1647
1. Adr: Tholetus Tholeti Arvikander – Aut: Laurentius Ludenius (Disputatio physico-astronomica de stellis; quam /.../ in Regia Academia Gustaviana Adolphina, quae Dorpati /.../ est /.../ sub praesidio /.../ Johannis Erici Stregnensis, /.../ pro insignibus et privilegiis magisterij philosoph. consequendis, /.../ submittebat disputationis exercitio Tholetus Tholeti Arvikander, /.../ ad diem <15.> Septemb. 1647 /.../. Dorpati Livonorum, 1647: J. Vogelius) Karlstad StB, H, BRAN, [Tartu UB]
GRATULATIO
Praestantiss. et Humaniss.
Dn. Respondenti.
Per Anag.
TELO UT TRAHIT! VEHOR KALENDIS.
TELO UT cura TRAHIT! totis VEHOR Arte KALENDIS:
Me
TRAHE, Christe; pia sic pius Arte
VEHOR.
In felix omen app.
Laurentius Ludenius, Ph. et J.U.D.
Profess. Ord.
2. Adr: Tholetus Tholeti Arvikander – Aut: Petrus Caroli Undenius (cf. 1)
Karlstad StB, H, BRAN, [Tartu UB]
GRATULATIO
TOLETE, o Sacra Decus immortale Camoenae,
Et Dorpatensis gloria pulcra Chori!
Non ego Cyrrhao mea labra liquore rigavi,
Queis tibi nunc laudis munera grata feram;
5 Qui Mysteria Naturae rimaris acute
Et passu Sophiae curris eunte viam.
Laetor: Successusque tuis conatibus opto
A Domino semper, qui regit Astra, Deo.
Hinc ter tres doctae Comites, tua tempora adornant
10 Aemonia lauru. Hinc Nomen, Honorque venit.
Praestantiss. atque Literatiss. Viro juveni Dn. THO-
LETO ARVIKANDRO, Phil. Candidato meri-
tiss. pro Laurea Magisteriali erudite di-
sputanti, paucis hisce fraterno ex
Animo gratulatur
W-Gothus, SS. Theol. Stud.
3. Adr: Tholetus Tholeti Arvikander – Aut: Gustavus Olai (cf. 1)
Karlstad StB, H, BRAN, [Tartu UB]
GRATULATIO
Diversis diversa placent mortalibus acta;
Non omnes uno ducimur ingenio.
Sunt queis telluris volupe est diffindere sulcos
Ferro, atque indomitis jungere bobus onus.
5 Sunt queis in sylvis animus, stagnisque profundis,
Pennigerum ut capiant, squamigerumque genus.
Ast tibi non animo sunt haec; sed, docte THOLETE,
Hercule supposito, sidera clara canis.
Tempora cum causis Latium digesta per orbem,
10 Lapsaque sub terras ortaque Signa refers.
Nec frustra stellarum obitus specularis et ortus;
Namque tibi, et Patriae commoda multa paras.
Hinc tempestates dubio praedicere coelo,
Hinc tempus Messis conveniensque potes.
15 Conatum collaudo tuum, peramande THOLETE,
Dum genij ostendis candidioris opes.
Gratulor inde tibi; Sophiae usque capesse coronam:
Inclyta Doctrinae fama perennis erit.
Gratulabundus apposuit
Phil. Cand.
4. Adr: Tholetus Tholeti Arvikander – Aut: Laurentius Ludenius (Sacris magisterii honoribus: quos, /.../ facultatis philosophicae decanus, /.../ Johannes Erici Stregnensis, super. mathem, et physic. profess. ordin. in Regia Academia Gustaviana Adolphina, quae Dorpati /.../ est /.../ die 8. Novembris, anno 1647, publice /.../ conferebat /.../ Tholeto Tholeti Arvikandro, Wermelandia Sveco; quaevis fausta precantur Musae Embecciades. Dorpati Livonorum, 1647: J. Vogel) Karlstad StB, [Tartu UB]
GRATULATIO
M. THOLETUS THOLETI ARVIKANDER:
Per Anag.
TUTO KALENDIS VEHOR: MEL TRAHIT.
Sed MELle fructus dulcior.
CHRISTO Auspice, et CHRISTO Duce;
TUTO KALENDIS omnibus
5 VEHOR: TRAHIT MEL fructuum.
Sic vero primi frueris jam Veris odore,
Hyblaeosque favos latebris, THOLETE, receptas.
In sanctas Doctrinae Artes jam mollibus annis
Inductus: pulcer refluum labor actus in orbem.
10 Edocuit Pallas doctum torquere rotato
Sermone Enthymema, datis et solvere nodis.
Edocuit Pallas, totas sine fine fluentis
Materiae causas; qua surgat et Arte Beatum.
Condidit Historiae Sacrae se cuncta vetustas
15 Mentibus ingenuis, summi et Sapientia coeli.
Quod felix faustumque velit DEUS esse Deorum,
Fronde premit merita hinc crinem Divinus Apollo.
I bene, quo tua te Virtus, quo sancta TRAHuntque
Numina: Dante DEO, dici consvesce MAGISTER.
20 MELleus et fructus, majoribus ire per altum
Auspiciis velit; et TUTO TRAHat usque KALENDIS.
Amara radix Artium,
Sed MELle fructus dulcior.
CHRISTO Auspice, et CHRISTO Duce;
25 TUTO KALENDIS omnibus
VEHOR: TRAHIT MEL fructuum.
Quod in felix auspicium app.
Laurentius Ludenius, Ph. et J.U.D.
Poët. Cor. Prof. Ord.
5. Adr: Tholetus Tholeti Arvikander – Aut: Petrus Carolus Undenius (cf. 4)
Karlstad StB, [Tartu UB]
GRATULATIO
Delicium Eusebiae et Sophiae, THOLETE, perenne,
Commeritum carpis, dignus honore, decus.
Dum tibi contexit Phoebaea caterva corollam,
Qua caput ornabit comptus Apollo tuum.
5 Hanc, precor, ut gestes grandaevi Nestoris annos,
O Clarum Sophiae, dulcis Amice, Decus.
Perge bonis avibus, tibi nil Natura negavit,
Ingenio clares, Laude et honore vales.
Hinc Patriam in terram fructu meliore redibis,
10 Quae tibi pro meritis praemia pulcra dabit.
Non tam moris, quam amoris et gratulationis
ergo fudit
W-Gothus, SS. Theol. Stud.
6. Adr: Tholetus Tholeti Arvikander – Aut: Andreas Bergh (cf. 4)
Karlstad StB, [Tartu UB]
GRATULATIO
Quid sinuosi usquam spatiosa haec machina mundi
Ingenua quaeso dulcius arte tulit?
Nam tristi confert medicamina mellea menti,
Et magnas dat opes, pauperiemque fugat.
5 Reddit nos claros, facit et super aethera notos,
Nec sinit hoc unquam nomen in orbe mori.
Haec perpendisti crebro, dilecte THOLETE,
Ergo tuum nescit Nomen in orbe mori.
Ita Amico infucato infucate cecinit
7. Adr: Tholetus Tholeti Arvikander – Aut: Andreas A. Malmenius (cf. 4)
Karlstad StB, [Tartu UB]
GRATULATIO
Gressus ad excelsam Virtutem Marte vel Arte
Panditur; ut docet hoc longa Experientia rerum.
Diversos diversa juvant, id cernimus omnes;
Vivitur ex voto, Mundi dum secula currunt.
5 Sic gaudent quidam, Mavortis ab agmine duci.
Ac ipsis ingens virtus exinde paratur.
Sic malunt quidam, sua nomina credere Musis,
Et capiunt pulcro benefacta reposta[1] labore.
Strenuus en Charites coluisti, Docte THOLETE,
10 Legisti juvenis nitidissima germina Phoebi,
Hinc scandis doctus Musarum culmina celsa;
Mitra datur, felix tua tempora purpura cingit.
Gratulor inde tibi, quod tales cernes honores;
Cedant in laudem Christi, propriamque salutem.
Gratulabundus vovebat
Suderm.
8. Adr: Tholetus Tholeti Arvikander – Aut: Christianus Jheringius (cf. 4)
Karlstad StB, [Tartu UB]
GRATULATIO
Candens ceu torris nocturno tempore gliscit;
Sic inter Doctos, Docte THOLETE, micas.
Jugiter ut rutiles, rutilent ut splendida serta,
Quae tibi nunc dantur, supplice corde precor.
In felix omen vovebat
9. Adr: Tholetus Tholeti Arvikander – Aut: Benedictus O. Vegrelius (cf. 4)
Karlstad StB, [Tartu UB]
GRATULATIO
Quid Strepitus? Quid clangor agit? Quid plurima turba
Tractat, et egregio distendit gaudia plausu?
Scilicet ingenuam Laurum dispensat Apollo:
Ceu Pietas, ceu prisca jubent hoc foedera Musae,
5 Dum florent, qui Virtutum sectantur honores.
Et tu consvesces dici, THOLETE, Magister;
Ut studium, Sanctoque incoctum pectus honesto,
Illud vult; Chorus Aonidum vult; Pieridesque
Applaudunt, capitique tuo dant serta sacrata.
10 Sit faustum; Deus Omnipotens tua coepta secundet.
Dexter abi, sine fine vige, sine fine viresce.
Plaudenti animo ita grat.
Suderman.
10. Adr: Tholetus Tholeti Arvikander – Aut: Ericus Laurentij Hammerinus (cf. 4)
Karlstad StB, [Tartu UB]
GRATULATIO
Te placide natum; testatur Dorptica Musa,
ARVIKANDER; erit gloria vera tibi.
Te doctum atque pium jam Dorptica Musa coronat,
Vt teque exornet, postulat aequa Fides.
5 Sit Pietas Clypeus; sit murus aheneus, ardor
Sancte vivendi; sis sine fine bonus.
Amico suo certissimo haecce congra-
tulans app.
Wermelandus.
11. Adr: Tholetus Tholeti Arvikander – Aut: Johannes Petri Gutheim (cf. 4)
Karlstad StB, [Tartu UB]
GRATULATIO
Sunt, quos castra juvant, creber fremitusque tubarum,
Ignitique globi, qui quasi turbo ruunt.
Sed tua te Virtus, Musarum docte Satelles,
Docte THOLETE, juvat, condecoratque pie.
5 Vertice dulce nitet Sertum, rutilansque Corolla
Tradita pro meritis; pro pietate tua.
Gratulor inde tibi; precor ut valeas vireasque
Nestoris in longos transitione dies.
Gratulabundus adjecit
12. Adr: Tholetus Tholeti Arvikander – Aut: Johannes C. Magnelius (cf. 4)
Karlstad StB, [Tartu UB]
GRATULATIO
Congeriem quaerens amplam bene divitiarum,
Ille satis prodest cum sibi, tum patriae:
Sed Studiis operam dans summa sedulitate,
Hic praestat felix utilitatis opus.
5 Sic ARVIKANDRI Studium cum mente voluto;
Quaesivit genij dexterioris opes.
Idcirco Lauru hic ornatur Synciput, atque
Fronde premit viridi dexter Apollo comas.
Dn Praeceptori atque Sympatriotae suo
ita gratulari voluit
Werml. Svecus.
13. Adr: Tholetus Tholeti Arvikander – Aut: Ernestus Gerlachius (cf. 4)
Karlstad StB, [Tartu UB]
GRATULATIO
Si possem carmen grata conscribere vena,
Sic tibi, Praeceptor, faustissima cuncta voverem.
Ast! Vires desunt: veniat laudanda voluntas.
Sis felix; Deus ipse beet conamina tota.
Sic Dn. Praeceptori suo lubens
gratulabatur
Dorpatensis.
14. Adr: Olaus Nicolai Bergius – Aut: Laurentius Ludenius (Disputatio theologica de providentia Dei, quam /.../ in Regia Academia Gustaviana, quae est Dorpati /.../ sub praesidio /.../ Andrea Virginii, /.../ ventilationi submittit Olaus Nicolai Bergh, /.../ die <14. Maij> Aprilis anni 1647. Dorpati Livonorum, 1647: J. Vogelius)
SKB, Växjö LB, BRAN, [Tartu UB]
GRATULATIO
Doctiss. et Humaniss. Dn. Respondenti.
Per Anag.
LAUS ORBIS, INCOLA, VIGE.
Quod curet DEUS Omnipotens mortalia, dicis:
LAUS ORBIS, felix INCOLA mente, VIGE.
In felix omen ap.
Laurentius Ludenius, Ph. et J.U.D.
Poët. Cor. Prof. Pub.
15. Adr: Olaus Nicolai Bergius – Aut: Andreas Flojerus (cf. 14)
SKB, Växjö LB, BRAN, [Tartu UB]
GRATULATIO
Eusebiae et Sophiae proles pulcerrima, BERGI;
Nostri pars semper pulcra Sodalitij.
Biblia rimaris sanctissima pectore laeto,
Et pia pro Christi nomine bella geris.
5 Sis felix; laeta aspiret fortuna labori,
Efferat et pulcrum nomen ad astra tuum.
Ita Sympatriotae et Amico suo infucato
gratulari voluit
16. Adr: Olaus Nicolai Bergius – Aut: Abrahamus Georgij Thauvonius (Disputatio philosophica de elemento aeris specialiter considerato; quam, /.../ in Regia Academia Dorpatensi /.../ sub praesidio /.../ Johannis Erici Stregnensis, /.../ disquisitioni examinandam proponit et exhibet Olaus Nicolai Bergius, /.../ ad diem < > Decemb. anno 1647. Dorpati Livonorum, 1647: J. Vogelius) SKB, H, [Tartu UB]
GRATULATIO
Praestantissimo et Doctissimo Dn. Olao Bergio.
Confers Camoenis materiem utilem,
Musis propinquis tu stimulum admoves,
Condecoras tua coepta coepto.
5 Quid sit Calor, quid Terra, Aqua, quid siet
Aërque, dicis; dicere jam cui
En Svada certatimque Pallas
Imbuit, haec animum, illa lingvam.
Sic rite montes Aonios colis
10 Dulcesque Musas, quarum ope, perpete,
Fama superstes vivis. Almae
In Patriae decus usque vivas.
Amico suo Infucato, Lmque scripsit
M. Abrahamus Georgij Thauvonius.
17. Adr: Christina – Aut: Laurentius Ludenius (Immortalitas D. liberatoris Germaniae, /.../ Gustavi Adolphi, /.../ Svecorum, /.../ regis; /.../ parentatione anniversaria, in Regia Academia Gustaviana Adolphina, quae Dorpati /.../ est /.../ die 6. Novembris anno 1647. /.../ aeternitati consecrata a Laurentio Ludenio, /.../. Dorpati, 1647: J. Vogel)[2] SKB, UUB, Växjö LB, [Tartu UB]
DEDICATIO
Serenissimae et Potentissimae Principi
ac Dominae,
Dei Gratia, Svecorum, Gothorum, Vandalo-
Finlandiae; Duci Esthoniae et Careliae; Dominae Ingriae, etc.
Victrici, Piae, Felici, Augustae, etc.
Vitam, Incolumitatem et Felicitatem p.p.
PATRIS, et aequaevae SOBOLIS, FLATUSque SACRATI
Annuat aeterna PACE perennis AMOR!
Est DEA dicta CHARIS, Natura mitis et Annis,
PACIS amans, Orbis deliciosa CHARIS.
Per Anagram.
CHARIS
IN REGNA IT SVECIAE.
