loco cuncta creata suo,

                        Mox hominem fecit, sapienti Numine MANDANS,

                                    Volveret ut mundi sedulitate librum:

            5          Quod bene perpendis, SMETANDER, Svada Sophiae.

                                    Pompaque amicitiae tempus in omne meae;

                        Dum de spiranti Rectrice o corporis hujus

                                    Contexis summa dexteritate theses,

                        Et solvis laqueos calidique sophismatis uncos

            10                    Ingenij mira judicijque, fide.

                        Insta, Animae vires jugi perpendere mente,

                                    Illam defendens mentis et artis ope:

                        Sic tibi SURGET honor nullo delebilis aevo,

                                    Seque tibi Charitum junget amoena Venus.

            15        Sic tua per facta haec, ME Laudibus IRE juvabit,

                                    Dum vitam rapiant ultima fata meam.

Gratulaturus scripsit

M. Ericus Haquini Bobergius,

W-Gothus.

 

110. Adr: Ingemarus Petri Smetander – Aut: Petrus Caroli Undenius (cf. 109)

SKB, [Tartu UB]

GRATULATIO

                        Eusebiae et Sophiae decus, INGEMARE SMETANDER,

                                    Aonii et nostri fulgida gemma chori,

                        Orbis ad exemplum componimur, inde renascens

                                    In nobis superi fulget imago Dei:

            5          Vis vegetans nobis, vegeti vis vivida sensus,

                                    Vis rationalis mentis et ingenij.

                        Difficile hinc naturam Animae cognoscere ad ungvem,

                                    Deque illa proprio scribere Marte theses:

                        Viribus ingenii, et solerti indagine utrumque,

            10                    Tu praestare studes sedulitate pia.

                        Tu Patris Aetherei sudas celebrare stupendum,

                                    Rimari et magni nobile Regis opus.

                        Perge pie Physica testudine ludere gnavus,

                                    Cyrrhaeo et succo tingere perge caput.

            15        Parnassi poteris sic tandem scandere colles,

                                    Colligere et Pindi gramina nata jugo.

                        Dirigat Omnipotens conamina pulchra, labores

                                    Prosperet et foveat, coeptaque grata beet.

Syncerae Amicitiae, et fraterni amoris

declarandi causa adjecit

PETRVS CAROLI VNDENIVS,

W-Gothus.

 

111. Adr: Ingemarus Petri Smetander – Aut: Laurentius Ludenius (Historia SveoGothica /.../ regum internorum, ut et Gothorum, regumque externorum: quae, /.../ in Regia Academia Gustaviana, quae Dorpati /.../ est /.../ die 18. Maji, anno 1642. /.../ disputationis exercitio publice /.../ committebatur, praeside Laurentio Ludenio, /.../ respondente Ingemaro Petri Smetandro, /.../ - Dorpati Livonorum, 1642: Lit. acad.)

UUB, [Tartu UB]

GRATULATIO

Praestantiss. et Doctiss. Dn. Respondenti.

INGEMARVS PETRI SMETANDER:

Per Anag.

INGENS PER ARTEM MVSA REDIT.

 

                        INGENS, Dante Deo, divinam, Ingmare, PER ARTEM

                                    MUSA REDIT, Patrio deliciosa solo.

In felix omen app.

Laurentius Ludenius, PH. et

J.V.D. ac Professor.

 

112. Adr: Jonas Pauli Spinckius – Aut: Laurentius Ludenius (Disputatio politica de praxi negociorum, quae domi tractantur, quoad consilia; nec non quae foris expediuntur, quoad legationes: quae, /.../ in Regia Academia Gustaviana, quae Dorpati /.../ est /.../ die 14. Maji, anno 1642. publice /.../ disputationis exercitio committebatur, praeside Laurentio Ludenio, /.../ respondente Jona Pauli Spinckio, /.../ - Dorpati Livonorum, 1642: Lit. acad.)                                                     UUB, H, [Tartu UB]

GRATULATIO

Doctiss. et Ornatiss. Dn. Respondenti.

JONAS PAULI SPINCIUS:

Per Anag.

IPSA PIA CONSULIS UNI.

 

                        Sic bene Consilium, bene sic fortuna paratur,

                        IPSA ubi dilectae Patriae PIA CONSULIS UNI.

In felix omen appon.

Laurentius Ludenius, PH. et

J.V.D. ac Professor.