5 Sancta CHARIS, CHRISTINA CHARIS; Regina Serena
IN REGNA IT SVEONUM deveneranda CHARIS.
Est Pater Illustris Phoenix in Prole renatus:
AdVeniat, Videat, Vincat amica CHARIS!
SS. Reg. Maj. Symbolum:
CHRISTUS REFUGIUM SUORUM.
Nam RE conFUGIUM REGINAE CHRISTUS; ab alto
10 Irradians, complens Regia corda, VIGOR.
CHRISTUS, Numen, Honos, nitidissima Vita SUORUM:
Arctoi Regni Lux, Sator, alma Salus!
Salve; Sancta CHARIS! Salve, REGINA! IEHOVA
Auspice, sis Regni deliciosa CHARIS.
Dominae et Reginae suae Clementissimae,
Humilime.
18. Adr: Guilhelmus Cronmannus – Aut: Laurentius Ludenius (SS. Regiae Majestatis regnorumque Sveciae ac Gothiae senatorum, /.../ Oxenstiernorum, /.../ regni comitum, et L.L. baronum, virtus; oratione solenni in Regia Universitate Gustaviana Adolphina, quae Dorpati /.../ est /.../ die 27. Januarij, anno 1647. /.../ expressa a Guilhelmo Cronmanno, /.../. Dorpati Livonorum, 1647: J. Vogelius)
SKB, UUB, Växjö LB, LAB, [Tartu UB]
GRATULATIO
Nobiliss. et Praestantiss. Dn. Peroranti.
Per Anag.
ad Insignia relatum.
NUNC VIGILEMUS: URNA MELOS!
Ceu Grus, NUNC VIGILEMUS: Erit MELOS URNA Beato:
Parta Corona solo, certa Corona polo.
In felix Auspicium app.
Laurentius Ludenius, Ph. et J.U.D.
Poët. Cor. Prof. Ord.
19. Adr: Guilhelmus Cronmannus – Aut: Johannes Casparus Merclinus (cf. 18)
SKB, UUB, Växjö LB, LAB, [Tartu UB]
GRATULATIO
Per Anagr.
ad Insignia relatum:
ES COR, LUMEN, MANUS, VIGIL.
Pierides partem concedunt fratribus unam,
Tu, GVILIELME, habeas cuncta brabeia, precor:
ES COR, ES LUMEN, (velut hoc Insignia signant,)
Officiosa MANVS: Grus Pietate VIGIL.
In felix omen sc.
Poët. Cor.
20. Adr: Johannes Cronmannus – Aut: Laurentius Ludenius (Serenissimae et potentissimae principis /.../ Christinae, Svecorum, Gothorum, Vandalorumque reginae, /.../ elogia; oratione solenni in Regia Academia Gustaviana Adolphina, quae Dorpati /.../ est /.../ die <5. Februarij> anno 1647. /.../ enarrata a Johanne Cronmanno, /.../. Dorpati Livonorum, 1647: J. Vogelius) SKB, UUB, Vilnius LAB, [Tartu UB]
GRATULATIO
Nobilissimo et Praestantissimo Dn. Peroranti.
Per Anag.
I SANE: NUMEN CORONANS!
I SANE, quo te mentis vocat enthea Virtus:
NUMEN CORONANS unice.
In felix omen app.
Laurentius Ludenius, Ph. et J.U.D.
Poët. Cor. Prof. Ord.
21. Adr: Andreas E. Fridzbergius – Aut: Petrus Caroli Undenius (Disputatio philosophica de accidente in genere; quam /.../ in Regia Academia Gustaviana, quae Dorpati /.../ est /.../ sub praesidio /.../ Johannis Erici Stregnensis /.../ discutiendam exhibet Andreas E. Fridzbergius /.../ ad diem < > Decemb. anno 1647. Dorpati Livonorum, 1647: J. Vogel) SKB, BRAN, [Tartu UB]
GRATULATIO
Liberaliter Erudito, et Laudabiliter morato
DN. ANDREAE ERICI FRIDZBERGIO, Amico
et Conterraneo svavissimo, Materiam de Accidentibus in
genere publicae Disputationi subjicienti.
Sic, ANDREA, altis digne vis rebus adesse,
Dum condis doctas dexteritate Theses:
Et solvis laqueos calida arte sophismatis uncos,
Ingenij mira judiciique fide.
5 Perge, velut pergis; Te non lactabit inanis
Spes tua. Mox Phoebus praemia digna dabit.
In perpetuae recordationis ac infucatae Amicitiae
tekm»rionhaec paucula app.
W-Gothus, SS. Theol. Stud.
22. Adr: Andreas E. Fridzbergius – Aut: Laurentius E. Emzelius (cf. 21)
SKB, BRAN, [Tartu UB]
GRATULATIO
'Anagram.
DIGNA REFERS, SIC JUBAR ERIS.
Clarius ut Solis JUBAR inter celsa coruscat
Sydera, splendenti luciditate sua:
SIC Juvenes docti, Sophiae qui laude feruntur,
Et solida Musas sedulitate colunt;
5 Altius assurgunt, inter lucentque Camoenas,
Et juga Parnassi dexteriora tenent.
Quod dum mente pia, Musarum docte Satelles
FRISBERGI, tractas, ut JUBAR arte micas.
Namque doces solide rebus quod jungitur ipsis;
10 Quodque his servatis, deperit, arte doces.
Sunt grata Ingenio, Genio quae DIGNA REFERS; Nam
DIGNA REFERS, Studiis non aliena tuis.
Hinc inter Sobolem splendes candore Minervae
Ipse, velut rutilans fulget in axe JUBAR.
15 Perge, REFER Genio conamina DIGNA benigno;
SIC te DIGNA sonans praemia Musa feret;
Atque caput Lauru, Divinus cinget Apollo:
Clarior ac nitidum SIC JUBAR es, bene ERIS.
Quod ex syncero fraternitatis affectu precatur
M. LAURENTIUS E. EMZELIUS, W-Gothus.
23. Adr: Gustavus Olai Gulsteen – Aut: Laurentius Ludenius (Sacris magisterii honoribus: quos, /.../ facultatis philosophiae decanus /.../ Johannes Erici Stregnensis, /.../ super. mathem. et physic. profess. ordin. in Regia Academia Gustaviana Adolphina, quae Dorpati /.../ est /.../ die 8. Novembris, anno 1647, publice /.../ conferebat /.../ Gustavo Olai, Wermlandia Sveco: quaevis fausta precantur Musae Embecciades. Dorpati Livonorum, 1647: J. Vogelius)
Karlstad StB, SKB, [Tartu UB]
GRATULATIO
Per Anag.
AGITAS; VOLUMUS.
Sancto, CHRISTE, AGITAS conamina Numine nostra;
Et VOLUMUS, Duce Te, docta efflorescere Mente.
Ut natus, Duce Te, sacrato fonte Renatus;
Tu me AGITASque, AGITO mortali corpore vitam
5 Aetheream. Coeli Pietas cava nubila tranans.
Ut VOLUMUS, sese ad doctas fert impetus Artes;
Eusebia informat; proponit candida Pallas,
Quicquid cultarum dimanat ab ordine rerum,
Et quae norma Boni, sancti qui limes Honesti.
10 Ut tu, CHRISTE, AGITAS gravium molimina rerum,
Fronde nova crinem dexter componit Apollo.
Ut VOLUMUS; faustum DOMINUS velit esse JEHOVA,
Tuque animis o macte piis, GUSTAVE; perennis
I bene, quo tua te Virtus et Numina sancto
15 Fine vocant. Dici placide consvesce MAGISTER.
Sic AGITAS, ut nos VOLUMUS, feliciter aevum.
Quod in felix ausp. app.
Laurentius Ludenius, Ph. et J.U.D.
Poët. Cor. et Prof. Ord.
24. Adr: Gustavus Olai Gulsteen– Aut: Johannes Erici Stregnensis (cf. 23)
Karlstad StB, SKB, [Tartu UB]
GRATULATIO
Musarum Soboles, Charorum dulce Parentum
Delicium, Sophiae Candidioris Honor:
Aspirent placidis Coelestia Numina Coeptis,
Ipse tuas cingo fronde virente comas.
5 Sic pridem meruit Virtus; sic dexter Apollo
Jussit; sic Genij jussit euntis amor.
I bene: majori deposcunt ire per altum
Hinc pede Te Pietas et manifesta Fides.
Honoris ergo haec scripsit
M. Johannes Erici Stregnensis,
Mathemat. Super. et Phys. Prof. Pub.
ac Facult. Phil. p. t. DECANUS.
25. Adr: Gustavus Olai Gulsteen – Aut: Michael Bostadius (cf. 23)
Karlstad StB, SKB, [Tartu UB]
GRATULATIO
Ardua quid prosint sacri certamina Phoebi,
Quidque juvet studiis invigilasse piis;
Scit, qui Palladias vario conamine Musas
Quaerit, et Aonij pocula sacra Jugi:
5 Scit, qui naturae discit penetrare recessus,
Scrutarique animo lucida tecta poli.
Scilicet, hinc illi sperato tempore Laurus
Laeta venit: Superi munera pulcra dabunt.
GVSTAVE A Gulsteen/ Decus immortale sophorum,
10 Musarum intenso jura labore sequens;
Musarum in Castris sudasti fortiter: aequa
Et lingva et calamo vindice bella geris.
Hinc tibi Laurigerae donabunt oscula Musae;
Fulgebuntque tuae frondis honore comae.
15 Nominis inde Decus transmittes semper in annos,
Virtutemque polus discet uterque tuam.
Jungo pie votis aliorum, Vota; precorque
Immortale feras nomen in orbe: Vale.
Syncerioris affect. Ergo deproperabat
ad Aedem D. Mar. Past.
26. Adr: Gustavus Olai Gulsteen – Aut: Petrus Caroli Undenius (cf. 23)
Karlstad StB, SKB, [Tartu UB]
GRATULATIO
Magni Mercurij Soboles, GUSTAVE; beato
Svavis Amicitiae foedere juncte mihi:
Qui bene certavit miles, sua jure reportat
Praemia; laetatur conditione rata.
5 Sic tibi dum, GULDSTEEN/ Musarum commoda curae,
Artes Eusebiae tu sine fine colis.
Hinc tibi pulcra canunt sacrae praeconia Musae,
Atque tuum lauru cingit Apollo caput:
Calliope justo conglutinat ordine frondes,
10 Artifici sertum conficit atque manu.
Insequitur clari titulus nomenque Magistri:
Sic Tibi, sic Patriae commoda magna feres.
Quod animitus sympatriotae suo svaviss. de novis
Honoribus gratulari voluit
W-Gothus, SS. Theol. Stud.
27. Adr: Gustavus Olai Gulsteen – Aut: Andreas Bergh (cf. 23)
Karlstad StB, SKB, [Tartu UB]
GRATULATIO
Per Anagr.
GAVISVS; VOLAT.
En GAVISVS erat doctus Gustavus Olai,
Dorptas cum primum cerneret ipse Deas.
Est bene GAVISVS se perVOLitasse Sophorum
Artes; hinc clarum nomen ad astra VOLAT.
5 Ceu GAVISVS erat; sic GAVde, Frater amande
Gustave, et laeta munera mente cape.
Quae tibi Stregnensis nulli gravitate Secundus
Exhibet, hinc Clarum nomen ad astra VOLAT.
Ita Commensali suo jucundissimo
gratulabatur
28. Adr: Gustavus Olai Gulsteen – Aut: Andreas A. Malmenius (cf. 23)
Karlstad StB, SKB, [Tartu UB]
GRATULATIO
Audio Gentem!
Tyrsiger, Evan,
Collige baccas;
5 Corniger et Pan,
Inspice vaccas;
Mulciber ardens,
Cude metalla;
Belliger audens,
10 Incipe bella.
Cedite longe.
Blanda Camoena,
Voce serena;
Candida Flora
15 Voce sonora;
Turba novena,
Carmina vena
Pange sonante.
Mira canentem,
20 Audio gentem!
Tingite largo,
More jubente!
Tingite nardo,
More docente!
25 Cingite flore,
More volente;
Spargite rore,
More petente,
Tempora Clari
30 Docta Magistri.
Dicite rite,
Voce sonora;
Atque perite,
Voce Canora:
35 Des DEUS, ardens
Semper amore;
Des DEUS, ardens
Semper honore;
Secula mille
40 Vivat ut ille.
S. S. S.
Suderm.
29. Adr: Gustavus Olai Gulsteen– Aut: Ericus Kolmodinus (cf. 23)
Karlstad StB, SKB, [Tartu UB]
GRATULATIO
Corpore firmus
Rusticus aequo.
Gaudet Avarus
5 Sorte Talenti.
Gaudet Amica
Pallida Labris.
Sed sine fine
Rite Novem te
10 Fronde Sororum
Fas erit omni
Parte beari.
Amoris ergo adjecit
Suderm.
30. Adr: Gustavus Olai Gulsteen – Aut: Benedictus O. Vegrelius (cf. 23)
Karlstad StB, SKB, [Tartu UB]
GRATULATIO
Si qua facis, sine fraude facis, GVSTAVE; timendum
Non adhibes lucrum: Dexter es ingenio.
Voce tua posses, GVSTAVE, arcana movere;
<V>ox tua svave sonat; dexter es eloquio.
5 <Degust>as, GVSTAVE, animis discrimina rerum:
<D>egustas, Christo dante, brabea pia.
<Degust>es, meruit, quae candida praemia Virtus;
<D>egustes succum rite Magisterij.
C. C. C.
Suderman.
31. Adr: Gustavus Olai Gulsteen – Aut: Johannes Petri Gutheim (cf. 23)
Karlstad StB, SKB, [Tartu UB]
GRATULATIO
Qvi dubij gaudent Martis certamina pleno
Ausu justa sequi, praemia jure ferunt;
Sic, quia GUSTAVUS certamina multa subivit
Musarum in castris Castalidumque Choro:
5 Tempora Pierides decorant viridante Corolla,
Thespiades meritis dant nova Serta comis.
Hinc rata fama viget virtutibus aucta beatis.
In Patriae laudem digna brabeia ferat.
Gratulabundus adjecit
32. Adr: Gustavus Olai Gulsteen – Aut: Johannes Magnelius (cf. 23)
Karlstad StB, SKB, [Tartu UB]
GRATULATIO
Tempus adest, celebri quo Docti ornantur honore,
Et veniunt Musis Serta beata tuis.
Non est exiguum meritum, quo fama superstes
Jam, GVSTAVE, tibi post tua fata manet.
Ita vovebat animus et calamus
33. Adr: Gustavus Olai Gulsteen – Aut: Ambernus Haquini Printz (cf. 23)
Karlstad StB, SKB, [Tartu UB]
GRATULATIO
Per Anag.
LUGE, GUSTA ALOEN? JUSTUS.
O Embecciades concedite candida Musae
Munera, votivum carmen ab ore fluat.
Sint, GUSTAVE, tibi fausti, quos cernis, honores;
Tangit nunc portum Cymbula amica tuum.
5 LUGE, et GVSTA ALOEN! JVSTVS sis servulus almi
Jovae; sis felix; vive; vigesce; Vale.
Quod animitus ap.
34. Adr: Gustavus Olai Gulsteen – Aut: Bernhardus Lohman (cf. 23)
Karlstad StB, SKB, [Tartu UB]
GRATULATIO
Dante Deo, fluxit largo cum foenore tempus,
Quo tenerae gressus fecisti mentis in Arte
Eximios; animi culti quo signa dedisti.
Hinc tibi honor, GVSTAVE, venit; pulcerrima virtus
5 Hinc tibi fert Laurum, cingit caput undique Laurus.
Ipse ego, te sanctae Sophiae compello MAGISTRUM,
Praeceptor mi; Sic meruisti jure vocari.
Sic pia Musa Solet meritos ornare labores:
Vive, Vigeque diu, per secula sera vireque,
10 Et faveat coeptis ex alto CHRISTUS JËSUS.
Ita fidelissimo suo Dn. Praeceptori ex animo
gratulari voluit
35. Adr: Gustavus Olai Gulsteen – Aut: Sveno Lohman (cf. 23)
Karlstad StB, SKB, [Tartu UB]
GRATULATIO
Carmina si possem tenui jam fundere vena,
Grataque sic Musis dicere verba piis;
Hoc certe facerem tibi nunc, Praeceptor amande,
Qui facilem monstras scandere ad alta viam.
5 Sed cum non dederit me sors invisa Poëtam;
Vt Valeas longo tempore, Vota sient.
Ita charissimo Dn. Praeceptori ex animo vovet
36. Adr: Gustavus Olai Gulsteen – Aut: Ericus Olai (cf. 23)
Karlstad StB, SKB, [Tartu UB]
GRATULATIO
Est quod nunc plaudam, totoque e pectore laeter,
Frater, dum Laurus te super alta vehit.
Gratulor inde tibi, gratorque Parentibus ipsis
Qui pia vota tibi nocte dieque vovent.
5 Perge pari passu, Doctosque imitare studendo;
Inter honoratos sic tibi Nomen erit.
Ita Fratri Germano charissimo, et fidelissimo Dn. Praeceptori
de novis honoribus fraterno ex animo gratulatur
37. Adr: Gustav Adolph – Aut: Laurentius Ludenius (Immortalitas D. liberatoris Germaniae, /.../ Gustavi Adolphi, /.../ Svecorum, /.../ regis; /.../ parentatione anniversaria, in Regia Academia Gustaviana Adolphina, quae Dorpati /.../ est /.../ die 6. Novembris anno 1647. /.../ aeternitati consecrata a Laurentio Ludenio, /.../. Dorpati, 1647: J. Vogel)[3] SKB, UUB, Växjö LB, [Tartu UB]
DEDICATIO
REX
ADOLPHUS.
Per Anagramma;
REX
AUGUSTUS
HAS DVPLO.
SS. Reg. Maj. tis Symbolum:
CUM DEO ET VICTRICIBUS ARMIS.
Gratia, Christe, tua est; Patriae Civemque Patremque
Quod gero, res Sancti curo quod Imperij.
Gratia, Christe, tua est; quod Res Victricibus Armis
HAS REX AVGVSTVS conduplicando DVPLO.
5 Christo Dante, mea Phoenix in Prole renatus
Vivo: Deo Vivat Regia Progenies!
38. Adr: Ericus A. Holstenius – Aut: Johannes Erici Stregnensis (Disputatio theologica in caput vigesimum primum a v. 1 usque ad v. 15. D. evangelistae Johannis selectissimas notas exhibens, in Regia Academia Dorpatensi publicae censurae subjicietur, praeside Andrea Virginio, /.../ respondente Erico A. Holstenio, /.../ die 9. Aprilis anni 1647. Dorpati Livonorum, 1647: J. Vogelius)
UUB, Växjö LB, BRAN, [Tartu UB]
GRATULATIO
Musarum atque Virtutum Strenuo Sectatori, Doctissimo
et Humanissimo Juveni,
Dn. ERICO ANDREAE HOLSTENIO, SS. Theolog.
et Philosoph. Studioso indefesso.
Tertia splendebat stellis aurora fugatis,
CHRISTVS ubi absolvit grande Salutis opus.
In vitam rediit, superata Morte; soluto
Inferno; victo jam Phlegethonte truce.
5 Omnis in hoc nostrae consistit summa salutis;
CHRISTI vita mei, vita beata mea est.
Felix qui CHRISTVM redivivum suspicis unum:
CHRISTI vita tui, vita beata tua est.
apposuit
Mathemat. super. et Phys.
Prof. Publ.
39. Adr: Ericus A. Holstenius – Aut: Olaus Salenius (cf. 38)
UUB, Växjö LB, BRAN, [Tartu UB]
GRATULATIO
Strenuus ut Miles vibrat data fulmina Martis,
Quo valida capiat munera grata manu:
Sic, Docte Holsteni Musarum fervide Cultor,
Thespiadum cupida munera mente legis;
5 Delibent alij largi Carchesia Bacchi,
Tu Latios, Grajos, funderis ore sales:
His precor ut vigeas: te cinget Apollo corona,
Et venies Patriae gloria magna tuae.
Ita Sympatriotae L. mque applaus.
Pastor Ringensis.
40. Adr: Ericus A. Holstenius – Aut: Abrahamus Georgii Thauvonius (cf. 38)
UUB, Växjö LB, BRAN, [Tartu UB]
GRATULATIO
'Anagram.
LUCES IN ORE; I; SANARE STUDE.[4]
Lingvae usum varium, et, multum est, rationis amussim
Noscere; sed Fidei Dogmata, majus opus!
Hebraeae et Grajae decorat te cura Minervae,
Et Logices studium re meliore beat.
5 Gratius ast nihil esse potest, quam attendere Sacris,
Quae Vetus, et Pactum dixerit usque Novum.
Holsteni, decorant haec te, redduntque beatum;
Eusebiae et Sophiae cognitione clues.
Eusebiae et Sophiae LUCES bene pulcer IN ORE:
10 I; SANARE STUDE, si quid obesse potest.
TÁj filadelf…aj›nekagratulatur
41. Adr: Ericus Andreae Holstenius – Aut: Andreas Virginius (Sacris magisterii honoribus: quos, facultatis philosophicae decanus /.../ Johannes Erici Stregnensis, super. mathem et physic. profess. ordin. in Regia Academia Gustaviana Adolphina, quae Dorpati /.../ est /.../ die 8. Novembris, anno 1647, publice /.../ conferebat /.../ Erico Andreae Holstenio, Westmannia Sveco: quaevis fausta precantur Musae Embecciades. Dorpati Livonorum, 1647: J. Vogelius) H, [Tartu UB]
GRATULATIO
Quid petis, HOLSTENI? num dicam carmine laudes?
In laudes nihil est luxuriare tuas.
Novit Dorpatum; novitque Academia tota
Queis sis ornatus dotibus ingenij!
5 Quod petis ergo dabo, cordis mea candida vota;
Votis hisce Deus pondus inesse sinat.
Semper honos vigeat, firma et laus posthuma constet,
Quam tua promeruit cura laborque gravis.
Nestoris et vivas annos hoc clarus honore,
10 Et Patria hinc capiat commoda multa, precor.
SS. Theol. D. et Prof.
42. Adr: Ericus Andreae Holstenius – Aut: Laurentius Ludenius (cf. 41)
H, [Tartu UB]
GRATULATIO
ARRHA laboris, Honos: Honor acti est ARRHA pericli:[5]
Ingenuae mentis Fax Honor: ARRHA Boni.
ARRHA triumphantis MUSAE, Duce et Auspice Christo,
Serta Magisterij deliciosa cluent.
Per Anag.
DEO ET MUSAE LUCENS IN ARRHIS.
5 Et tu, Mercurij Soboles; tu juge Lycei
Delicium; Aonij Fama Decusque Chori;
Esto DEO ET MUSAE LUCENS florentis In ARRHIS
Ingenij: ARRHArum nomine dives eris.
Sic! Bene sic dici consvescis, ERICE, MAGISTER;
10 Et MUSAE, ET LUCENS candida Vita DEO.
Quod in felix omen app.
Laurentius Ludenius, Ph. et J.U.D.
Poët. Cor. Prof. Ord.
43. Adr: Ericus Andreae Holstenius – Aut: Michael Bostadius (cf. 41)
H, [Tartu UB]
GRATULATIO
Cantantur merito, praeconia laeta feruntur,
Quos juvit multae prosperitatis Agon.
Carmine narrantur, quos tangit nominis ardor,
Quique suum studium sedulitate fovent.
5 Haec vigili volvens indagine mentis ERICVS
HOLSTENIVS, studuit dexteritate pius.
Pieridum in coetu sudavit gnaviter ille:
Audiat utque SOPHOS, sedula cura fuit.
Arte etiam coluit Lingvas: est Grajus et Heber;
10 Et Clariae Musae fidus Amator ovat.
Pro tantis ausis, Pallas sacra praemia confert,
Digna pio Ingenio, digna Magisterio.
Jamque comas meritas cingit Thymbraeus Apollo,
Cultoremque suum debito honore beat.
15 Sit faustum et felix. Faustum tibi grator honorem:
Et clarum nomen, jam sine fine feras.
Bonae affect. Ergo deproperabat
ad Aed. D. Mar. Pastor.
44. Adr: Ericus Andreae Holstenius – Aut: Olaus G. Salenius (cf. 41)
H, [Tartu UB]
GRATULATIO
Herbam melligeram praesentat ERICVS ericam,
E qua mella bibunt dulcia Daedalae apes.
Aonio quoties sonitu pia verba figurat,
Os toties ejus dulcia mella sonat.
5 Non livor Juvenem, non herbam hanc rodat eruca,
Qui nil ni lingva dulcia mella sonat.
In honorem Praestantissimi Domini Erici Holstenij
Sympatriotae, Compatris et Amici optimi,
gratulabundus cecinit
45. Adr: Ericus Andreae Holstenius – Aut: Laurentius Morman (cf. 41)
H, [Tartu UB]
GRATULATIO
Per Anag.
SANE, HIC SVAVITER REDOLENS.
SVAVITER HIC REDOLENS SANE Virtutis amator,
Et SANE HIC REDOLENS SVAVITER Artis amor.
SVAVITER HInC REDOLENS illi Virtutis oliva,
SVAVITER et REDOLENS porgitur Artis honos.
5 Innumeros REDOLENS HIC SANE SVAVITER annos
Floreat, et REDOLENS SVAVITER astra petat.
Ita Amico candidissimo Candide gratulari
voluit
46. Adr: Ericus Andreae Holstenius – Aut: Andreas Bergh (cf. 41) H, [Tartu UB]
GRATULATIO
Surgit Dorpati sublimis vertice collis,
Qui plus centenis passibus alta petit.
Hic vivo mollis semper stat cespite tellus,
Quem gelidis saxum jugiter auget aquis.
5 Summa virent Lauru; sed vestit coetera quercus,
Et multum redolens hic Libanotis olet.
Hic variae volucres densis sub frondibus haerent,
Fallentes dulci tempora longa vice.
Mane ubi jam primum rutilans aurora rubescit,
10 Et lucem nobis porrigit orta dies;
Fervidus huc propero, celeres huc dirigo gressus,
Quo rapidam possem fonte levare sitim.
Horrida jam rapidi non fundunt murmura venti,
Et virides nemoris nec strepuere comae.
15 Nam modo circumflans Eurus, qui surgit ab ortu, et
Africus a sero vespere, rite silent.
Jam stridens Boreas, gelida qui surgit ab Arcto,
Et Notus immotus voce tacente tacent.
Attamen arcanum murmur, sylvaeque sonantes,
20 Et strepitus Aures personuere meas.
Figo pedem; vigiles oculos per singula volvens
Me ratus hic aliquid cernere posse novi.
En ter tres Nymphas in summo vertice vidi
Saltantes, passis purpureisque comis:
25 Castis virgineae frondes de culmine lauri
Decerpunt digitis, laurea serta parant.
Agnovi: veniunt indutae vestibus albis;
Virginei flores, Pieridumque chori.
Moribus adventant castis Heroides almae,
30 Certatim secum dona operosa ferunt.
Praestolor Aoniae turbam stupefactus in umbra.
Quaerens, quo studeant deproperare gradus.
Dorpatum dicunt properamus poplite flexo,
Ut demus juveni docta Trophaea Viro.
35 Ordine progreditur pulcherrima pompa Sororum;
Tale refertque mihi Musica turba Melos.
Calliope.
Conspicuis donis, florens HOLSTENIUS annis,
Et praestans Phoebi, Pallados atque bonis.
Incoepit dextre, bene perfert; finit amicas
40 Artes, hinc ipsi Laurea serta fero.
Lauriger et vireat, vivat ter faustus in orbe,
Dum dat humus ventos, sudat Olympus aquas.
Clio.
Sic HOLSTENIUS, altum decus ordinis
Nostri, perpetuo floreat apprecor,
45 Ceu florens Amaranthus Libani in jugis.
Erato.
Ingens Pieridum decus,
En HOLSTENIUS, ut strenuus Hercules
Certavit valide meis
In Castris: animae dimidium meae;
50 Sospes, ceu viridis viret
Laurus: Secula per singula germinet.
Euterpe.
Fulgida lucentis ceu Coeli sidera lucent,
Spartica vel Myrthus viret; almae
Sidus sic Sophiae, Myrthusque, HOLSTENIUS alte
55 Luceat, et vireat precor usque.
Melpomene.
Floreat semper decus o Sororum
Et gerat sospes viridi corollas
Fronde paratas.
Polymnia.
60 O
Ego
Profecto
Docto, pio,
Probo, Sagaci,
65 Culto, Viraginis
Olympici Parentis
Nato, et Cohortis Musicae
Choro Sodali ut ac Alumno
70 Grati laboris sedulo peracti
In Palladis Choro, palaestra et artibus;
Pia fero manu: vovens hinc ceu corolla
Tenace Lauri ramulo contorta, perpetim
Vernans manet semper. Virescat sic Alumnus hicce.
75 Mecum venusta Apollinis cohors venuste concinit.
Terpsichore.
Est mihi curae,
Mente Sodalem
Cingere pura.
Aspice qualem
80 Mente politum
Pallados arte,
Mente politum in
Pallados arce
85 Qui probitate
Gratior aura,
Qui pietate
Purior unda.
Qui bonitate
90 Svavior uva.
Lauriger ergo
Nestoris annos
Vivat amice.
Thalia.
Ut Laurus viret in vertice Maenali
95 Aspirantibus Euris tepidissimis
Claros floreat unice.
Vrania.
Nostin quaeso meum HOLSTENIUM, Amicum? age
Pulchris Moribus atque Artibus optimis
100 Ornatum? hacce corona caput illius
Perdoctum viridi fronde premam: Vale.
Honoris, Amoris et Moris E. Amico et Sympatriotae
Suo candidissimo, ita candide gratulari
voluit
Westman.
47. Adr: Ericus Andreae Holstenius – Aut: Johannes Marquardus Stiernhielm (cf. 41)
H, [Tartu UB]
GRATULATIO
Charitesque adeste mecum;
Et quicquid est amoeni
Vsquam, orbe toto. Adeste.
5 En PHOEBVS ipse celso
Fastigio locatus
Stat, jam daturus alma
Clientibus brabea.
Hos inter eminere
HOLSTENIVM; subacti
Cui dedere MORES,
Mentem, indolemque honestam;
Lingvaque multilingvi
15 Dilavit ora SVADA.
SOPHIA aequa pectus ornat
Varia severiorum
Gaza SCIENTIARUM;
Et ARTIVM figurat
20 Pulcro politiorum
Consortio decorum.