 

113. Adr: Jonas Pauli Spinck – Aut: Ericus P. Lerbeckius (cf. 112)

UUB, H, [Tartu UB]

GRATULATIO

                        Mentis ut intendas vires inhiare Camoenis,

                                    Publicae summa rei jam resonare lubet:

                        Tutantes Domini rem, ceu juga coelica fulcit

                                    Priscus Atlas, profers robore consilij;

            5          Tum commissa ratis tractare negocia punctis

                                    Legatis monstras: seria rite seris!

                        Macte animis tantis, des cursus alite fausto,

                                    Mi SPINCKI, nunc nunc verna juventa viret:

                        Patria promoveat, prece devotaque propinqui:

            10                    Praestet perpetuo fata beata Deus.

Honoris et amoris ergo s.

M. Ericus P. Lerbeckius.

 

114. Adr: Jonas Pauli Spinck – Aut: Bartholomaeus Gregorij Cardiaster (cf. 112)

UUB, H, [Tartu UB]

GRATULATIO

                        Credita Mercurio proles, Musisque sacrata,

                                    A teneris pergat ferre laboris onus:

                        Ne corrumpatur, sicut ferrugine ferrum,

                                    A teneris discat ferre laboris onus,

            5          Ne instar aquae immotae patiatur damna juventus,

                                    A teneris discat ferre laboris onus.

                        Altius haec nosti a primis juvenilibus annis

                                    Hasce theses docta quando tueris ope.

                        Apprecor, ut portum tangat tua Musa cupitum,

            10                    Attingas chari tecta beata patris.

Quod animitus Amico suo sincere precatur

Bartholomaeus Gregorij Cardiaster

Raumannus.

 

115. Adr: Jonas Pauli Spinck – Aut: Johannes Petri Kuuth (cf. 112)

UUB, H, [Tartu UB]

GRATULATIO

JONAS PAULI SPINCH:

Per Anagr.

POPINA HINC LAUS IS.

 

                        I ngenuus, qui Phocaicam non attigit amnem

                                    S tricte, vix Famae praemia pulchra feret;

                        O mnis at auratae qui congerit aera monetae

                                    P alladiae; illius nomen honore viret.

            5          N omen praeclarum sectaris mente sagaci,

                                    I ONA, Aganippaei Musica stella chori;

                        A rmipotente theses doctas dum Marte tueris,

                                    N ormam Consilij quae gravitate docent;

S umptus non pereunt per quos diffundis honorem

            10                    CH RISTO, sed Famae nomen euntis habes:

                        P roptereaque pari posthac pietate POPINA

                                    Parnassi pulchra, pectora pasce tua:

                        S ic manet in terris tibi LAVS, HINC gloria Coelis,

                                    IS tuus in patria gaudet ovatque favor.

Amico animo et calamo scripsit

Johannes Petri Kuuth, Sud-Svec.

 

116. Adr: Jonas Pauli Spinckius – Aut: Laurentius Ludenius (Oratio de templis: quam, /.../ in Regia Academia Gustaviana, quae Dorpati /.../ est /.../ die 28. Maji, anno 1642. publice /.../ enarrabat Jonas Pauli Spinckius, /.../ - Dorpati, 1642: Typ. acad.)

SKB, [Tartu UB]

GRATULATIO

Doctiss. et Ornatiss. Dn. Peroranti.

JONAS PAULI SPINCIUS:

Per Anag.

O! PLANCUS IN AUSPICIIS.

 

Rite doces, donis opulentum condere Templum;

O tam Divinis PLANUS IN AUSPICIIS!

In felix omen app.

LAVRENTIVS LVDENIVS, PH. et

J.V.D. ac Professor.

 

117. Adr: Jonas Pauli Spinckius – Aut: Andreas Bergius (cf. 116)          SKB, [Tartu UB]

GRATULATIO

IONAS PAVLI SPINCHIVS:

Per Anag.

PII ONVS, HINC IPSA LAVS.

 

Prudens atque PIus Musarum Cultor habetur,

Qui duri assuetus ferre laboris ONVS.

EN opus hocce PII est, quod SPINCHIVS urget in arte,

IPSA HINC LAVS sequitur: fert patienter ONVS.

In infucatae Amicitiae <tek>m»rion apposuit

Andreas Bergius, W-Man-

n<ia> Svecus.

 

118. Adr: Jonas Pauli Spinckius – Aut: Johannes Petri Kuuth (cf. 116)

SKB, [Tartu UB]

GRATULATIO

Cum riget aestivis hirsutus campus ari<st>is,

Et Sol Herculei terga Leonis adit:

Melliferae ut vario sugunt e flore liquorem

Hyblaeum, et stipant nobile nectar Apes;

            5          Spincki adamande mihi, Musarum ita colligis herbas:

                                    Optatis dictis Templa sacrata colis:

                        Perge, velut pergis: fundis dona optima mentis:

                                    Et cum laude tibi munera grata paras.