Adeste nunc, Camoenae,
Charitesque adeste mecum;
Et quicquid est amoeni
25 Usquam orbe toto. Adeste
Huic accinamus omnes:
Huic jubilante voce,
Plausuque laeto ovantes
Ter, et amplius precemur:
30 FELICITER! Secundent
Dii, prosperentque honores
Tanto sudore partos,
Tanto labore dignos!
Honoris et amoris ergo cecinit
Johan. Marquardus Stiernhielm /
48. Adr: Ericus Andreae Holstenius – Aut: Nicolaus Ahasveri (cf. 41)
H, [Tartu UB]
GRATULATIO
Mopsus et Philomusus.
M. Ecce novus scandit Musarum culmina Mysta.
P. Scandat: Nam nitidae est Mysta sacer Sophiae.
M. Romanusne satu? P. Non sangvine, at ore. M. quis ortum
Vendicat egregium? P. Svetica terra sibi.
5 M. Quid facit, ut scandat? P. virtus. M. et praeterea quid?
Tinctum Gorgoneo rite liquore caput.
M. Quo Praeses dono Mystae caput ornat Apollo?
P. Florenti lauru, quae sine fine viret.
M. Nomine quo gaudet Mysta hic? P. HOLSTENIUS M. estne
10 Wesmannus genere? P. Est. M. Munera nonne feram?
P. Fer. M. quae? M. Vota; M. Sat est: Praeeas modo, non remanebo,
P. Felix faustus honor! M. Sit, precor, HOLSTENIO.
Honoris et amoris ergo scripsit
49. Adr: Ericus Andreae Holstenius – Aut: Christianus Jheringius (cf. 41)
H, [Tartu UB]
GRATULATIO
Per Anag.
NAE HIC RADIVS SERENVS OLET.
Fama virtutis, RADIVS SERENVS,
Fama Doctrinae redOLET remote, et
Candidos ultra Siculos et Indos
Spargit odores.
5 Talis est HIC NAE RADIVS SERENVS,
Talis est HIC NAE redOLEns Magister,
Cujus e fama, redOLEns per orbem
Spargitur aura.
Vivat o faelix! RADIVS SERENVS;
10 Vivat hinc foelix, OLEaT Magistri
Svaviter virtus, RADIOS SERENOS
Spargat in orbem.
Moris et honoris E. apposuit
50. Adr: Ericus Andreae Holstenius – Aut: Gustavus Andreae Appelboom (cf. 41)
H, [Tartu UB]
GRATULATIO
Splendor Virtutis nullum offuscatur in aevum;
Interitum certe nesciet artis honos.
Haec duo sectaris junctim tu, docte MAGISTER
HOLSTENI; quare fama perennis erit.
Honoris et amoris ergo apposuit
51. Adr: Ericus Andreae Holstenius – Aut: Laurentius Wallerius (cf. 41)
H, [Tartu UB]
GRATULATIO
Laetum tempus adest, quo gnavis donat Alumnis
Auricomus Phoebus praemia larga suis.
Gnavus Alumnus eras, HOLSTENI, candide Amice;
Quae meruit, capiat frondea serta Labor.
5 Exopto Pylios ducas feliciter annos,
Nomine Te claro Dorptica Musa beat.
LAVRENTIVS WALLERIVS, Helsingius.
52. Adr: Ericus Andreae Holstenius – Aut: Gudmundus Lidenius (cf. 41)
H, [Tartu UB]
GRATULATIO
Plaudite Pierides; bene vestro plaudite Alumno
HOLSTENIO; Laurus clara paratur ei.
Musarum in castris, ut miles strenuus, ivit:
Ceu pia vita probat, ceu pia scripta docent.
5 HOLSTENI, hinc titulos, clari nomenque MAGISTRI
Suscipe; sis patrio Splendida gemma Solo.
Non tam moris, quam amoris E. scripsit
GUDMUNDUS LIDENIUS, Smol. Svecus.
53. Adr: Ericus Andreae Holstenius – Aut: Nicolaus Verginius (cf. 41)
H, [Tartu UB]
GRATULATIO
Praemia Virtutis.
Palma, Corona, Decus, Lux, Laurus, Laus, Honor, Aurum,
Virtuti addictos Nobilitasse solent.
Wie Mars der starcke Held/ mit seinen tapffern Kindern/
Den Feind in Hitz/ vnd Kält/ in wachen auch nicht minder/
5 Nachsetzen soll/ vnd muß/ biß er für sein Beswer/
Erjagt des Feindes Beut/ der Thaten Lob vnd Ehr:
Also O Musen Sohn/ hat er in seiner Jugend/
Kein Zeit vorbey gebracht/ in dem er nicht der Tugend/
Sehr nach gesetzet hat/ kein Hitz hat er geacht/
10 Viel weniger die Kält darzu viel Nacht gewacht
Biß er diß Ziel ersagt: Sein Nahme wird für allen/
Für allen Lands=Leut auch im Vaterland erschallen/
Die Pallas Söhne hier/ die geben ihm zum Lohn
Für seinen grossen fleiß/ der Tugend Ehren=Krohn
15 Drumb diese grosse Ehr/ vermehr er Herr Magister,
Mit vnerspahrten Fleiß/ daß man ihn GOttes Priester
Noch dieses jahr hie nenn/ vnd dann auch übers Jahr
Professor nennen mag; dazu ein schönes Paar
Die seine Müh bezahl/ und jhn mit Freud ergetze
20 Die Unkosten dabey sein reiche Braut ersetze/
Glückselig wird er seyn/ den der jhn nur gekandt/
Wird sagen dieser hat sein Zeit wol angewand.
Amico suo singulari posuit
NICOLAVS VERGINIVS, A. F. Nob.
54. Adr: Ericus Andreae Holstenius – Aut: Georgius G. Gezelius (cf. 41)
H, [Tartu UB]
GRATULATIO
Quaerite frondes,
Carpite flores
5 Culta per arva
Atque roseta.
Cingite flore
Tempora docta;
Cingite fronde
10 Tempora clara.
Spargite rore,
Tempora casta:
Ferte Corollas,
Atque Smaragdos.
15 Huicce Magistro.
Quaerite plectra,
Verba ligate;
Carmina mille
Rite sonate;
20 Addite votum,
Addite laetum,
Addite gratum:
Lauriger hicce
Tempora longa,
Arte MAGISTER.
Ita Chariss. Dn. Praeceptori suo animitus gratulabatur
55. Adr: Ericus Andreae Holstenius – Aut: Ambernus Haquini Printz (cf. 41)
H, [Tartu UB]
GRATULATIO
Per Anag. E. in O. mut.
RHETOR AULICUS, AËDON SENIS.
Filius es coeli, Proles nitidissima Phoebi,
HOLSTENI; capies praemia digna Viro;
Praemia digna Viro, quo non praestantior alter,
Nam fervens Virtus vendicat apta tibi.
5 AULICUS es RHETOR; SENIS es bene svavis AËDON,
Fundis ubique sonos; fundis ubique melos.
Cincta Embecciades Lauro Parnasside Musae,
Pulsetis laeta Cymbala tota manu.
Evehit HOLSTENIUM praeclara ad sidera Virtus,
10 Cujus jam Lauru cingit Apollo comas.
Decurrant faciles felici sidere Menses;
Stante DEUS vitam prosperitate beet.
ANNO;
LILIa Dat VIVIs reDIVIVa en ferVIDVs VsVs.[6]
Ita Amico suo ex animo gratulari voluit ac debuit
AMBERNUS HAQUINI Printz/ W-Gothus
56. Adr: Ericus Andreae Holstenius – Aut: Arvidus Sigismundus Brandt (cf. 41)
H, [Tartu UB]
GRATULATIO
Laetor, HOLSTENI; Tibi nunc honores
Conferunt gratos Clariae Sorores:
Quaeso sint fausti. Bene tu Valeque,
Clare Magister.
Fausta Congratulationis Erg. haecce Dn. Commensali
deproperabat
57. Adr: Magnus Andreae Hööck – Aut: Salomon Matthiae (Disputatio theologica de creatione mundi; quam /.../ in Regia Livonorum Academia /.../ sub praesidio /.../ Andreae Virginii, /.../ ventilationi proponit, respondens Magnus Andreae Hööck, /.../ die < > Jun. anno 1647. Dorpati Livonorum, 1647: J. Vogelius)
BRAN, [Tartu UB]
GRATULATIO
Qvique Viros, totas sylvasque ferasque creavit,
Et plenas magni sustinet orbis opes;
Adferat auxilium, conatum dirigat omnem:
Atque dati coepti pulcrior actus erit.
Ita Praestantiss. Doctissimoque
Dn. Respondenti gratula-
ri voluit
SS. Th. P.P. et ad D. Johan.
Pastor.
58. Adr: Magnus Andreae Hööck – Aut: Laurentius Ludenius (cf. 57)
BRAN, [Tartu UB]
GRATULATIO
Praestantiss. et Humaniss.
Dn. Respondenti.
Miror; in aetherio quod sit Vertumnus Olympo,
Et Terra in nullo ponat vestigia fundo,
Pendentique super claudantur ut omnia Coelo!
Felix, qui tantas arcano foedere moles,
5 Atque DEI, narras, VERBO Omnipotente creatas.
In felix a. s.
Laurentius Ludenius, Ph. et J.U.D.
ac Profess. P.
59. Adr: Arvidus Laurentii Hygridius – Aut: Laurentius E. Emzelius (De cognitione nostri oratio: quam, /.../ in Regia Academia Gustaviana Adolphina, quae Dorpati /.../ est /.../ die 24. April. anno 1647. publice /.../ enarrabat Arvidus Laurentij /.../. Dorpati Livonorum, <1647>: J. Vogelius) SKB, UUB, Växjö LB, [Tartu UB]
GRATULATIO
'Anagramma.
IN JURE LAUDAS, HYGRIDI, VIRTUS!
Multi multa retro laudant in secula Doctos,
Quos faciles VIRTVS protulit arte sua.
Tu JVRE, HYGRIDI, LAVDAS meliore refersque
Quid sit se nosse, ac interiora sua.
5 Eximia est VIRTVS, merito pars candida famae;
Noscere se, summum Noscere posse Deum.
Perge, doce solers, naturam noscere nostram,
HYGRIDI; VIRTVS sic tibi JVRE venit.
Ornatissimo et Doctissimo Dn. Peroranti,
Amico Syncere dilecto, haec in Ami-
citiae signum apposuit
WestroGothus.
60. Adr: Arvidus Laurentii Hygridius – Aut: Ambernus Haquini Printzius (cf. 59)
SKB, UUB, Växjö LB, [Tartu UB]
GRATULATIO
Per Anagramma.
HYGRIDI, SUDAS; I LAURU VIRENTI.
Ut roseo blandum Ver omnia cingit amictu;
Te studijs sacrae sic excoluere Camoenae.
Hinc animo laetus, candide Amice, tibi
Signo brabea.
5 HYGRIDI, SUDAS;
I LAURU, exopto, VIRENTI:
Fervida Musarum
sectaris pectore castra:
Det Deus, ut solers praemia grata feras.
Vive, Valeque.
Ita Vovebat animus et
Calamus
Printzij.
61. Adr: Arvidus Laurentii Hygridius – Aut: Johannes Petrj Falch (cf. 59)
SKB, UUB, Växjö LB, [Tartu UB]
GRATULATIO
Hoc opus egregium, quod volvis, Sympatriota:
Exornas vitam laudibus eximijs!
Et te Embecciades laudant satis undique Musae,
Rite tuumque fovent hoc docile ingenium,
5 Patria pulcra canet tibi jam praeconia laxa;
Illa pium studium nunc repetetque tuum.
Haecce, fraternitate fretus
apposuit
WestroGothus.
62. Adr: Arvidus Laurentii Hygridius – Aut: Paulus Petri Rhavingius (cf. 59)
SKB, UUB, Växjö LB, [Tartu UB]
GRATULATIO
Sedulus ut Miles, fortem se praestat in armis,
Unde sibi et patriae commoda magna parat:
Sic facis, Hygridi, praedulcis Sympatriota,
Acriter in studijs consulis ipse tuis.
5 Perge; tuis coeptis det vela secunda Jehova.
Ut Patriae prosis, Vive, vigeque precor.
Ita Sympatriotae suo gra-
tulari voluit
WestroGothus.
63. Adr: Ericus Kolmodinus – Aut: Johannes Erici Stregnensis (Disputatio ethica de virtutibus moralibus in genere; quam, /.../ in Regia Academia Gustaviana Adolphina, quae Dorpati /.../ est /.../ sub praesidio /.../ Johannis Erici Stregnenesis, /.../ publicae censurae discutiendam ac ventilandam exhibet Ericus Kolmodinus, /.../ ad diem <3.7.> 1647. /.../. Dorpati Livonorum, 1647: J. Vogelius) SKB, UUB, H, [Tartu UB]
GRATULATIO
Humanissimo atque Doctissimo Dn. Respon-
denti, Sympatriotae suo Charissimo.
Delicium Humanae Virtus pulcerrima Vitae;
Ad Coelos Virtus Nobile pandit iter.
Deveneranda pias respectant Numina Mentes;
Est pietas toti deliciosa Polo.
5 Conscia justitiae Mens, et sibi conscia Recti,
Immensi felix floret in orbe Soli.
Pulcra recordari benefacta peracta Voluptas;
Inclyta, cum vera Simplicitate, Fides.
Felix ad laudem tua dum pulcerrima virtus
10 Nititur; hinc vitam Fasque Bonumque regat.
Sic gratulari voluit
Mathem. Super. et Physic.
Prof. Publ.
64. Adr: Ericus Kolmodinus – Aut: Petrus Caroli Undenius (cf. 63)
SKB, UUB, H, [Tartu UB]
GRATULATIO
In Sophiae sudas bene KOLMODINE salebris
Phoebi subsidio, Palladis auxilio.
Horrentesque rubos, et amantes ardua dumos
Ingenij excidis falce sagace pij.
5 Laude salutifera virtutis dogmata tractas;
Illa satis nunquam laudis habere potest.
Ut res grata Deo, sic proximo humilima Virtus,
Unde satis nunquam laudis habere potest.
Hinc eris, Assyrio cui quondam crinis amomo
10 Splendeat, et cingat Flora decora caput.
Humaniss. atque Doctiss. Dn. Respondenti, et Thesium
harum Authori dexterrimo, paucissimis hisce
gratulari voluit
W-Gothus, SS. Theol. Stud.
65. Adr: Ericus Kolmodinus – Aut: Andreas Koßkull (cf. 63)
SKB, UUB, H, [Tartu UB]
GRATULATIO
Nescia, stat Virtus, turpem perferre repulsam,
Assequitur laudes, ut gravitate viget.
Paucis hisce, animi sui promptitudinem erga Dn. Re-
spondentem, Amicum, Convictorem suum sva-
vissimum declarare voluit
Nob. Svecus.
66. Adr: Andreas Koßkull – Aut: Laurentius Ludenius (De venatione oratio: quam, /.../ in Regia Academia Gustaviana Adolphina, quae Dorpati /.../ est /.../ die 17. Februar. anno 1647. publice /.../ enarrabat Andreas Koßkull, jun. /.../. Dorpati Livonorum, 1647: J. Vogelius)
SKB, Växjö LB, H, [Tartu UB]
GRATULATIO
Nobilissimo et Praestantissimo Dn. Peroranti.
Per Anag. K pro C retento:
KALKANS EDUROS.
Sic CALCANS Virtutis iter; Christo Auspice, CALCANS
EDUROS. CALCANS i Pietatis iter.
In felix omen app.
Laurentius Ludenius, Ph. et J.U.D.
ac Prof. Ord.
67. Adr: Andreas Koßkull – Aut: Johannes Erici Stregnensis (cf. 66)
SKB, Växjö LB, H, [Tartu UB]
GRATULATIO
Sic tua Nobilitas de sangvine fulgeat alto!
Sic patris, ANDREA, sis Generosus amor.
Tu rerum causas, et quod natura doceret,
Venaris Studij dexteritate pij.
5 Venaris, quae Socratico sapientia libro est
Condita; venaris quae Themis aequa probat.
Et modo deprendis[7] Venator in aëre praedam,
Dum volucrem captas Aucupis arte feram.
Jam celeres jaculo lepores, cursuque fatigas,
10 Jamque citos urges per juga summa canes.
Sic juvet incinctae Studia exercere Dianae:
Sic Themis optatam monstret ad astra viam.
Hoc nitor ille tui Generis desideret alti,
Hoc erit aeternae Nobilitatis opus.
Sic Nobilissimo atque Praestantissimo
gratulari voluit
M. Johannes Erici Stregnensis,
Mathemat. Super. et Phys.
Prof. Pub.
68. Adr: Andreas Koßkull – Aut: Laurentius Emzelius (cf. 66)
SKB, Växjö LB, H, [Tartu UB]
GRATULATIO
ANDREAS Koskul JUNIOR, NOBILIS:
'Anagram.
BONA VENARIS, KOSKUL: NOLI DIRIS.
Gnaviter ut densis nemorum venatur in umbris
Venator properans, vastaque tesqua colit:
Siccine mente pia, soboles nitidissima KOSKUL,
Tu BONA VENARIS, sensibus apta tuis.
5 Impiger ut saltet venator rupibus altis,
Et Globulis Pharetram farciat ipse suam.
Siccine mente pia, Generosi sangvinis aequa
Proles, VENARIS dexter in orbe BONA?
Perge, velut pergis, VENARI Pallados arte,
10 Delicium, KOSKUL, Pallados, Eunomiae.
Perge, precor; NOLI DIRIS accendier Iris,
Jurgia ne possint soeva nocere tibi.
Acriter in coepto VENARI tramite perge,
Et faveat Studiis Gratia grata tuis.
Nobilissimo et Praestantissimo Dn. Peroranti,
haec in Honorem et Amicitiae
signum apposuit
Laurentius Emzelius, W-Gothus,
SS. Theol. Stud.
69. Adr: Johannes Kuuth – Aut: Laurentius Ludenius (Disputatio theologica in caput vigesimum a v. 1. usque ad v. 19, D. evangelistae Iohannis selectissimas notas exhibens, in Regia Academia Dorpatensi publicae censurae subjicietur, praeside Andrea Virginio, /.../ respondente Johanne Kuuth, /.../ die < > anni 1647. Dorpati Livonorum, 1647: J. Vogel) Växjö LB, BRAN, [Tartu UB]
GRATULATIO
Doctiss. et Humaniss. Dn. Respondenti.
Illa dies postquam se tertia protulit orbi,
Ut, delens fuso peccatum Sangvine CHRISTUS,
Comminuensque caput veteris crudele Colubri,
Inde resurrexit vitales laetus in auras:
5 Sic consummata cum lux erit ultima Mundi,
CHRISTUS corporeos Animas hos mittet in artus;
Et subito dispersa vigor per membra volutus
Vivet; erit venis redivivus sangvis inundans.
Et cito, CHRISTUS ubi caput est praenobile nostrum,
10 Nos etiam sua membra trahet clarissima secum,
Ardua qui sanctae Fidei mysteria discis,
Sis felix: laeta aspiret fortuna labori.
Quod an. vov.
Laurentius Ludenius, Ph. et J.U.D.
Profess. Ord.
70. Adr: Johannes Kuuth – Aut: Petrus Caroli Undenius (cf. 69)
Växjö LB, BRAN, [Tartu UB]
GRATULATIO
Eusebiae et Sophiae proles dilecta, JOHANNES,
Aonij et nostri portio magna chori:
Sic dedit Ingenium magnum tibi magnus Apollo,
Quod propria ingenuus sedulitate foves;
5 Dum Sophiae spissas evolvis vomere arenas,
Inde tibi veniant munera sancta, precor.
Biblia scrutaris pulcerrima pectore laeto,
Et pia pro Christi nomine bella geris.
Dogmate sacrato, sancti tuba nuncia verbi
10 Evades, quondam coelica verba sonans.
Sic supereveniet tibi quod sacra pagina spondet:
Euge bone o Serve, hinc ingredere Astra Poli!
In felix omen paucula haecce
adjecit
W-Gothus, SS. Theol. Stud.
71. Adr: Johannes Kuuth – Aut: Andreas Koßkull (cf. 69)
Växjö LB, BRAN, [Tartu UB]
GRATULATIO
Perge bonis avibus, sacris incumbere Musis,
KVTHI; Delicium pulcrius Eusebiae.
Ita app.
Jun. Nob. Svec.
72. Adr: Johannes Kuuth – Aut: Andreas A. Malmenius (cf. 69)
Växjö LB, BRAN, [Tartu UB]
GRATULATIO
Svlcator Ponti peregrinas pulsus in oras,
Per varios casus horribilesque vias:
Vt repetat Patriae dulcissima tutius arva,
Et magni tranet tutius arva sali;
5 Sollicita stellas observat mente Polares,
Et manui pyxis nautica semper adest.
Nos omnes miseri, peregre his versamur in oris,
Ejecti patria sede, patente prius.
Tutius ergo quo repetamus tecta relicta,
10 Tranemusque pie puppibus orbis aquas;
Nobile depositum, coelestia pacta Jehovae,
Naviculae pyxis, stella Polaris, erunt.
Haec tu perpendis, mi Sympatriota JOHANNES,
Vt tandem Patriam tutus adire queas;
15 O sequere hanc Stellam, juxta hanc tu dirige puppim,
Atque eris aeterni stella futura soli.
In syncerae amicitiae arrham, Amico
infucato sic gratulari voluit
Sudermannus.
73. Adr: Thomas Kühn – Aut: Laurentius Ludenius (De anima oratio: quam, /.../ in Regia Academia Gustaviana Adolphina, quae Dorpati /.../ est /.../ die 15. Sept. anno 1647. publice /.../ enarrabat Thomas Kühn, /.../. Dorpati Livonorum, <1647>: J. Vogel)(cf. 115) SKB, Växjö LB, LAB, Tartu UB
GRATULATIO
Doctissimo et Humanissimo Dn. Peroranti.
Per Anag.
AH! CUM HIS NOTUS.[8]
Pieridis NOTae, Christo Duce et Auspice, Musae:
HIS, AH! CUM Musis tu bene NOTUS eris.
In felix auspicium app.
LAURENTIUS LUDENIUS, Ph. et J.U.D.
Prof. Ord.
74. Adr: Thomas Kühn – Aut: Johannes Erici Stregnensis (cf. 73)
SKB, Växjö LB, LAB, Tartu UB
GRATULATIO
Sic, quae causa Animas per totum provehat aevum,
Et teneat vitam quae rata causa datam;
THOMA, Delicium Musae, pia fama Lycei,
In scripto hoc sensu candidiore doces.
5 Cum lapsa intereunt jam corpora, sola superstes
Nostra Anima in sedes evolat aethereas.
Perge, velut pergis: pulcra statione locabis
Famam, Animamque tuam. Rite beatus eris.
Honoris ergo haec apposuit
M. JOHANNES ERICI STREGNENSIS,
Mathem. Super. et Phys. Prof. P. Facultat.
Philosoph. p.t. DECANUS.
75. Adr: Thomas Kühn – Aut: Johannes Conrad Schneider (cf. 73)
SKB, Växjö LB, LAB, Tartu UB
GRATULATIO
Ipsa Animas animat Divina Potentia nostras;
Atque animant Animae Corpora nostra datae.
Hinc redit in terram cum Corpus, nostra superstes
Altum Anima in Coelum sorte beante redit.
5 Felix, qui curas Animae, qui corporis una
Commoda procuras! sic animosus eris.
Haecce paucula in felix omen adjecit
Nordlingensis, SS. Theol. Stud.
76. Adr: Thomas Kühn – Aut: Martinus Röselerus (cf. 73)
SKB, Växjö LB, LAB, Tartu UB
GRATULATIO
Per Anagr. h. in e.
CUJUS OMEN HIS VOLITANS ERIGIS?[9]
Optime Pieridum Frater, perspecte Sodalis,
Vincula qui firma junximus usque fide:
Dic mihi, CUJUS erit nunc OMEN nomen amatum,
5 Forte per hanc Animam: Patriaeque cacumen honoris
Erectum censes? Sic: bene cedat opus!
Et Affinitatis ratione, et honoris symbolo posuit
77. Adr: Mauritius Lemnerus – Aut: Augustinus Eberhardi (De libero arbitrio oratio: quam /.../ in Regia Academia Gustaviana Adolphina, quae Dorpati /.../ est /.../ die 14. April. anno 1647. publice /.../ enarrabat Mauritius Lemnerus, /.../. Dorpati Livonorum, <1647>: J. Vogelius) SKB, Växjö LB, H,LAB, [Tartu UB]
GRATULATIO
Doctiss. et Humaniss. Dn. Peroranti.
MAURITI, decus Eunomiae, gratissima nostri
Cura sodalitij, deliciumque meum:
Libera quae Divini homines arbitria dicant,
Res quondam obscurae cognitionis erat.
5 At jam, dante Deo, Christo Duce, et Auspice Flatu,
Ardua res, facilis cognitionis erit.
Sic ex Divino tua ducta Oratio Verbo
Monstrat, et optata dexteritate docet.
Sis bonus o felixque pio conamine semper,
10 Et Musae vivas candidioris amor.
In felix ausp. sc.
78. Adr: Mauritius Lemnerus – Aut: Zacharias Koch (cf. 77)
SKB, Växjö LB, H,LAB, [Tartu UB]
GRATULATIO
Quem Penes arbitrium est moderari tempora rerum;
Et nostrum praesens qui moderatur opus:
Is, LEMNERE, tuum conatum dirigat omnem;
Humanum arbitrium dirigat ipse Deus.
Ita precabatur
Pritzwalcensis,
Marchiacus.
79. Adr: Petrus Svenonis Lidenius – Aut: Andreas Virginius (Oratio panegyrica, qua examinatur quinta pars, sive cento visionum G. Reichardi: /.../ conscripta, et /.../ die 7. Julij anno 1647. habita in acroaterio synodali acropolis Revaliensis a Petro Svenonis Lidenio, /.../. Dorpati, <1647>: J. Vogel)
SKB, Växjö LB, H (def), EAB, [Tartu UB]
GRATULATIO
Ad
Virum
Doctrina et Virtute Praestantissimum
DN. M. PETRUM SVENONIS LIDENIUM,
Scholae Revaliensis Rectorem, et Consist.
Regij Assessorem
De Visionibus
Prosfwn»mata.
Qvaeris, de Visis RICHARDI quae mea mens sit,
Et quis Scriptorum, quae divulgavit in orbe
Autor sit, Deus an Daemon? Responsio prompta.
Scriptura est fidei, quae nescit fallere, norma:
5 Dogmata, huic sanctae quae sunt conformia normae;
Amplector totus; reprobo, quae dissona, prorsus.
Ergo, quam jactat RICHARDVS, Visio vana est,
Et quae dispergit Levipes, sunt dogmata falsa;
Quippe Sacrosancto disconvenientia Verbo:
10 Id quod LIDENIVS demonstrat voce sonora,
Et Scripto egregio, quod de fallacibus istis
RICHARDI Visis in lucem protulit ipse.
Gratulor hinc tibi, vir Praestans virtute, precorque
Numinis in laudem vergat labor ille sacratus,
15 Indeque tu capias caelestis praemia vitae.
Ex syncero cordis affectu fudit
Andreas Virginius, SS. Theol. D.
et Profess. in Regia Academia, quae est
Dorpati in Livonia, primarius, ejus-
demque p.t. RECTOR.
80. Petrus Svenonis Lidenius – Aut: Ericus A. Holstenius (cf. 79)
SKB, Växjö LB, H (def), EAB, [Tartu UB]
GRATULATIO
Mens mea praeteriti repetit dum temporis acta;
Colligit en retro lapsos quae gesta per annos.
Abogiae meminit quanto fervore colebas
Musas, ardenti sitiens ibi pectore lympham.
5 Aoniam, Fautor LIDENI Clare Magister.
Assidue siquidem Clariis vigilare Camoenis,
Et studiis multas insomnes fallere noctes
Svevisti: Patriae quo tandem commodus esses.
Sedulus hausisti Divini Oracula verbi;
10 Lingvarum mustum, Sophiae laticesque bibisti.
Hinc prodit mentis, pulchri ingenijque politus
Foetus, LIDENI, quo dogmata summa Jehovae
Asseris: et calamo docto nova praelia Sectae
Diluis et sopis, Scripturae lumine nixus.
15 Perge pie posthac, quo te rapit Enthea virtus;
Communi Patriae scriptis rata commoda mitte.
Sic laus florebit tua; fama sydera tanges,
Egregiisque ausis sies super aethera notus.
TÁj EÙno…ajc£rin Taàta ¢smšnwj prosšqhke
SS. Theol. Stud.
81. Petrus Svenonis Lidenius – Aut: Gudmundus Lidenius (cf. 79)
SKB, Växjö LB, H (def), EAB, [Tartu UB]
GRATULATIO
Hoc Pietas seclo[10] ferme intermortua res est:
Haeresis, ac error, surguntque pericula tetra!
Ipse quidem crepero Pietatem jactitat ore,
Et velut e rostris virtutem Curio laudat:
5 Turpibus ast ausis Christi sacra jura prophanat.
Hocce tuis scriptis ostendis, Frater amande,
Perge docere Pios; Reprobosque tacere, jube tu.
Sic astri instar eris fulgens post fata dierum.
Fratris honorandi vigiliis applaudere
voluit
82. Petrus Svenonis Lidenius – Aut: Georgius G. Gezelius (cf. 79)
SKB, Växjö LB, H (def), EAB, [Tartu UB]
GRATULATIO
O RICHARD Vates, quae te dementia coepit?
Lumen quis mentis fascinat, oro, tuae?
Spiritus an verus? minime; tu falleris altum:
Spiritus e Larvis noscitur ille suis.
5 Plurima, sit, videas: audis tamen ipse maligne,
Dum sequeris ductum pneÚmatoj horribilis!
Id Docti sacro monstrant e fonte salutis,
Qui vero veri stillat ab ore Dei.
Id Clarus Praesul JHERINGIVS, atque Magister
10 STOLTERFOTH scripto dexteriore probant.
Et jam Reichardi fallax opus, arte Magistri
Clara LIDENII nunc cadit, atque ruit.
O RICHARD Vates, fallax o spiritus ille!
Qui clare e Larvis noscitur ipse suis.
Westman.