Ita gratulabundus sc.

Johannes Petri Kuuth.

Sud. Svecus.

 

119. Adr: Petrus Trottonius – Aut: Laurentius Ludenius (Disputatio practica de amore sui moderato, et de fortitudine: quae, /.../ in Regia Academia Gustaviana, quae Dorpati /.../ est  /.../ die 7. Maij, anno 1642. publice /.../ disputationis exercitio committebatur, praeside Laurentio Ludenio, /.../ respondente Petro Trottonio, /.../ - Dorpati Livonorum, 1642: Lit. acad.)                                    Västerås StB, H, [Tartu UB]

GRATULATIO

Praestantiss. et Ornatissimo

Dn. RESPONDENTI.

PETRUS TROTTONIUS

Per Anag.

UT TORTUS, SPE NITOR!

 

                        UT TORTUS gravitate mali, SPE NITOR amica!

                                    Fortior in medijs PALMA resurgo malis.

In felix omen as.

LAURENTIUS LUDENIUS,

 Ph. et J.U.D. ac Professor.

 

120. Adr: Petrus Trottonius – Aut: Andreas Megalinus (cf. 119)

Västerås StB, H, [Tartu UB]

GRATULATIO

                        Succrescit veluti, premitur dum pondere palma; et

                                                Sydera celsa petit;

                        Mascula sic virtus vexata labore resurgit,

                                                Eminus atque micat.

            5          TROTTONI, quam virtutem defendere tentas,

                                                Mascula Progenies.

                        Ardua sic pergas sectari, et scandere summa,

                                                Pampinum Apollo parat.

Felicis ominis Ergo app.

ANDREAS MEGALINUS Agu<n>-

darydensis.

 

121. Adr: Petrus Trottinus – Aut: Nicolaus Psilander (cf. 119)

Västerås StB, H, [Tartu UB]

 

GRATULATIO

PETRVS TROTTONIVS SMOLANDVS:

Per Anag.

NON TMOLVS, AST VIRTVS PRODEST.

 

                        Non Beat TMOLUS, Tyriumve Coccum

                        Semper; AST PRODEST veneranda VIRTUS

                        Quae voluptate animo reponit

                                                            Usque perennes.

            5          Macte, VIRTUTIS rutilans odore,

                        Alter ut TMOLUS, Genite a Minerva,

                        PETRE TROTTONI, Genitricis audax

                                                            Aegide Pugna.

G. f.

Nicolaus Psilander.

 

122. Adr: Petrus Trottonius – Aut: Matthias Lauterbach (cf. 119)

Västerås StB, H, [Tartu UB]

GRATULATIO

PETRUS TROTTONIUS SVECUS.

Per Anag.

TOTUS NITOR; SPES CVRET VSV.

 

                        PETRE, Novenarum cultor Studiose Sororum,

                                    Tu mihi non dubia cognite, Amice, fide;

                        TOTVS, ais, NITOR est; SPES VSV CVRET amicum

                                    Conatum, VT Patria frugifer esse queam.

            5          Quid ni, PETRE, igitur, sic Docto ab Apolline doctus:

                                    Salvas ingenio, fortiter hasce theses.

                        TOTVS namque NITOR: SPES coeptum CVRET in VSV.

                                    Credula sic tua SPES, pulcrior usque NITOR.

Contestandae infucatae Amicitiae gratia

apposuit

Matthias Lauterbach.

 

123. Adr: Petrus Caroli Undenius – Aut: Laurentius Ludenius (Disputatio practica de veritate et taciturnitate: quae, /.../ in Regia Academia Gustaviana, quae Dorpati /.../ est  /.../ die 23. Aprilis, anno 1642. publice /.../ disputationis exercitio committebatur, praeside Laurentio Ludenio, /.../ respondente  Petro Caroli Undenio, /.../ - Dorpati Livonorum, 1642: Lit. acad.)                                                            Västerås StB, [Tartu UB]

GRATULATIO

Praestantiss. et Literatissimo

Dn. RESPONDENTI:

PETRUS CAROLI UNDENIUS

Per Anag.

I CALENS PRUDENTIOR USU.

 

                        I virtute CALENS, rerum PRUDENTIOR USU:

                                    Et tuus aeternum continuatur honor.

Quod in felix omen ap.

Laurentius Ludenius, PH. et

 J.U.D. ac Professor.