83. Adr: Laurentius Torstani Loohm – Aut: Laurentius Ludenius (Naeniae in /.../ obitum ac abitum /.../ Laurentii Torstani Loohm, Smolandia Sveci, LL. Stud. /.../ Torstani Laurentii, praepositi et pastoris in Rydåholm, etc. filij /.../ qui die 23. April. /.../ an. 1647. apud /.../ Gamalielem Bergh, pastorem in Laiß /.../ obdormivisset: ejusdem exuviae ibidem in templo D. Georgio quondam sacro, quod est paroecia Laiß, die 14. Novemb. /.../ terrae sunt concreditae, abamicis et condolentibus conscriptae. Dorpati Livonorum, 1647: J. Vogel)
Linköping LB (def), [Tartu UB (def)]
EPICEDIUM
Per Anag.
VENIS: TOLLAR HUMO.
CHRISTE, VENIS; Mundo cum Venerit ultimus aevi
Terminus; et vivus mox Homo TOLLAR HUMO.
Salve, chare Parens; chari Salvete Propinqui!
CHRISTE, VENIS: vivus mox Homo TOLLAR HUMO.
Quod ultimo honori sc.
Laurentius Ludenius, Ph. et J. U. D.
Prof. Ord.
84. Adr: Laurentius Torstani Loohm – Aut: Johannes Erici Stregnensis (cf. 83)
Linköping LB (def), [Tartu UB (def)]
EPICEDIUM
Sic, bene qui CHRISTO vixit; qui pulcrius aevum
In CHRISTI vixit cognitione sui;
Ipsa illi lucrum Mors est. Exordia vitae
Candida quandoquidem non pereuntis habet.
5 Corpus terra fovet: Mens est exclusa periclis,[11]
Et gaudet vultu colloquioque Dei.
Condolentiae contestandae ergo haec
scripsit
M. Johannes Erici Stregnensis,
Mathemat. Super. et Physic. Prof. P.
ac p.t. Facultatis Phil.
DECANUS.
85. Adr: Laurentius Torstani Loohm – Aut: Gamaliel Bergius (cf. 83)
Linköping LB (def), [Tartu UB (def)]
EPICEDIUM
Hei! prima rapitur Juvenis florente Juventa;
Vivere qui longo tempore dignus erat.
Hei rapitur! rapitur LAURENTIUS impiger ille,
Artes qui coluit nocte dieque pias;
5 Jura suae scivit Patriae, didicitque Statuta
Quae descripta pie Justinianus habet.
Jura dedit Romana brevi compacta libello,
Quo nullum in terris clarius extat opus.
10 Commoda per Patriam, et tollere iniqua Soli.
Ast dejecta Soli, Suspecta, hei! tesqua maligni,
Linquit LOHM nobis, culmina et alta tenet.
Plantatus Domini justusque virebit in aede
Nobilis ut Palma aut alma Cedrus Libani.
15 Siste Parens lachrymas, tu Frater siste dolorem,
Nae LOHM vivit, ovat laetus in axe Poli.
Ita Sympatriotae abitum collac.
86. Adr: Laurentius Torstani Loohm – Aut: Laurentius Mellerus (cf. 83)
Linköping LB (def), [Tartu UB (def)]
EPICEDIUM
Sub persona pie Defuncti.
En nunc felicem me terque quaterque beatum,
Cui datur optato coelica castra sequi!
In Domino vivo, vivo novus incola coeli,
Semper in Angelico laetus ovoque Choro.
5 Sic neglecta hujus rellinquo gaudia vitae,
Aeternae felix gaudia pacis amo.
Chare Pater, Salve! Salve pia Mater! Amici
Salvete! Et tristes mittite lachrymulas.
Grata superveniet, quae non sperabitur, hora;
10 Ut patria in vera conveniamus erit.
Smoland.
87. Adr: Laurentius Torstani Loohm – Aut: Faderus Uraelius (cf. 83)
Linköping LB (def), [Tartu UB (def)]
EPICEDIUM
Plinius, omne sibi tempus periisse, canebat,
Quod pulcris Studiis non tribuisset agens.
Ille profanus erat, tu Christi servus haberis,
Cum fugitas Studium, scriptaque nulla legis.
5 Ludis, et indulges genio, sed labitur aetas,
Sed fugit, atque adeo non reditura perit.
Hora quidem mortis nostrae certissima: sed tu
Quid dignum tanta transitione facis?
Omnem sub coelo carnem, foenum esse, memento;
10 Quam quaevis citius defluit herba, cadis.
Mox oreris, mox contereris! velut umbra citata
Hoc breve ver vitae devolat omne tuae.
Et tu promittis tibi tempora longa fruendi
Partis! heu bullae fidere quaeso cave.
Debitae condolentiae ergo scripsit
Phil. Cand.
88. Adr: Laurentius Torstani Loohm – Aut: Carolus Jonae Ruberus (cf. 83)
Linköping LB (def), [Tartu UB (def)]
EPICEDIUM
En! cui nulla quies! cui nulla remissio certa
Hic fuit! in tumulis huic modo parta quies.
Spiritus in coelis aeternum cernit et audit
Effigiem vivi Progeniemque Dei.
5 Quisquis eris, pulcro officio superesse labora,
Inde quiescendi tempora fata dabunt.
properabat
89. Adr: Laurentius Torstani Loohm – Aut: Andreas Flojerus (cf. 83)
Linköping LB (def), [Tartu UB (def)]
EPICEDIUM
Quid quaeso in terris nobis mage flebile? in ipso
Ecquis plus nobis sustinet orbe mali?
Nascimur en miseri in fletu tristique labore!
Progredimur planctu! vita dolore cadit!
5 Exemplum poscis, qui haec credere signiter audes?
Hoc LOHM testatur, quem sine mente vides.
Hunc vidit flentem populosa Smalandia quondam,
Edocuit Pallas Dogmata pulcra rei.
Perrexit: Novus Hospes adest ubi Dorptica Musa,
10 Et Christo et Sophiae pectora tota sacrat.
Mentem Musarum dum pulcris artibus ornat,
Vitai Lachesis vivida fila secat!
Sic homo, qui tenero fruitur jam flore Juventae,
Corruit; et subito marcida membra jacent.
15 Marcida membra jacent: ast Mens ad sidera tendit,
Et fruitur summi commoditate boni.
Ergo absit luctus; lucri plus attulit hora
Mortis, quam vitae prima. Beatus ovo!
Debitae condolentiae Ergo app.
90. Adr: Laurentius Torstani Loohm – Aut: Johannes Nicolai Uraeus (cf. 83)
Linköping LB (def), [Tartu UB (def)]
EPICEDIUM
Soepius heu quondam divae doluere Camoenae,
Consimile o fatum, quale hoc nunc cernimus ipsi.
Scilicet, ille perit properata morte peremptus,
5 Illustrare, novo Virtutis coeperat usu.
O flos virtutis, LOHMI dilecte, Valebis,
Et flos in coelis, LOHMI dilecte, virebis.
Pauca haec condolentiae ergo adjicere
voluit
91. Adr: Laurentius Torstani Loohm – Aut: Petrus Angelstadius (cf. 83)
Linköping LB (def), [Tartu UB (def)]
EPICEDIUM
O Mors crudelis! nimium properando trucidas
Gnatum; Luctus adest, tristitiaeque premunt!
Siste Pater gemitus, tristesque repone querelas;
Extinctum lacrymis non revocare potes.
5 Sed potius, Sanctae Triadi sacra Jubila Psalle
Quod gnatus superi Vivit in axe Poli.
Condolenti animo adjecit
92. Adr: Laurentius Torstani Loohm – Aut: Anonymus[12] (cf. 83)
Linköping LB (def), [Tartu UB (def)]
EPICEDIUM
Omnis homo foelix, est terque quaterque beatus
De quo narratur, mortuus ille bene.
Hinc te felicem, multum charissime Frater,
Aestimo, tu CHRISTO mortuus. Usque Bene est.
Aliud.
Was ist daß ich euch seh/ Herr Pastor also klagen?
Ah daß jhr saget weh/ kan kein Trübniß verjagen.
Es ist ewr lieber Sohn/ durch Tods Gewalt vnd Macht/
Aus dieses Lebens Schein/ zum Vaterland gebracht.
5 Wann kompt der letzte Tag/ vnd dieses Lebens Ende;
Alsdann derselbe Tag/ der Himmels Frewd behende
Ein fröhlich Anfang ist: Und ist nach diesem Lebn
Alsbald ein frommer Christ/ Christo dem HErrn ergebn.
10 Auch aller Christen Noth/ kompt zu ein gewünschtes End.
Vom Ubel sind sie loß/ erfreyet von aller Quaal/
Sißen in Shristi Schoß/ sich frewen ohne Zahl.
Warumb wolt jhr denn klagn: Verborgen ja euch nicht ist/
Sondern wisset zu sagn/ daß bey unserm HErren Christ/
15 Ewer… [13]
93. Adr: Maria et Henricus Matthiae - Aut: Laurentius Ludenius (Ultimo honori /.../ Mariae et Henrici Matthiae; /.../ Salomonis Matthiae, in Regia Academia Gustaviana Adolphina quae Dorpati /.../ est /.../ SS. Th. professoris ordinarij; et ad D. Johannis pastoris /.../ filiolae, filiolique /.../ quorum illa cum die 26. Februar. /.../ anno 1642. esset nata; die 16. Novemb. /.../ anno 1647. /.../ denata; hic vero cum die 2. Augusti, /.../ anno 1643. esset natus; die 17. Novembris, /.../ anno 1647. /.../ denatus; uterque /.../ sepulchro, quod est in aede D. Johanni quondam sacra, /.../ die 21. Nov. an. 1647 /.../ illatus, consecrabant Musae Embecciades. Dorpati, <1647>: J. Vogelius)
UUB, [Tartu UB]
EPICEDIUM
Clare Vir, Eusebiae et Christi Divine Sacerdos,
Et Verbi clangens Buccina plena DEI:
Quis desiderij poterit modus esse MARIAE,
Tam charae Sobolis, tam Sobolisque piae?
Per Anag.
ERAT MIHI AMATA.
5 Praebemus dubias dictis nos talibus aures,
Proles ERAT Beata,
ERAT MIHIque AMATA!
Sic, ERAT! At postquam Baptismatis amne renata,
10 Omnibus auditur CHRISTI vox candida terris,
ERAT MIHIque AMATA.
CHRISTI vincit AMor. Mortales quosque volebas,
Vult immortales continuasse Dies.
15 Hinc alio mentes, alio diviseris aures:
Proles tibi quae AMATA,
Proles ERAT Renata:
Vivit Beata; Civis
Coeli superni, Civis!
Per Anag.
20 Ut primum accipio, JHESU, Undam Auramque salubrem,
Coelestis spondes Gaudia tota Poli.
Hinc donec vivo, Coelestia cogito: Votum,
MITTAR IN HAEC, JHESU, Gaudia, semper erat.
Orantem exaudis tu me, Dulcissime JHESU;
25 Te Duce, IN HAEC coeli Gaudia MITTOR ego.
Adeste, Sancti Coelites;
A JHESU IN HAEC MIssus meo
Coelestis Aulae Gaudia;
Vivo Beatus unice
30 Civis Supernae Curiae.
Salve, Pater!Mater, pia,
Salve! usque Fratres optimi,
Salvete: Vos Sororculae,
Salvete: et usque Plaudite!
35 Vivo Beatus unice
Coelestis Aulae gaudia!
Piae Consolationis Nomine inter
lac. appon.
Laurentius Ludenius, Ph. et J.U.D.
Poët. Cor. Profess. Ordin.
94. Adr: Maria et Henricus Matthiae - Aut: Martinus von Beerensamb (cf. 93)
UUB, [Tartu UB]
EPICEDIUM
Siccine MATTHIAE SOBOLEM, properantia fata
Te rapiunt? Clari Spes GENITORIS eras!
An tua non potuit primo sub flore Juventus
Parcarum soevas detinuisse manus?
5 Heu coecae fati mentes, praecordia dura!
Heu nimis ad properam Numina prona necem!
Quando erit ut nostrae sortis miseratio tangat?
Vestra mage an saxo pectora dura rudi?
Fallor; an hoc frustra toties speramus, et illis
10 Judicij ratio semper iniqua manet?
Quid magis hoc etenim facto crudele putandum est,
Cum furor hic soleat plus nocuisse Bonis!
Quam non Progenies spem fecerat esse Parenti?
Heu cito spes nimis est reddita vana PATRI!
15 Talis erat formae decor, et virtutis imago;
Qualis puniceae noscitur esse Rosae.
Nunc tamen o periit! periit simul omnis, amica
Quae modo Spes MATRIS, Spes GENITORIS erat!
Ceu flos mane viret, sed sero vespere langvet;
20 Sic qui mane viret, vespere langvet homo.
Heu mihi! tam fragile est, quicquid spectatur in orbe,
Die Verstorbene reden jhre Eltern an.
JHr Eltern/ trauret nicht/ vnd trucknet ewre Wangen;
Ah lasset doch nicht mehr die Häupter nieder hangen;
25 Weil wir den schnöden Welt vnd aller schweren Pein
Nach GOttes weisen Rath numehr entrissen seyn:
Betrachtet doch die Welt/ vnd zwar zu diesen Zeiten;
Wie muß man immerfort derselben widerstreiten:
Wie reitzet manchen doch die Welt mit jhrer Lust/
30 Vnd wem ist jhr Betrug nicht mehr als viel bewust?
Wie weiß sich mancher Mensch zu neigen vnd zu bücken
Vnd wie muß mancher doch sich lassen vnterdrücken:
Wie redet mancher wol ein angenehmes Wort/
Vnd ist doch sein Gemüth/ vnd Hertz am andern Ort.
35 Wer wil doch etwas nun zu GOttes Ehren geben/
Vnd wer bekümmert sich mit Fleiß darnach zu streben
Damit sein Christenthumb durch Liebe mit der That
Erscheine fort vnd fort/ wer achtet solchen Rath.
Wer wolte länger doch in dieser Welt verbleiben/
40 Vnd seine Lebens Zeit in Furcht vnd Angst vertreiben?
Darumb wer Zeitig stirbt/ weiß gar von keiner Noth/
Vnd ist noch vnbefleckt vom schwartzen Sünden Koth.
Auch vns hat GOtt der HERR im Früling vnser Jahren
Aus dieser Welt gerafft/ wir haben nicht erfahren
45 Den falschen Sinn der Welt: Wir schawen GOttes Sohn/
Vnd stehen immerdar für seinen högsten Thron.
Darumb so höret auff vom Weinen vnd von Klagen/
Jhr werdet ja nicht gar verzweiffeln vnd verzagen;
Denn Vns ist mehr als wol/ vnd sind in stoltzen Ruh:
50 Ey nun so schlieffet doch die Thränen Quellen zu.
95. Adr: Maria et Henricus Matthiae - Aut: Martinus Röselerus (cf. 93)
UUB, [Tartu UB]
EPICEDIUM
Mors non Mors, sed Mortis larva.
Fata jubent aliam Fati conscendere scalam;
Tristia praecipiti dum Nex ventura volatu
MATTHIAE Fati funera bina facit.
Bedenck O Sünder-Kind/ nim dieses vest zu Hertzen/
5 daß solchen schwerer Schlag dem Vater bringe Schmertzen;
Schmertzen die nicht leicht zu tragen/
weil sein doppel Liebes-Pfand/
durch den böser Blätter-Plagen/
wird gelegt ins schwartze Sand.
2.
10 Betrachte diesen Fall! was mag die Mutter dencken
weil vier in einem Hauß vmb Leibes Schwachheit kräncken?
Kräncken/ so da Kräncken bringet:
Sinne recht/ vnd nim wol ab
daß es durch die Glieder dringet/
15 Mache matt den Leben-Stab.
3.
Vnd hastu nun bedacht der der Kranckheit schwere Leiden?
Laß diß auch zu Gemüth; besinne zwoer scheiden/
vnd was sonst der Vater sage:
Wie der krancken Mutter sey;
20 der vmb dieser Kinder Plage
schweret schweres Zähren-Bley.
4.
Doch muß des Vaters Hertz des Höchsten Rath vnd Willen
mit einen sanfften Muth/ vnd letzten Gang verfüllen:
Vnd die Mutter hat die Wangen/
25 vmb die heiße Kinder-Pein/
lauter Zähren-voll behangen:
GOtt wird beyder Tröster seyn.
Chronodist.
FVgIt: MARIAE, fata repLeta sVbIt.[14]
Inter suspiria et lacrumas posuit
LL. Stud.
96. Adr: Maria et Henricus Matthiae - Aut: Thomas Kühn (cf. 93) UUB, [Tartu UB]
EPICEDIUM
'Anagr£m.
TAM MIHI ARA DATA.
Pie Defuncta loquitur.
Incola sum Coeli, stellata Palatia cerno,
Aetherei capio pulchra theatra poli.
Hic mihi templa Deum penetralia coelica donant
TAM sacra, quam frondens ARA MIHI DATA stat.
5 Cum Superis summum veneror de pectore Jhovam[15],
Coelicolum Regi carmina grata fero.
'Anagr£m.
AH! CHRISTI VIA MEANT.
Cur solitae lacrymis spargitis ossa necis?
AH! Soror et Frater, CHRISTI vestigia quaerunt,
10 Hacce VIA CHRISTI taliter ambo MEANT.
Ambrosia et semper pascuntur Nectare Divum;
Aeternum CHRISTO jubila laeto canunt.
SIC pVerI hI! (SoboLes CLarorVM sangVIne nata)
In CoeLIs VIVVnt: fVLCra sVperna tenent.[16]
Moesto calamo pangebat
SS. Theol. Stud.
97. Adr: Ericus Jeremiae Munthelius – Aut: Ericus A. Holstenius (Disputatio theologica in caput decimum octavum a v. 15. usque ad finem, D. evangelistae Iohannis selectissimas notas exhibens, in Regia Academia Dorpatensi publicae censurae subjicietur, praeside Andrea Virginio, /.../ respondente Erico Jeremiae Munthelio, /.../ die 15. Januar. anni 1647. Dorpati Livonorum, 1647: J. Vogelius)
SKB, Växjö LB, BRAN, [Tartu UB]
GRATULATIO
Doctiss. Dn. Respondenti
SÚgcarma.
Macte, rem magnam Patriota dulcis
Nunc agis; CHRISTUM referendo, nostra
Stante pro culpa subiisse poenas
Mortis acerbas.
5 Arrium et Bezam, reliquasque sectas,
Sensa scripturae male detegentes
Te refutare aggrederis subinde,
Praeside Claro.
Perge Muntheli bene sic rigare
10 Os Juventutis Pietatis undis;
Luceas tandem velut inter astra
Luna minora.
EÙno…ajc£rin toàto ¨pÒgrayen
98. Adr: Ericus Jeremiae Munthelius – Aut: Andreas Hellenius (cf. 97)
SKB, Växjö LB, BRAN, [Tartu UB]
GRATULATIO
Dum sacrum volvis, MUNTHELI Docte, volumen,
Vtile, jucundum; ast magnum studium tibi coeptas.
Volvere quod studium semperque revolvere perge,
Sic benedictio stet Summi et maneat tibi semper.
In honorem
Doctissimi Domini Respondentis,
sympatriotae et amici dilecti
pauca haec apponere ut
debuit ita voluit
Westman.
99. Adr: Ericus Jeremiae Munthelius – Aut: Georgius Gezelius (cf. 97)
SKB, Växjö LB, BRAN, [Tartu UB]
GRATULATIO
Gratulor inde tibi, MVNTHELI dulcis amice
Quod pergas studiis invigilare bonis.
Ominor hinc laetus, tibi sertam nectet Apollo,
Et clarum sparget nomen ad astra poli.
Commensali dilecto ita ad gra-
tulari voluit
100. Adr: Päder Larsson Örnkloo - Aut: Daniel Danielis Nycopensis (Een liten, dock wälment Bröllops-Önskningh, /.../ När /…/ Päder Larsson Örnkloo till Loop, /.../ Ståthållare i Narfwen och uthi Ingermannelandh, Vthi /.../ Förbundh inträdde Medh /.../ Anna-Maria Stormhat, /.../ Laurentz Erichssons Stormhats, till Nääß och /.../ Commendants och Ståthållares på Nötheburgz Befästning, /.../ Dotter. Hwilken /.../ höls och fyrdes på bemelte /.../ Nötheburgs Slått den åhr 1647. Dorpt I Lieflandh, 1647:J. Vogel) UUB, [Tartu UB]
EPITHALAMIUM
HAEREDITAR. IN LOOP, CASTELLANUS N.
'AnagrammatizÒmenoj:
O NOLI ERRARE! PIUS ES ÖRNKLO / HINC
SPLENDET TITAN LAETA LAURU.
Arx, clypeus, tutor, Praesidiumque ratum.
Unde suis tandem post Nubila Jubila praebet,
Soepius et quae sunt tristia LAETA facit.
5 Exemplo nobis, hodiernus sistitur hicce
Praeclarus Sponsus, pulchrior orbis honos.
Soepius hic rabida vexatus sorte malorum,
Sustinuit variis tristia fata modis.
Verum, dante Deo, praedulcia gaudia crescunt,
10 Dum post tristiam, laetitiam assequitur.
Dat Deus o vitae Sociam, tribuitque fidelem,
Quam Pietas ornat, Virgineusque Pudor.
Haec exculta illi svavem fragrabit odorem,
Haec aevi requiem Pace beante feret.
15 Nobilitate vigens, et Gentis Gloria, Sponse,
Hinc pia secura gaudia mente move.
Exulta; tristes depelle e corde dolores,
Symbola laetitiae plurima pande novae.
Plurima pande novae; Domino gratesque rependens,
20 Devotas pura concipe mente preces;
Quod tibi nunc Sociam dederit, praenobile vitae
Fulcrum; Quaeque venit firma columna Domus.
Quae colit et Domini nostri sacra Dogmata Christi,
Moribus et pulchris undique culta nitet.
25 Insuper hanc blando Nuptam complectere amore,
Svavisonis dictis basia fige genis.
Si variant Humana Vices discrimina: Spera,
ERRARE O NOLI! fide sed usque Deo.
Quae-te-cunque premunt, Domino committe pericla;[17] is
30 Oppressis graviter svave Levamen erit.
Fide Deo Deus est, Mortali lege creatos
Qui jubet humanas pertolerare vices.
Fide Deo, Deus est: Post nubila jubila praebet,
Soepius et quae sunt tristia, LAETA facit.
35 ES PIUS, O ÖRNKLO! HINC SPLENDET post nubila TITAN,
ET LAETA LAURU praemia opima refert.
O Perfausta dies! Albo signanda lapillo,
Qua duo sic socius Corcula jungit amor.
Sumite nunc dulces resonantia plectra, Camoenae;
40 Blandisonam docto Marte movete chelin.
Prodite sacratos alternis motibus Hymnos,
Virginea blandum psallite voce melos.
Dulce melos, lepidae Charites, hac fingite luce,
Da svavi modulos voce, Thalia, tua.
Atque hilari placidum fingite mente jocum.
Praestantes Juvenes pulchras deducite Nymphas,
Insignes pedibus ducite et arte choros.
Sic quia nunc Musae sua plectra canora capessunt
50 Atque tuae exultant limina tota Domus;
Ipse una grator toto de pectore coeptis,
Et mea de voto carmine vota fero.
Votum.
O Trinune Deus, rutili Dominator Olympi,
Qui Socio mandas subdere colla jugo:
55 Quae conjunxisti, placide precor aspice, corda;
Jugiter incensas fac renitere faces.
Insidias Sathanae prohibe, technasque repelle;
Atque bea multa prosperitate Torum.
Sydere da fausto traducant tempora vitae;
60 Munere concordes da superesse tuo.
Multa Virum volvant, durando et secula vincam;
Nestoreos superent transitione dies.
Felicem numerent Prolem, serosque Nepotes;
Et teneant culti jugera magna soli.
65 Hoc precor; hoc toto depromo pectore Votum,
Christe, meum Votum pondus habere dato.
Aliud in Lingva Svecica.
O Gudh som vthi Paradijß
Adam till hielp och gamman/
Tillfogade een Owijnna wijß/
70 Evam/ att lefwa samman.
Tu som i Cana Galileen/
Brudhgum och Brudh till ähra/
Wända mon Watn uthi sött Wijn/
Thet them fast mon beswära.
75 Tu som och än Sandfärdeligh/
Alt ächta stånd bewarar/
J thenna sidste Wärldzens Tijdh
För Sathans falke Snaror.
Ther till och låffuer rundeligh/
80 Kyske och fromma Makar/
Som ther i leffue Gudeligh/
Ymnogdt i alla Saker.
Lät thetta Wärck O HErre Gudh
Som i Dagh celebreras/
85 Medh thesse tu/ Brudgum och Brudh/
Liufligt continuerat.
Mechtige Gudh lät them ochså/
Mång åhr leffua tillsamman/
Sampt Barn och Blomma Ståda få/
90 Sigh till stor lust och gamman.
Och när theraß Tijdh kommen ähr/
Och Liffuet haar een ända/
Och the skole aff thenna Wärld/
Then sidsta Reesan lända;
95 Så lät them medh Stillheet och Roo/
Sachtmodeligh insompna/
J tigh HErr Christ medh en starck Troo/
Sitt Lijffzlåpp så fullkompna.
Och så aff thenne Sårgadaal
100 Komma/ från allsköns Fahra/
Jn i tin ewigh Frögdasaal/
Til tin helg Engla Skara.
Ther/ the skole stå in för tin Thron/
Haffua Pälmar i Händer
105 Thet Himmelske TRISAGION,
Siungandes utnam ände.
ANNO:
ConnVbIo stabILI; PraeCLaro est GerMIne nata.[18]
ANNVS.
Itidem datus in Nob. Dn. SPONSI Nomine.
A SS. RegIa MaI. te SVeCICa NarVIae ConstI-
TVtVs CasteLLanVs,
PetrVs LaVrentII ÖRNKLOO / GothVs.[19]
Sic Nobiliss. Dn. Sponso Hospiti suo
unice honorando,
In debitae Gratitudinis, et Honoris perenne
Documentum, gratulari voluit
ac debuit
101. Adr: Päder Larsson Örnkloo - Aut: Petrus Örnkloo (cf. 100) UUB, [Tartu UB]
EPITHALAMIUM
Dvm pia legitimi conscendis foedera lecti,
Et facie ducis pulchram, Nymphamque venustam
Moribus: appaludo, Genitor charissime, coeptis:
Atque tibi tot devoto de pectore fausta
5 Opto; quot tellus flores nunc pascit amoenos,
Quot squamis tectosque involvunt aequora pisces.
Haecce Nobiliss. et Chariss. suo Dn. Patri,
filiali et devoto Animo appre-
cabatur
Nob. Svec.
102. Adr: Päder Larsson Örnkloo - Aut: Bugislaus Örnkloo (cf. 100)
UUB, [Tartu UB]
EPITHALAMIUM
Et cupido semper corde petita mihi:
Jam tandem prodit niveo fulgore coruscans,
Omnibus et nobis gaudia vera refert.
5 Idcirco ex animis totis, Pater optime, laetor;
Atque opto Thalamis omnia fausta tuis.
Vive, Pater, longos felix in Nestoris annos;
Et mihi chara Parens, Vive Valeque diu.
Quod Nobiliss. et Dilectiss. suis Dn. Paren-
tibus, Filiali Voto in felix faustumque
omne vovebat
Nob. Svec.
103. Adr: Axelius et Ericus Axelii Oxenstierna – Aut: Laurentius Ludenius (Inclyta virtus /.../ Axelii Oxenstierna, comitis in Södra Möhre, L. baronis in Kimitho /.../ equitis aurati, regni Sveciae cancellarij et per Germaniam nec non ad exercitus legati atque evangelici foederis ibidem directoris generalis, judicis provincialis Bothniae Occidentalis, etc. A. /.../ Christina, /.../ Svecorum, Gothorum, Vandalorumque regina, /.../ die 27. Novembris, anno 1645. /.../ illustritate comitis regni /.../ illustrata: quam, /.../ in Regia Gustaviana Adolphina Academia, quae Dorpati /.../ est /.../ solenni oratione metrica, die 7. Maji, anno 1647. /.../ aeternitati consecrabat Laurentius Ludenius, /.../. <Dorpati>, 1647: J. Vogel) SKB, [Tartu UB]
DEDICATIO
DOMINIS SVIS GRATIOSISSIMIS;
Vitam, incolumitatem et felicitatem perpetuam;
VIRTUS recludens promeritis Polum,
Intaminatis fulget Honoribus!
Palmaeque frondes ut recludunt
Stipite praevalidas onusto;
5 Sic pervicaci nescia cedere
VIRTUS RENIDET lumine latius
Ingenij stimuli coruscant.
Ita devota mente precatus,
Humiliter
Dat. D. D.
104. Adr: Ericus Axelii Oxenstierna – Aut: Magnus Samuelis Asp (Ostrogothiae historia; quam, /.../ in Regia Academia Gustaviana Adolphina, quae Dorpati /.../ est /.../ die 18. Augusti, anno 1647. oratione solenni, publice /.../ enarrabat Magnus Samuelis Asp, /.../. Dorpati, 1647: J. Vogelius) SKB, UUB, Växjö LB, H, [Tartu UB]
DEDICATIO
Illustrissimo et Magnificentissimo
Heroi ac Domino,
OXENSTIERNA;
Comiti Moreae Australis; Libero Baroni de Ki-
mitho/ Domino in Fyholmen et Tydhöön; etc. Guberna-
tori Revaliensi inclyto; Domino suo
Gratiosissimo:
Vitam, incolumitatem, et felicitatem perpetuam P.
Regni Celse Comes, Celsae rata Gloria Gentis,
Celse Gubernator, Pieridumque Decus;
Vt fulgens Adamas Gemmarum gratia fulget;
Bosphorus utque micans lumina clara fovet:
5 Stemmate sic Clarus, sic Celso nomine Clarus,
Illustres Proceres Celsior inter ovas.
Submissis animis hoc ipsum agnoscimus omnes;
Nosque animi hinc humilis debita signa damus.
Ipse etiam ut vere tester mea subdita corda,
10 Historiam Patriae, doque dicoque, meae.
Hanc, o Celse Heros, Clementi suscipe Vultu;
Vive deo, et Regno, Pierioque Choro.
Humiliter et Reverenter
Dat. D. D.
Ostrogothus.