 

124. Adr: Petrus Caroli Undenius – Aut: Ericus Haquini Bobergius (cf. 123)

Västerås StB, [Tartu UB]

GRATULATIO

                        Delicium Charitum, mi Praestantissime PETRE,

                        Es virtutis amans, virtutes atque tueris.

                        Perge, tibi ex voto, virtutis praemia dentur.

                        Sic precor et voveo synceri e pectoris arca.

Amico calamo scripsit

M. Ericus Bobergius,

W.-Gothus.

 

125. Adr: Petrus Caroli Undenius – Aut: Nicolaus J. Ramzelius (cf. 123)

Västerås StB, [Tartu UB]

GRATULATIO

                        Personat argute tua vox, cum vera loqueris

                        Quae sint, VNDENI: vere quae falsa vocanda

                        Cum doceas docte quid dicet, quidque tacebit

                        Mortalis. Felix igitur tu vive superstes,

            5          Et mihi praedulcis convictor, serus abito.

Felicem in lit. successum fido suo Amico

gratulans appendit

M. NICOLAUS J. RAMZIUS.

 

126. Adr: Petrus Caroli Undenius – Aut: Ingemar Petri Smetander (cf. 123)

Västerås StB, [Tartu UB]

GRATULATIO

                        Veris vera placent animis: tamen undique semper

                        Rectum indagare et verum, non contigit omni.

                        Ast tibi virtutum quaerenti ascendere culmen,

                        Optato juvento, dum tramite, pergere anhelas,

            5          Gratulor immensum, fundens pia vota precesque

                        Quod sic praeclaris pergas insistere coeptis,

                        Ut tandem utilem patriae reddat pia Musa.

                        Vade, vale felix, vitae longissima vive

                        Tempora, qvumque tuos cineres acceperit alma

            10        Tellus, tum aeternum maneat memorabile nomen.

Approperatum ab

Ingemaro Petri Smetandr<o>,

W. Gothia Sveco.

 

127. Adr: Petrus Caroli Undenius – Aut: Sigvardus Olai Wallander (cf. 123)

Västerås StB, [Tartu UB]

GRATULATIO

                        Tene Novenarum docte Vndenijque Sororum

                                    Cura tenet, qua nil suavius esse solet?

                        Ingenuas etenim didicisti, sedulus artes,

                                    Vitamque ornasti moribus ingenuis.

            5          Perge bonis avibus tantis insistere coeptis,

                                    Ductor Apollo ausis praemia digna dabit.

Amoris moris et honoris ergo scribebat

SIGVARDUS OLAI WALLANDER, W Goth.

 

128. Adr: Petrus Caroli Undenius – Aut: Laurentius Ludenius (Oratio de paupertate: quam, /.../ Mariaestadij 18. Maji anno 1641. /.../ memoriter recitabat, Petrus Caroli Undenius, /.../ - Dorpati Livonorum, 1642: Typ. acad.) SKB, H, LAB, [Tartu UB]

GRATULATIO

Doctiss. et Humaniss. Dn. Peroranti.

PETRVS CAROLI VNDENIVS:

Per Anag.

RELVCENS IN ARDVIS, PVTO.

 

                        Sit faustum et felix! tu, Christo dante, RELUCENS

                                                IN ARDUIS, PUTO pie.

In felix omen app.

Laurentius Ludenius,  PH.

 et J.U.D. ac Professor.

 

 

129. Adr: Petrus Caroli Undenius – Aut: Ingemar Smetander (cf. 128)

SKB, H, LAB, [Tartu UB]

GRATULATIO

                        Gaza favet multis; verum haud utentibus illam

                                    Dextre, infert sortis plurima damna gravis.

                        Et multos male divexat sors indiga rerum,

                                    Quos melior Pietas tollit et Integritas.

            5          Sit pia Paupertas, et nostro subdita Christo; et

                                    Pauperies juncta cum Pietate juvat.

Deproperatum ab

Jngemaro Smetandro,

W-Svec.

 

130. Adr: Petrus Caroli Undenius – Aut: Petrus L. Schonbergius (cf. 128)

SKB, H, LAB, [Tartu UB]

GRATULATIO

PETRUS CAROLI UNDENIUS,

Per Anag.

CUR SANE INOPS ELUDITUR?

 

                                               CUR SANE INOPS ELUDITUR?

                                               CUR Pauper omnis spernitur?

                                               Vis scire? rite deteget,

                                               Haec Charta praesens! scilicet

                                 5            Ab improbis ELUDITUR,

                                               A reprobis et spernitur,

                                               Qui nesciunt et Paupertem

                                               UNVM creasse et Divitem.