105. Adr: Philipp Scheiding – Aut: Rector Magnificus, Decani, et Professores caeteri (SS. Reg. Maj. regnorumque Sveciae ac Gothiae Senatoris /.../ Philippi a Scheiding, domini in Kegel et Jackowald, etc. Regij Supremi judicij, quod est Dorpati Livonorum, praesidis, et Regiae ibidem Academiae Gustavianae Adolphinae cancellarij /.../ in /.../ die 9. Julij anno 1646. /.../ contingentem obitum; tumuloque, qui Revaliae est in aede D. Olao quondam sacra, 16. Februarij, anno 1647. /.../ illati. Dorpati, 1647: J. Vogel) UUB, [Tartu UB]
EPICEDIUM
Delicium Generis; Decus immortale Camoenae;
Regum amor; Arctoi Regni Gravitate Senator;
Militiaeque Togaeque Decus; Celsissimus Heros
Illustre in terris SCHEIDINGIUS ille PHILIPPUS
5 Aevum egit; Pia Mors Anima seduxit et artus!
Dives Avis, et utroque Jovem de sangvine ducens
Hic, ubi magnanimis contermina Svecia Gothis,
Hic et ubi Alsatiam felix Franconia jungit
Hessorum populis; simul et Thuringia Misnae
10 Saxonas ac longo sociat discrimine Marchos.
Et dedit innumeras tenera intra pectora dotes.
Abluit agnatas maculas Baptismatis amne,
Et Sancto primae implentur Spiramine mentes.
15 Nobilis ipse Parens puerili in corde latentes
Suscitat igniculos Virtutum et semina Veri.
Addit Cultores animi morumque Magistros,
Qui docilem efficiunt, Sophiae Eunomiaeque capacem.
Hinc, ubi praecipuis fulget Germania Musis,
20 Excellens Academiacas novus Hospes ad oras
Accessit; docili se pectore tota Vetustas
Condidit, et coepit Studiis extendere Nomen;
Et mens sublimis supra Genus exiit ipsum.
Hinc Pietas jussit Germano excedere Mundo,
25 Et Patriae fines et Avita revisere tecta.
Dives Avis, Regum Soboles, Celsissimus Heros
Rex CAROLUS NONUS, Sveonum Sol, Phosphorus orbis,
Miratur genij dotes, et commoda mentis.
Mox inter Proceres Camerae delectus Achates.
30 Consiliis felix Auctor SCHEIDINGIUS audit.
Mox, ubi Rex revocat vires Reginaque victu,
Regales mensis epulas Cereremque ministrat.
Pulcrior hinc meritis, Aulae Marschallus habetur,
Egregios ponit Mores Juvenique Senique.
35 Mox sancte sanctis Patriae de rebus habendis
Consiliis Socium Illustrem Rex jungit; et alti
Esse Senatorem Regni jubet; Auspice CHRISTO,
Consulere in medium, et fessis succurrere rebus.
Per populos jubet hinc det candida jura togatos,
40 Dives ubi longo surgit Dalkarlia tractu,
Plurima dona vomens, dum Gens tellure revulsa
Sollicitis fodiens rimatur collibus aera.
Magnus erat magnis Arctois Regibus ortus
Inclytus Heroum Sangvis GUSTAVUS ADOLPHUS,
45 Diis genitus, sanctis invictus viribus Heros;
Hic ubi Narva jacet, prope consilientibus undis,
Surgit et affinis bellacibus Ingria Moschis;
Imperiis mandat sanctis ut compleat orbem,
Utque Gubernator multa vi muniat oras.
50 Dux MICHAEL, Dux FOEDOREVVITZ, pugnacibus armis
Multorum domitor populorum, maximus Heros
Moscovia immensa immensis qua funditur agris,
Arma movet; longe clarus fulgentibus armis.
Assilit ast frustra defensae moenibus urbis
55 Narvae, quae pulcris armis defensa quievit.
Insigni duplices retinens ditione Polonos
Ille SIGISMUNDUS Rex Illustrissimus ortu;
Sangvinea inde manu crepitantia concutit arma
Et circum Narvam flammas ad sidera volvit.
60 Ipse Gubernator clarus victricibus armis
Induitur multis fatalia millibus arma;
Et subito sectis, quamvis acerrima surgant
Praelia, Militibus; plena tamen ipse phalange,
Et pauco felix delecto Milite, vincit.
65 Inde Gubernator celsus datur, Auspice Christo,
Littore qua facto celebris Revalia fertur,
Et jacet inclusi moles celebranda Theatri;
Reddit jura foro, componit Legibus orbem,
Et placidas Gentes, aeterna in foedera mittit.
70 Ardua progenies Regum GUSTAVUS ADOLPHUS,
Jura, Magistratusque, Senatoresque legebat
Ad latices Embecciades, ubi nobile Dorptum;[20]
Sancti Judicij Praeses SCHEIDINGIUS audit;
Atque sacros Juris ritus; et sancta Statuta
75 Instituit; firmare jubet sub Judice causas,
Et regere usque hominum per Legum pondera mentes.
Ille Pater Patriae, Divus GUSTAVUS ADOLPHUS,
Et tanti Herois Soboles, Regina Serena
CHRISTINA, aeternum fulcrum Pietatis et Aequi.
80 Has Embecciades Clementi mente Camoenas
Dum vult pace regi, haud turbari a turbine mundi.
Magnificus meritis cito Cancellarius audit;
CHRISTO Dante, Academiacus SCHEIDINGIUS Hercles.[21]
Ingenui vero ut flammas suscepit Amoris;
85 Nobilis, atque piis Virtutibus aurea Virgo
DELVVIGIANA, pios non aversata Hymenaeos,
Composuit placidos sociali foedere sensus.
Officiosus Amor! Connubia cognita laeta
Ex sese egregiam prolem videre renatam
90 MARGARIDEN: mores ornant, atque aurea virtus.
Vidit; et ut vidit NICLAUS Nobilis Heros
Et socio placidus bene cepit amore teneri.
Verum primus amor properata morte fefellit!
95 DELVVIGIANA dati metam pervenit ad aevi.
Fata jubent aliud vacuis inducere tedis
Connubium, atque novos vitae socialis honores.
Nobilis egregiis animis CATHARINULA Luhern
Floruit insignis primaevo flore Juventae,
Imbuit, ut socium biberet per corda favorem.
Junguntur placidis Thalamis et foedere certo;
Nobilior Proles quater, exoptata Propago,
Nascitur, atque exit pulcras in luminis auras.
Accelerat vitae properata novissima Fata.
Ille memor CHRISTI, confessus crimina sanctam
Hostiam, et auratum Calicem, tua pignora, CHRISTE,
Acceptat. Corpus complexa tuumque Cruorem.
110 Interea placidae inceptat succedere morti;
Atque Anima, aetherei laeta intrat gaudia coeli.
Sanctas relliquias, venerandique ossa Parentis
Condidimus terrae, moestasque sacravimus aras!
Sic retro cedit, de terra quod fuit ante,
115 In terras et quod missum est ex aetheris arce,
Id rursum coeli stellantia Templa receptant.
Interea tristes liceat deponere curas,
Dum Pater Illustris Genetrici in Prole renatus;
Aeternum SALVE, Conjux Generosa, VALEque:
120 Aeternum SALVE, Proles Generosa, VALEque.
Stet fortuna Domus: longissima floreat aetas;
Et Nati Natorum, et Avi numerentur Avorum.
In Regia Academia Gustaviana Adolphina, quae Dorpati
Livonorum est ad Embeccam, condolentiam contestantes s.i.
et Professores caeteri.
106. Adr: Georgius Simonis – Aut: Laurentius Ludenius (Disputatio theologica in caput decimum nonum a v. 25 usque ad finem, D. evangelistae Iohannis selectissimas notas exhibens, in Regia Academia Dorpatensi publicae censurae subjicietur, praeside Andrea Virginio, /.../ respondente Georgio Simonis, /.../ die < > anni 1647. Dorpati Livonorum, 1647:J. Vogelius) BRAN, [Tartu UB]
GRATULATIO
Doctiss. et Humaniss. Dn. Respondenti.
Per Anag.
IMO, E SIGNIS SURGO.
Do SIGNa insignis genij; IMO, Praeside Christo,
Ut liquet E SIGNIS, SURGO beatus Homo.
In felix auspicium app.
Laurentius Ludenius, Ph. et J.U.D.
Profess. Ord.
107. Adr: Georgius Simonis – Aut: Mauritius Lemnerus (cf. 107)
BRAN, [Tartu UB]
GRATULATIO
Laudo tuam mentem, laudo mentisque laborem,
Mentis dum excultae promere signa paras.
Macte hac dexteritate! via invia, semita facta est,
Te duce, queis mens est scandere ad astra Poli.
5 Ergo rumpe moram, cuncta impugnata logismis
Expugna, sola hac itur ad astra via.
Paucula haec amico affectu inse-
rere volebat
SS. Theol. Stud.
108. Adr: Georgius Simonis – Aut: Jonas Ficinus (cf. 107) BRAN, [Tartu UB]
GRATULATIO
Extremae sunt charae animo praestantis Amici
Voces: atque solent decedere Pectore raro.
Ast tua, Salvator, qui nostros morte reatus
Hic tollis; potius meminisse novissima verba
5 Nos decuit: laqueo quia Mortis solvere possunt.
Gratulor inde tibi, svavissime Amice Georgi,
Voces qui pulchre extremas Christi resolutas
Defendis, docte contorta sophismata solvens.
Perge, et non poterit te facti paenituisse.
Ita animitus Congrat.
voluit
Jun. Liv.
109. Adr: Abrahamus Georgii Thauvonius – Aut: Ericus Holstenius (Disputatio mathematica inauguralis de astronomia generali; quam /.../ in Regia Academia Gustaviana Adolphina, quae est Dorpati /.../ sub praesidio /.../ Johannis Erici Stregnensis, /.../ pro summo in philosophia gradu consequendo, /.../ disputationis censurae submittebat Abrahamus Georgii Thauvonius, /.../ ad diem 15. Octob. anni /.../ 1647. /.../. Dorpati Livonorum, <1647>: J. Vogelius)
SKB, UUB, H, [Tartu UB]
GRATULATIO
Praestantissimo atque Doctiss. Juveni
Philos. Candidato digniss. Amico suo integerrimo,
docte pro Laurea Magisteriali disserenti
'Anagr.
MAGNA VIRO VIRTUS; AGE OVABIS.[22]
Ominor! Omnipotens Deus omnia tota secundet:
VIRTUS MAGNA VIRO, Mens inculpata sodali
THAUVONIO nostro fuit: Hoc AGE semper OVABIS.
Ita lubens gratulabatur
Phil. Cand.
110. Adr: Abrahamus Georgii Thauvonius – Aut: Andreas Bergh (cf. 110)
SKB, UUB, H, [Tartu UB]
GRATULATIO
Curva placent aliis contorto vimine rastra,
THAUVONIO videas astra placere pio.
Quando Solum Studio sunt qui rimantur agresti,
Rimatur rutili sidera pulchra poli.
5 Hinc inter doctos virtutibus eminet ille,
Ceu coelique micant astra, micare studet.
Sic vixisse juvat! sic, sic juvat ire per hortos,
Carpendo Phoebi Pieridumque bona!
Sic vixisse juvat! sic, sic juvat ardua dextre
10 Musarum docta ferre Trophaea manu.
Syncero Syncere cecinit
111. Adr: Faderus Arvidi Uraelius – Aut: Carolus Ruberus (Disputatio physica de coelo; quam, /.../ in Regia Academia Gustaviana Adolphina, quae Dorpati /.../ est /.../ sub praesidio /.../ Johannis Erici Stregnensis, /.../ pro magisterij gradu eiusdemque privilegiis reportandis, publico examini submittebat Faderus Arvidi Uraelius, /.../ ad diem 8. Octob. anno 1647. /.../. Dorpati Livonorum, 1647: J. Vogelius)
SKB, H, [Tartu UB]
GRATULATIO
Ad Praestantissimum atque Doctissimum
Pro Laurea Philosophica con-
sequenda disputantem.
Herculeo res pulchra venit quaesita labore;
Herculeo res pulchra Viros exornat honore.
Sic qui naturam summi scrutaris Olympi,
Quam famam tribuit tibi Musa, perennis habetur.
Sic animitus vovebat
112. Adr: Faderus Arvidi Uraelius – Aut: Ericus Michaëlis (cf. 112)
SKB, H, [Tartu UB]
GRATULATIO
Non una ver hirundo, totus grex facit;
Sic actio operis unica haud habitum parit;
Sed comparari debet ille pluribus.
Te, disputando de Coelo, praebes Virum:
5 Sic, sic eundum honoris ad brabeum erit.
113. Adr: Faderus Arvidi Uraelius – Aut: Petrus Nicolai Virgander (cf. 112)
SKB, H, [Tartu UB]
GRATULATIO
Aonias Vigili servasti pectore Musas,
Quae Artibus ingenuis te docuere probe.
Hae tibi frondentem pergunt innectere laurum,
Occipitique tuo serta parare pie.
5 Hinc animis voveo; Deus ut, qui cuncta gubernat,
Haec bona felici tramite coepta beet.
Honoris et fausti ominis E.
Scripsit
114. Adr: Viris /…/ dn. Burggravio regio, dnn. Consulibus, dn. Syndico, dnn. Praetoribus, dn. Senatoribus – Aut: Thomas Kühn (De anima oratio: quam, /.../ in Regia Academia Gustaviana Adolphina, quae Dorpati /.../ est /.../ die 15. Sept. anno 1647. publice /.../ enarrabat Thomas Kühn, /.../. Dorpati Livonorum, <1647>: J. Vogel) (s. 73-76)[23] SKB, Växjö LB, LAB, Tartu UB
DEDICATIO
Repub. Patribus inclytis;
Salutem et Prosperitatem p.p.
Magnifici sancto Patriae molimine Patres,
Urbis Delicium, jugis et Orbis Honos:
Dante Deo, Vobis dat Plebs, et Curia laudem,
Quod sit consilium Pacis amoena quies;
5 Vtque potest, pleno Vos deveneratur honore,
Contestans Animi debita signa pij.
Ipse quoque ut demissae Animae pia nomina tester;
Magnifici, hac vobis dedico scripta, Patres.
Submissa accipite o nostri conamina cultus,
10 Haec devoti Animi candida signa mei.
Sic Mecoenates, felici vivte; Musis
Vivite: Perpetuus continuetur Honor.
Dnn. Mecoenatibus, Promotoribus, atque Evergetis suis
Submissi animi cultu, Reverentia et Studio
unice devenerandis
Reverenter et officiose
Dat, D. D.
[1] reposta pro reposita edd metri causa
[2] Idem 1636.14; 1643.21; 1644.4; 1645.13; 1646.4; 1648.13; 1649.16; cum variatione 1648.12; cf. 1641.11; 1642.19-20.
[3] Idem 1636.25; 1643.46-47; 1644.15; 1645.47; 1646.19; 1648.25; 1649.22.
[4] Anagramma non recte constructum
[5] pericli pro pericli H metri causa
[6] Chronodistichon annum 1647 exhibens
[7] deprendis pro deprehendis S metri causa
[8] Anagramma non recte constructum
[9] Anagramma non recte constructum.
[10] Seclo pro saeculo edd metri causa
[11] periclis pro periculis Li metri causa
[12] Li : finis deest.
[13] Li : textus abrumpitur.
[14] Chronodistichon annum 1647 exhibens
[15] U : Jhovam pro Jehovam metri causa.
[16] Chronodistichon annum 1647 exhibens
[17] pericla pro pericula U metri causa.
[18] Chronostichon annum 1647 exhibens
[19] Chronostichon annum 1647 exhibens
[20] Dorptum pro Dorpatum U metri causa
[21] Hercles pro Hercules U metri causa
[22] Anagramma non recte constructum.
[23] Dedicatio in exemplari LAB D5/8 et Tartu UB.