                                               O IRE, sorte paucula

                                 10          Contentus esto et parvula,

                                               Sis fidus hoc in pondere

                                               Coeli ut beeris munere.

                                               Haec edoces et praedicas,

                                               O PETRE, rite et nuncias.

                                 15          Hinc Laus resurgit Maximo

                                               Regi; Usus hinc et Proximo.

                                               Magnum decus nancisceris

                                               Almi Cliensque diceris.

Fratri veteri infucato

animo ad.

Petrus L. Schonbergius,

OstGothus.

 

131. Adr: Faderus Arvidi Uraelius – Aut: Laurentius Ludenius (Disputatio philosophica de philosophia in genere: quam /.../ in Regia Academia Gustaviana, quae Dorpati est  /.../ sub praesidio /.../ Johannis Erici Stregnensis, /.../ submittebat Faderus Arvidi Uraelius, /.../ author et respondens ad diem < > Maji /.../ - Dorpati Livonorum, 1642: Lit. acad.)                                                 SKB, UUB, H, [Tartu UB]

GRATULATIO

Doctiss. et Ornatiss. Dn. Respondenti.

FADERVS VRAELIVS:

Per Anag.

VI LAESVS, FER DVRA.

 

                        VI LAESUS, FER DURA pie: Patientia vincit;

                                    Ars dederit Genij candidioris opes.

In felix omen s.

Laurentius Ludenius, PH.

 et J.V.D. ac Professor.

 

132. Adr: Faderus Arvidi Uraelius – Aut: Haquinus Magni Platinus (cf. 131)

SKB, UUB, H, [Tartu UB]

 

GRATULATIO

FADERVS ARVIDI VRAELIVS,

SMOLANDIA SVECVS,

'Anagr£mmatizÒmenoj:

FILORVM VI VENIS AD DAEDALAS

ARCES, VISVRVS.

 


                                   Labyrintheos recessus

                                               Qui Daedali cupiscit

                                   Tentare, Filum habebit

                                               Ariadnae, eritque constans.

                                 5            Minervae Alumne VRAELI,

                                               Tu Daedalus jam ut alter;

                                               Labyrintheos recessus

                                               Sophiae doces adire.

                                               SIC DAEDALAS AD ARCES

                                 10          FILORVM et ipse VI olim

                                               VENIS; Sacrosque Honores

                                               VISVRVS es. Valeto.


Non tam moris, quam amoris

ergo app.

HAQVINUS MAGNI PLATINUS.

 

133. Adr: Faderus Arvidi Uraelius – Aut: Carolus Ruberus (cf. 131)

SKB, UUB, H, [Tartu UB]

GRATULATIO

                        URAELI, decus o Sophiae, Popularis amande,

                                    Haud potero laudes enumerare tuas.

                        Assidua pergis doctorum volvere dextra

                                    Scripta, tenes rerum sensa beata pie.

            5          Hoc probat effectus, dum tentas sedulus ipse

                                    Colloquium pulchrum: Fama superstes erit.

                        Fama superstes erit; ceu pergis, pergito semper,

                                    Commoda grata feres, digna brabea feres.

In fraterni amoris et syncerae necessitudinis

testificationem conterraneo et fratri

suo faciebat

Carolus Ruberus.

 



[1] Idem 1642.23-24; cum variatione 1641.11.

[2] Idem 1642.22, 24; cum variatione 1641.11.

[3] Idem 1642.22-23; cum variatione 1641.11.

[4] Cf. 1642.35-36 cum variatione.

[5] Idem 1642.36; cf. cum variatione 1642.34.

[6] Idem 1642.35; cf. cum variatione 1642.34.

[7] Anagramma non recte constructum.

[8] Anagramma non recte constructum.

[9] Anagramma non recte constructum.

[10] Anagramma non recte constructum.

[11] Anagrammata non recte constructum.

[12] fl<…> textus corruptus : fluet corr

[13] Anagramma non recte constructum.

[14] secla edd metri causa

[15] Pios edd : PIOS  rectius

[16] Textus corruptus S

[17] Textus corruptus S

[18] Textus corruptus S

[19] Textus corruptus S

[20] Textus corruptus S

[21] Textus corruptus S

[22] Textus corruptus S

[23] Textus corruptus S

[24] Textus corruptus S

[25] Textus corruptus S

[26] Textus corruptus S

[27] Textus corruptus S

[28] Textus corruptus S

[29] conjunxti edd metri causa